ಬಿಸ್ಕತ್​ ಪೊಟ್ಟಣದಲ್ಲಿತ್ತು ವಿದೇಶಿ ಕರೆನ್ಸಿ... ಐನಾತಿ ಕಳ್ಳರು ಸಿಕ್ಕಿಬಿದ್ದದ್ದು ಹೇಗೆ?

ಬಿಸ್ಕತ್​ ಪೊಟ್ಟಣದಲ್ಲಿ ವಿದೇಶಿ ಕರೆನ್ಸಿಯನ್ನಿಟ್ಟು ಕಳ್ಳ ಸಾಗಣೆ ಮಾಡಲು ಯತ್ನಿಸಿದ ಆರೋಪಿಯನ್ನು ರಾಜೀವ್​ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಂ​ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ.

ಹೈದರಾಬಾದ್​: ಬಿಸ್ಕತ್​ ಪೊಟ್ಟಣದಲ್ಲಿ ವಿದೇಶಿ ಕರೆನ್ಸಿಯನ್ನಿಟ್ಟು ಕಳ್ಳ ಸಾಗಣೆ ಮಾಡಲು ಯತ್ನಿಸಿದ ವ್ಯಕ್ತಿಯೊಬ್ಬನನ್ನು ಇಲ್ಲಿನ ರಾಜೀವ್​ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಂಧಿಸಲಾಯಿತು.

ದುಬೈನಿಂದ ಬಂದ ಪ್ರಯಾಣಿಕರ ಮೇಲೆ ಖಚಿತ ಆಧಾರದ ದಾಳಿ ಕಸ್ಟಂ ಅಧಿಕಾರಿಗಳು ದಾಳಿ ಮಾಡಿದ್ದಾರೆ. ಇಬ್ಬರು ಪ್ರಯಾಣಿಕರ ಬಳಿ ಇದ್ದ ಲಗೇಜ್​ಅನ್ನು ಪರೀಕ್ಷಿಸಿದಾಗ ಮೇಲ್ನೋಟಕ್ಕೆ ಏನೂ ಕಾಣಿಸಲಿಲ್ಲ. ಬಿಸ್ಕತ್​ ಕವರ್​ಅನ್ನು ತೆಗೆದು ಪ್ಯಾಕಿಂಗ್​ ಕವರ್​ ಹಿಂಬದಿಯಲ್ಲಿ ಚೆಕ್​ ಮಾಡಿದಾಗ ವಿದೇಶಿ ಕರೆನ್ಸಿಯನ್ನು ಅಡಗಿಸಿಟ್ಟಿದ್ದು ಪತ್ತೆಯಾಗಿದೆ.

ಇಬ್ಬರೂ ಪ್ರಯಾಣಿಕರು 3.50,000 ಸೌದಿ ಅರೇಬಿಯಾದ ರಿಯಾಲ್ಸ್​ಗಳನ್ನು (74,37,500 ರೂಗಳು) ಸಾಗಿಸಲು ಯತ್ನಿಸುತ್ತಿದ್ದರು ಎಂದು ತಿಳಿದುಬಂದಿದೆ.