ಕಾನೂನು ಸಚಿವಾಲಯದ ಅಧಿಕಾರಿಗೆ ಕೋವಿಡ್​​, ದೆಹಲಿಯ ಶಾಸ್ತ್ರಿ ಭವನ ಸಿಲ್‌ಡೌನ್‌

ಹಿರಿಯ ಅಧಿಕಾರಿಗಳು ಮಾಹಿತಿ ನೀಡಿರುವ ಪ್ರಕಾರ, ಕಾನೂನು ಸಚಿವರಿದ್ದ ಶಾಸ್ತ್ರಿ ಭವನದ ನಾಲ್ಕನೇ ಮಹಡಿಯಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ.

ನವದೆಹಲಿ: ದೇಶಾದ್ಯಂತ ಕೊರೊನಾ ಹರಡುವ ರಭಸ ದಿನದಿಂದ ದಿನಕ್ಕೆ ವೇಗ ಪಡೆದುಕೊಳ್ಳುತ್ತಿದೆ. ಇದೀಗ ಶಾಸ್ತ್ರಿ ಭವನದ ಕಾನೂನು ಸಚಿವಾಲಯದ ಅಧಿಕಾರಿಯೋರ್ವನಿಗೆ ಸೋಂಕು ಕಾಣಿಸಿಕೊಂಡಿರುವ ಕಾರಣ ಶಾಸ್ತ್ರಿ ಭವನ ಸಂಪೂರ್ಣವಾಗಿ ಸೀಲ್‌​ ಡೌನ್‌​ ಆಗಿದೆ.

ಈಗಾಗಲೇ ನೀತಿ ಆಯೋಗ ಭವನ ಬಿಲ್ಡಿಂಗ್​​ ಕಳೆದ ತಿಂಗಳು ಸೀಲ್‌​ ಡೌನ್ ಮಾಡಲಾಗಿದ್ದು, ಇದರ ಬೆನ್ನಲ್ಲೇ ಇದೀಗ ಶಾಸ್ತ್ರಿ ಭವನದಲ್ಲೂ ಕೊರೊನಾ ಸೋಂಕು ಕಾಣಿಸಿಕೊಂಡಿರುವ ಕಾರಣ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಇಲ್ಲಿ ಅನೇಕ ಕೇಂದ್ರ ಸಚಿವರು, ಸರ್ಕಾರಿ ಅಧಿಕಾರಿಗಳಿದ್ದರು. ಹಿರಿಯ ಅಧಿಕಾರಿಗಳು ಮಾಹಿತಿ ನೀಡಿರುವ ಪ್ರಕಾರ, ಕಾನೂನು ಸಚಿವರಿದ್ದ ಶಾಸ್ತ್ರಿ ಭವನದ ನಾಲ್ಕನೇ ಮಹಡಿಯಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ.

ದೆಹಲಿಯಲ್ಲಿ ಈಗಾಗಲೇ ಸಿಆರ್​ಪಿಎಫ್​ ಹೆಡ್​ ಕ್ವಾರ್ಟರ್ಸ್‌​, ರಾಜೀವ್​ ಗಾಂಧಿ ಭವನ ಹಾಗೂ ನಾಗರಿಕ ವಿಮಾನಯಾನ ಸಚಿವಾಲಯದಲ್ಲೂ ಈ ಕ್ರಮ ಕೈಗೊಳ್ಳಲಾಗಿದೆ.