ಗಡಿಯಲ್ಲಿ ಪಾಕ್ ನೆಲೆ ಧ್ವಂಸಗೊಳಿಸಿದ ಸೇನೆ: ಶತ್ರುರಾಷ್ಟ್ರಕ್ಕೆ ಮತ್ತೆ ಮರ್ಮಾಘಾತ

ಅಖ್ನೂರ್​ ಭಾಗದಲ್ಲಿದ್ದ ಪಾಕ್​ನ ನೆಲೆಯನ್ನು ಭಾರತೀಯ ಸೇನಾ ಪಡೆ ಧ್ವಂಸ ಮಾಡಿದೆ

ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಅಖ್ನೂರ್​ ಭಾಗದಲ್ಲಿದ್ದ ಪಾಕ್​ನ ನೆಲೆಯನ್ನು ಭಾರತೀಯ ಸೇನಾ ಪಡೆ ಧ್ವಂಸ ಮಾಡಿದೆ. ಈ ವಿಡಿಯೋ ಎಲ್ಲೆಡೆ ಹರಿದಾಡುತ್ತಿದೆ.

ಭಾರತೀಯ ಸೇನೆ ಈ ವಿಡಿಯೋವನ್ನು ಇಂದು ಸೋಶಿಯಲ್​ ಮೀಡಿಯಾದಲ್ಲಿ ಹರಿಬಿಟ್ಟಿದೆ. ಧ್ವಂಸಗೊಂದ ಸ್ಥಳದಲ್ಲಿ ಪಾಕಿಸ್ತಾನದ ಧ್ವಜ ಹಾರಾಡುತ್ತಿರುವ ದೃಶ್ಯವಿದ್ದು, ಇದು ಅಪಾಯದ ಸಂಕೇತ ಎಂದು ಮೂಲಗಳು ತಿಳಿಸಿವೆ.

ಅಖ್ನೂರ್​ ಭಾಗದಲ್ಲಿದ್ದ ನೆಲೆಯ ಮೇಲೆ ಮತ್ತು ಕೆಳಗೆ ಪಾಕ್​ ರಾಷ್ಟ್ರಧ್ವಜವಿತ್ತು. ಎರಡು ದಿನಗಳ ಹಿಂದೆಯೇ ಇದನ್ನು ಧ್ವಂಸಗೊಳಿಸಲಾಗಿದೆ ಎಂದು ಸೇನಾ ಮೂಲಗಳು ಹೇಳಿವೆ.

ಪುಲ್ವಾಮ ದಾಳಿ, ಆನಂತರ ಏರ್​ಸ್ಟ್ರೈಕ್​ನ ನಂತರವೂ ಗಡಿ ನಿಯಂತ್ರಣ ರೇಖೆ ಬಳಿ ಪಾಕ್​ ಅಪ್ರಚೋದಿತ ಗುಂಡಿನ ದಾಳಿ ನಡೆಸುತ್ತಲೇ ಇದೆ. ಇದಕ್ಕೆ ಪ್ರತಿಯಾಗಿ ಭಾರತೀಯ ಸೇನೆ ದಾಳಿ ನಡೆಸಿದ್ದರ ಪರಿಣಾಮ ಪಾಕ್ ನೆಲೆಯೊಂದು ಧ್ವಂಸಗೊಂಡಿದೆ.