ನವದೆಹಲಿ: ಕೊರೊನಾ ವೈರಸ್ ಸಾಂಕ್ರಾಮಿಕ ರೋಗದಿಂದ ಕುಸಿಯುತ್ತಿರುವ ಆರ್ಥಿಕತೆಯನ್ನು ನಿರ್ವಹಿಸಲು ವಿತ್ತೀಯ ಬೆಂಬಲ ಪ್ರಸ್ತಾವನೆಯನ್ನು 27 ಸದಸ್ಯರ ರಾಯಕೀಯ ಮತ್ತು ಆರ್ಥಿಕ ವಿಭಾಗವನ್ನು ಒಳಗೊಂಡ ಐರೋಪ್ಯ ಒಕ್ಕೂಟ ತಂಡವು ರೂಪಿಸುತ್ತಿದೆ. ಚೀನಾವನ್ನೂ ಮೀರಿಸಿ ಅತಿ ಹೆಚ್ಚು ಮರಣ ಸಂಖ್ಯೆಯನ್ನು ದಾಖಲಿಸಿದ ಇಟಲಿ ಆರ್ಥಿಕ ಸಂಕಷ್ಟದ ಸ್ಥಿತಿಯನ್ನು ನಿರ್ವಹಿಸಲು ನೆರವು ನೀಡುವಂತೆ ಐರೋಪ್ಯ ಒಕ್ಕೂಟವನ್ನು ಕೋರಿಕೊಂಡಿದೆ.
ನವದೆಹಲಿಯಲ್ಲಿರುವ ಐರೋಪ್ಯ ಒಕ್ಕೂಟದ ರಾಯಭಾರಿ ಯುಗೋ ಆಸ್ಟುಟೋ, ವೈಜ್ಞಾನಿಕ ಆಧಾರದಲ್ಲಿ ಕಠಿಣ ಕ್ರಮಗಳು ಮತ್ತು ಲಾಕ್ಡೌನ್ ಮಾಡುವುದು ಸದ್ಯದ ಅಗತ್ಯ ಎಂದಿದ್ದಾರೆ. ಹಿರಿಯ ಪತ್ರಕರ್ತೆ ಸ್ಮಿತಾ ಶರ್ಮಾ ಜೊತೆಗೆ ನಡೆಸಿದ ವಿಶೇಷ ಸಂದರ್ಶನದಲ್ಲಿ, ಕೋವಿಡ್ 19 ಕ್ಕೆ ತುರ್ತಾಗಿ ವ್ಯಾಕ್ಸಿನ್ ಕಂಡುಹಿಡಿಯುವ ಅಗತ್ಯವಿದೆ. ನಿಖರ ಡೇಟಾ ಮತ್ತು ಪಾರದರ್ಶಕತೆಯು ಸದ್ಯದ ಅಗತ್ಯವಾಗಿದೆ. ಭಾರತ ಮತ್ತು ಐರೋಪ್ಯ ಒಕ್ಕೂಟವು ತನ್ನ ನಾಗರಿಕರಿಗೆ ದೇಶಕ್ಕೆ ವಾಪಸಾಗಲು ವೀಸಾ ವಿಸ್ತರಣೆ ಮಾಡುತ್ತಿದೆ. ಸಾಂಕ್ರಾಮಿಕ ರೋಗದ ವಿಚಾರದಲ್ಲಿ ಕೆಲವು ವ್ಯಕ್ತಿಗಳು ಜನಾಂಗೀಯ ನಿಂದನೆ ನಡೆಸುತ್ತಿರುವ ಕುರಿತು ಅವರನ್ನು ಕೇಳಿದಾಗ, ಮಾನವ ತಾದಾತ್ಮ್ಯವನ್ನು ಜನರು ನಿರ್ವಹಿಸಬೇಕು ಎಂದು ಅವರು ಕರೆ ನೀಡಿದ್ದಾರೆ.
ಪ್ರಶ್ನೆ: ಐರೋಪ್ಯ ಒಕ್ಕೂಟ ಸದ್ಯ ಎದುರಿಸುತ್ತಿರುವ ರಿಸ್ಕ್‌ನ ವ್ಯಾಪ್ತಿ ಎಷ್ಟಿದೆ?
ಈ ಸಾಂಕ್ರಾಮಿಕ ರೋಗ ಇಡೀ ದೇಶವನ್ನು ವ್ಯಾಪಿಸಿದೆ. ಇದೊಂದು ಜಾಗತಿಕ ಭೀತಿಯಾಗಿದ್ದು, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಇದಕ್ಕೆ ಪ್ರತಿಕ್ರಿಯೆ ಅಗತ್ಯವಿದೆ. ನಾವೆಲ್ಲರೂ ಕ್ರಮ ಕೈಗೊಂಡು ಸಾರ್ವಜನಿಕರ ಆರೋಗ್ಯವನ್ನು ರಕ್ಷಿಸಬೇಕಾಗಿದೆ ಮತ್ತು ಇನ್ನಷ್ಟು ಸಾವು ಸಂಭವಿಸದಂತೆ ತಡೆಯಬೇಕಿದೆ. ಯುರೋಪ್‌ನಲ್ಲಿ ನಾವು ಅತ್ಯಂತ ಕಠಿಣ ಕ್ರಮಗಳನ್ನು ಕೈಗೊಂಡಿದ್ದೇವೆ. ಗಡಿಯನ್ನು ಮುಚ್ಚುವುದು, ಲಾಕ್ಡೌನ್ ಮಾಡುವುದು ಎಲ್ಲವೂ ಸದ್ಯ ಲಭ್ಯ ವೈಜ್ಞಾನಿಕ ಸಾಕ್ಷಿ ಮತ್ತು ಪರಿಣಿತಿ ಆಗಿವೆ. ನಾವು ಎಲ್ಲ ರಾಜ್ಯಗಳ ಸದಸ್ಯರ ಕೋವಿಡ್ ಕೋಆರ್ಡಿನೇಶನ್‌ ತಂಡವನ್ನು ರಚಿಸಿದ್ದು, ಕೈಗೊಳ್ಳಬೇಕಾದ ತುರ್ತು ಕ್ರಮಗಳನ್ನು ನಿರ್ಧರಿಸುತ್ತಿದ್ದೇವೆ. ಈ ವಿಪತ್ತಿನಿಂದಾಗಿ ಆರ್ಥಿಕತೆಯ ಮೇಲೆ ಉಂಟಾಗುವ ಪರಿಣಾಮವನ್ನೂ ನಾವು ಪರಿಶೀಲಿಸುತ್ತಿದ್ದೇವೆ. ಇದೇ ಸಮಯದಲ್ಲಿ, ವೈರಸ್ ಅನ್ನು ಎದುರಿಸಲು ಮತ್ತು ಇದರ ಪರಿಣಾಮವನ್ನು ನಿವಾರಿಸುವಲ್ಲಿ ನಾವು ಸಂಪೂರ್ಣ ಸಿದ್ಧವಾಗಿದ್ದೇವೆ. ಈ ಯುದ್ಧದಲ್ಲಿ ನಾವು ಗೆಲ್ಲಬಹುದು. ಐರೋಪ್ಯ ಒಕ್ಕೂಟದಲ್ಲಿ ನಾವು ಉತ್ತಮ ವಿಜ್ಞಾನಿಗಳನ್ನು ಹೊಂದಿದ್ದೇವೆ. ಸಾರ್ವಜನಿಕ ಮತ್ತು ಖಾಸಗಿ ಫಂಡಿಂಗ್‌ ಮೂಲಕ ನಾವು 140 ಮಿಲಿಯನ್ ಯೂರೋಗಳನ್ನು ಚುಚ್ಚುಮದ್ದು, ಪತ್ತೆ ಮತ್ತು ಚಿಕಿತ್ಸೆಗೆ ಸಂಗ್ರಹಿಸಿದ್ದೇವೆ. ಸಾಧ್ಯವಾದಷ್ಟೂ ಬೇಗ ವ್ಯಾಕ್ಸಿನ್ ಕಂಡುಕೊಳ್ಳುವುದು ಅತ್ಯಂತ ಅಗತ್ಯ. ನಾವು ಸಂಪೂರ್ಣ ಪಾರದರ್ಶಕತೆಯನ್ನು ನಿರ್ವಹಿಸುತ್ತಿದ್ದೇವೆ. ಯುರೋಪಿಯನ್ ಕಮಿಷನ್ ಸೇರಿದಂತೆ ಹಲವು ವೆಬ್‌ಸೈಟ್‌ಗಳಲ್ಲಿ ಪ್ರಸ್ತುತ ಮಾಹಿತಿಯು ಜೊತೆಗೆ ಎಲ್ಲ ಕ್ರೋಢೀಕೃತ ಸಂಖ್ಯೆಗಳು ಲಬ್ಯವಿವೆ. ಈ ವಿಪತ್ತನ್ನು ನಿರ್ವಹಿಸಲು ಮುಕ್ತ ಮತ್ತು ನಿಖರ ಮಾಹಿತಿಯು ಅತ್ಯಂತ ಪ್ರಮುಖ ಎಂದು ನಾವು ನಂಬಿದ್ದೇವೆ. ಸ್ಥಳೀಯ ಮತ್ತು ರಾಷ್ಟ್ರೀಯ ಕ್ರಮಗಳ ಜೊತೆಗೆ ನಾವು ಜಾಗತಿಕ ಮಟ್ಟದಲ್ಲೂ ಶ್ರಮಿಸಬೇಕಿದೆ. ಯಾಕೆಂದರೆ ರಾಷ್ಟ್ರೀಯ ಗಡಿಯ ಕುರಿತು ವೈರಸ್‌ಗೆ ಯಾವ ಅರಿವೂ ಇರುವುದಿಲ್ಲ. ವಿಶ್ವ ಆರೋಗ್ಯ ಸಂಸ್ಥೆಯ ಜೊತೆಗೆ ನಾವೆಲ್ಲರೂ ಒಟ್ಟಾಗಿ ಈ ನಿಟ್ಟಿನಲ್ಲಿ ಶ್ರಮಿಸಬೇಕಿದೆ.
ಪ್ರಶ್ನೆ :ಈ ವೈರಸ್ ಹರಡಿದಂದಿನಿಂದ ಒಂದು ದೇಶದಿಂದ ಇನ್ನೊಂದು ದೇಶಕ್ಕೆ ಐರೋಪ್ಯ ಒಕ್ಕೂಟದಲ್ಲಿ ಪ್ರಯಾಣಿಸಿದ್ದರಿಂದಾಗಿ ಎಷ್ಟು ಪ್ರಮಾಣದಲ್ಲಿ ರಿಸ್ಕ್ ಉಂಟಾಗಿರಬಹುದು? ಈ ಹಿಂದೆ ಪ್ರಯಾಣಿಸಿದ ಎಲ್ಲ ಕೋವಿಡ್ 19 ಪ್ರಕರಣಗಳನ್ನೂ ಗುರುತಿಸುವುದು ಸಾಧ್ಯವಿದೆಯೇ?
ನಾವು ಈ ಪ್ರಕರಣವನ್ನು ಅತ್ಯಂತ ಸೂಕ್ಷ್ಮವಾಗಿ ಗಮನಿಸುತ್ತಿದ್ದೇವೆ. ಲಾಕ್ಡೌನ್ ಹೆಚ್ಚು ಪರಿಣಾಮಕಾರಿಯಾಗುತ್ತಿದೆ. ನಾವೆಲ್ಲರೂ ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದೇವೆ. ಈ ಸಾರ್ವಜನಿಕ ಆರೋಗ್ಯ ಸಮಸ್ಯೆಯನ್ನು ಎದುರಿಸಲು ಅಗತ್ಯವಿರುವ ಎಲ್ಲ ಕ್ರಮಗಳನ್ನೂ ತೆಗೆದುಕೊಳ್ಳಲು ನಾವು ಸಿದ್ಧವಿದ್ದೇವೆ. ಡಬ್ಲ್ಯೂಎಚ್‌ಒ ಪ್ರಸ್ತಾಪಿಸಿದ ಸಲಹೆಗಳನ್ನು ನಾವು ಈಗಾಗಲೇ ಅನುಸರಿಸಿದ್ದೇವೆ. ಆರೋಗ್ಯ ಸಂಸ್ಥೆಗಳ ಜೊತೆಗೆ ನಾವು ಸಂಪರ್ಕದಲ್ಲಿದ್ದೇವೆ. ಈಗ ಅಗತ್ಯವಿರುವ ಕಟ್ಟುನಿಟ್ಟಿನ ಮತ್ತು ಕಠಿಣ ಕ್ರಮಗಳನ್ನು ನಾವು ತೆಗೆದುಕೊಳ್ಳುತ್ತಿದ್ದೇವೆ. ಇದೇ ಸಮಯದಲ್ಲಿ, ನಮ್ಮ ಒಟ್ಟಾರೆ ಸಾಮಾಜಿಕ ಮತ್ತು ಆರ್ಥಿಕ ಫ್ರೇಮ್ವರ್ಕ್‌ ಅನ್ನು ರೂಪಿಸಬೇಕಿದೆ. ಈಗಿನ ಆದ್ಯತೆಯು ಈ ಸಾರ್ವಜನಿಕ ಆರೋಗ್ಯ ರಿಸ್ಕ್ ಅನ್ನು ನಿರ್ವಹಿಸುವುದಾಗಿದೆ.
ಪ್ರಶ್ನೆ:ಭಾರತವು ಐರೋಪ್ಯ ಒಕ್ಕೂಟದ ಪ್ರಯಾಣಿಕರಿಗೆ ನಿಷೇಧ ಹೇರಿದ್ದು, ಹಲವು ಭಾರತೀಯರು ಕೂಡ ವಿವಿಧ ನಗರಗಳಲ್ಲಿ ಸಿಕ್ಕಿಕೊಂಡಿದ್ದಾರೆ ಇನ್ನೂ ಕೆಲವರಿಗೆ ವಸತಿ ಸೌಲಭ್ಯದ ಸಮಸ್ಯೆಯೂ ಎದುರಾಗಿದೆ. ಐರೋಪ್ಯ ಒಕ್ಕೂಟದಲ್ಲಿರುವ ಭಾರತೀಯರು ಅಥವಾ ಭಾರತೀಯ ಪೌರರಿಗೆ ಅಗತ್ಯವಿದ್ದಲ್ಲಿ ವೀಸಾ ವಿಸ್ತರಣೆ ಮಾಡಲಾಗುತ್ತಿದೆಯೇ?
ಹೌದು. ಎಲ್ಲ ರಾಜ್ಯಗಳೂ ಇದನ್ನು ಮಾಡುತ್ತಿವೆ. ನಾವು ಯರೋಪ್ಯ ಒಕ್ಕೂಟಕ್ಕೆ ಸಹಾಯ ಮಾಡಲು ಪ್ರಯತ್ನಿಸುತ್ತಿದ್ದೇವೆ. ನಾವೆಲ್ಲರೂ ಒಟ್ಟಾಗಿದ್ದೇವೆ ಮತ್ತು ನಾವೆಲ್ಲರೂ ಒಟ್ಟಾಗಿರುವುದು ಸದ್ಯದ ಅಗತ್ಯವೂ ಆಗಿದೆ. ಇದು ಭಾರತದಲ್ಲಿರುವ ಯುರೋಪಿಯನ್ನರಿಗೇ ಆಗಲಿ ಅಥವಾ ಯುರೋಪ್‌ನಲ್ಲಿರುವ ಭಾರತೀಯರಿಗೇ ಆಗಲಿ, ಸದ್ಯ ನಾವು ನೆರವಾಗುವುದು ಅತ್ಯಂತ ಅಗತ್ಯದ್ದಾಗಿದೆ.