ನವದೆಹಲಿ:ಇರಾನ್ನಲ್ಲಿ ಸಿಲುಕಿರುವ ಭಾರತೀಯರನ್ನು ಮರಳಿ ಕರೆತರುವ ಕಾರ್ಯಾಚರಣೆಯ ಭಾಗವಾಗಿ ಭಾರತೀಯ ನೌಕಾಪಡೆ ತನ್ನ ಯುದ್ಧನೌಕೆ ಐಎನ್‌ಎಸ್ ಶಾರ್ದುಲ್ ಕಳುಹಿಸಿದೆ.
ಆಪರೇಷನ್ ಸಮುದ್ರ ಸೇತು: ಇರಾನ್ನಲ್ಲಿನ ಭಾರತೀಯರನ್ನು ಕರೆತರಲು ತೆರಳಿದ ಯುದ್ಧ ನೌಕೆ - ಕೋವಿಡ್ 19
ಐಎನ್‌ಎಸ್ ಶಾರ್ದುಲ್ ಯುದ್ಧ ನೌಕೆಯು ಇಂದು ಬೆಳಗ್ಗೆ ಇರಾನ್ನ ಅಬ್ಬಾಸ್ ಬಂದರು ತಲುಪಿದೆ. ಅಲ್ಲಿನ ಭಾರತೀಯರನ್ನು ಗುಜರಾತ್ನ ಪೋರ್ ಬಂದರಿಗೆ ಕರೆತರಲಿದೆ ಎಂದು ಭಾರತೀಯ ನೌಕಾಪಡೆ ಮಾಹಿತಿ ನೀಡಿದೆ.
ನೌಕಾಪಡೆ
ಭಾರತೀಯ ನೌಕಾ ಪಡೆಯ ಶಾರ್ದುಲ್ ಹಡಗು ಇರಾನ್ನ ಬಂದರು ಅಬ್ಬಾಸ್ನಿಂದ ಗುಜರಾತ್ನ ಪೊರ್ ಬಂದರ್ಗೆ ಭಾರತೀಯರನ್ನು ಸ್ಥಳಾಂತರಿಸಲಿದೆ. ಇರಾನ್ನ್ನಲ್ಲಿರುವ ಭಾರತೀಯ ಮಿಷನ್, ಸ್ಥಳಾಂತರ ಆಗಲಿರುವ ಭಾರತೀಯ ನಾಗರಿಕರ ಪಟ್ಟಿಯನ್ನು ಸಿದ್ಧಪಡಿಸುತ್ತಿದೆ. ಅವರ ಪ್ರಯಾಣಕ್ಕೆ ಅಗತ್ಯವಾದ ವೈದ್ಯಕೀಯ ತಪಾಸಣೆಯ ಕಲ್ಪಿಸಲಾಗಿದೆ ಎಂದು ಹೇಳಿದೆ.
ನೌಕಾಪಡೆಯು ಕೋವಿಡ್ ಸಂಬಂಧಿತ ಸಾಮಾಜಿಕ ಅಂತರ ಕಾಪಾಡಿಕೊಳ್ಳುವ ಮಾನದಂಡಗಳನ್ನು ಐಎನ್‌ಎಸ್ ಶಾರ್ದುಲ್‌ನಲ್ಲಿ ಒದಗಿಸಲಾಗಿದೆ. ಹೆಚ್ಚುವರಿ ವೈದ್ಯಕೀಯ ಸಿಬ್ಬಂದಿ, ವೈದ್ಯರು, ನೈರ್ಮಲ್ಯ ಸಿಬ್ಬಂದಿ, ಪೌಷ್ಟಿಕ ತಜ್ಞರು, ವೈದ್ಯಕೀಯ ಮಳಿಗೆ, ಪಡಿತರ ಧಾನ್ಯ, ಮಾಸ್ಕ್, ವೈಯಕ್ತಿಕ ರಕ್ಷಣಾ ಸಾಧನಗಳು ಸೇರಿದಂತೆ ಇತರೆ ವಿಶೇಷ ಸೌಕರ್ಯಗಳನ್ನು ಒದಗಿಸಲಾಗಿದೆ ಎಂದು ನೌಕಾಪಡೆ ತಿಳಿಸಿದೆ.