ದೇಶಾದ್ಯಂತ ಜೂನ್​ 1ರಿಂದ 'ಒನ್​ ನೇಷನ್​​, ಒನ್​ ರೇಷನ್​​ ಕಾರ್ಡ್'​ ಯೋಜನೆ ಜಾರಿ!

ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷಿ ಯೋಜನೆಗಳಲ್ಲಿ ಒಂದಾಗಿರುವ 'ಒನ್​ ನೇಷನ್​ ಒನ್​ ರೇಷನ್​ ಕಾರ್ಡ್'​​ ಜೂನ್​ 1ರಿಂದ ದೇಶಾದ್ಯಂತ ಜಾರಿ ಮಾಡಲು ನಿರ್ಧಾರ ಕೈಗೊಳ್ಳಲಾಗಿದೆ.

ನವದೆಹಲಿ: ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷೆ ಯೋಜನೆಗಳಲ್ಲಿ ಒಂದಾಗಿರುವ 'ಒನ್​ ನೇಷನ್​ ಒನ್​ ರೇಷನ್​ ಕಾರ್ಡ್'​ ಯೋಜನೆ ಜೂನ್​ 1ರಿಂದ ದೇಶಾದ್ಯಂತ ಜಾರಿಗೆ ಬರಲಿದೆ ಎಂದು ಕೇಂದ್ರ ಸಚಿವ ರಾಮ್​​ವಿಲಾಸ್​ ಪಾಸ್ವಾನ್​ ತಿಳಿಸಿದ್ದಾರೆ.

ಈ ಯೋಜನೆ ಭಾಗವಾಗಿ ದೇಶದ ಎಲ್ಲ ಪಡಿತರ ಚೀಟಿದಾರರಿಗೂ ಒಂದೇ ಮಾದರಿಯ ರೇಷನ್​ ಕಾರ್ಡ್​ ನೀಡಲು ನಿರ್ಧರಿಸಲಾಗಿದ್ದು, ಹಳೇ ರೇಷನ್​ ಕಾರ್ಡ್​ ಸಹ ಮಾನ್ಯವಾಗಿರುತ್ತದೆ ಎಂದು ಕೇಂದ್ರ ಗ್ರಾಹಕ ವ್ಯವಹಾರ, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವ ಪಾಸ್ವಾನ್​ ತಿಳಿಸಿದ್ದಾರೆ.

2020ರ ಜನವರಿ 1ರಿಂದಲೇ ಆಂಧ್ರಪ್ರದೇಶ, ತೆಲಂಗಾಣ, ಗುಜರಾತ್​,ಮಹಾರಾಷ್ಟ್ರ,ಹರಿಯಾಣ, ರಾಜಸ್ಥಾನ,ಕರ್ನಾಟಕ,ಕೇರಳ,ಮಧ್ಯಪ್ರದೇಶ,ಗೋವಾ, ಜಾರ್ಖಂಡ್​​ ಹಾಗೂ ತ್ರಿಪುರ್​​ಗಳಲ್ಲಿ ಒನ್​ ನೇಷನ್​, ಒನ್​ ರೇಷನ್​ ಕಾರ್ಡ್​ ಸೌಲಭ್ಯ ಈಗಾಗಲೇ ನೀಡಲಾಗಿದ್ದು, ರಾಜ್ಯದ ಯಾವುದೇ ಪಡಿತರ ಅಂಗಡಿಯಲ್ಲಿ ಅವರು ಆಹಾರ ಪಡೆದುಕೊಳ್ಳಬಹುದಾಗಿದೆ.