ನಾಲ್ಕು ನಾಯಿ ಮರಿಗಳನ್ನು ಕೊಂದ ಓಲಾ ಡ್ರೈವರ್​ ಅರೆಸ್ಟ್​!

ತಮ್ಮ ಪಾಡಿಗೆ ಮಲಗಿದ್ದ ನಾಲ್ಕು ಮುದ್ದು ನಾಯಿಮರಿಗಳನ್ನು ಕೊಂದ ಓಲಾ ಕ್ಯಾಬ್​ ಚಾಲಕನನ್ನು ಪೊಲೀಸರು ಬಂಧಿಸಿರುವ ಘಟನೆ ಒಡಿಶಾ ರಾಜಧಾನಿ ಭುವನೇಶ್ವರದಲ್ಲಿ ನಡೆದಿದೆ.

ಭುವನೇಶ್ವರ(ಒಡಿಶಾ):ನಾಲ್ಕು ನಾಯಿ ಮರಿಗಳನ್ನು ಕೊಂದ ಆರೋಪದ ಮೇಲೆ ಓಲಾ ಕಾರು ಚಾಲಕನನ್ನು ಪೊಲೀಸರು ಬಂಧಿಸಿರುವ ಘಟನೆ ಇಲ್ಲಿನ ಶೈಲಶ್ರೀ ವಿಹಾರದಲ್ಲಿ ನಡೆದಿದೆ.

ಆನಂದಪುರ ಗ್ರಾಮದ ಕನ್ಹು ಚರಣ್​ ಗಿರಿ ಬಂಧಿತ ಓಲಾ ಚಾಲಕ. ಓಲಾ ಚಾಲಕನನ್ನು ವೇಗವಾಗಿ ಹೋಗದಂತೆ ತಡೆದರೂ, ಆತ ಅತಿ ವೇಗದಿಂದ ಕಾರನ್ನು ಚಲಾಯಿಸಿ ನಾಯಿ ಮರಿಗಳ ಮೇಲೆ ಹತ್ತಿಸಿಕೊಂಡು ಹೋಗಿದ್ದಾನಂತೆ. ಹೀಗಾಗಿ ನಾಲ್ಕೂ ನಾಯಿ ಮರಿಗಳು ಸಾವನ್ನಪ್ಪಿವೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.

ಎಫ್​ಐಆರ್​ ಪ್ರತಿ

ಈ ಬಗ್ಗೆ ಮಾಹಿತಿ ಪಡೆದು ಪ್ರಾಣಿದಯಾ ಸಂಘದವರು ಪೊಲೀಸರಿಗೆ ನೀಡಿದ್ದ ದೂರು ಆಧರಿಸಿ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಪ್ರಾಣಿಗಳ ಮೇಲಿನ ಕ್ರೌರ್ಯವನ್ನು ತಡೆಗಟ್ಟುವ 279/429 ಐಪಿಸಿ ಸೆಕ್ಷನ್ 11 ರ ಅಡಿಯಲ್ಲಿ ಕಂಬಿ ಹಿಂದೆ ತಳ್ಳಿದ್ದಾರೆ.