ಮುಂದುವರಿದ ಕಚ್ಚಾ ತೈಲ ಬೆಲೆ ಇಳಿಕೆ ಸಮರ: ಮತ್ತೆ ಕಡಿಮೆಯಾದ ದರ

ಏಷ್ಯಾ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆಯಲ್ಲಿ ಮತ್ತೆ ಶೇ 6 ರಷ್ಟು ಕಡಿತವಾಗಿದೆ. ಮಾರುಕಟ್ಟೆಯಲ್ಲಿ ಭಾರಿ ನಷ್ಟ ಉಂಟಾಗಿದ್ದು, ಸೌದಿ ಅರೇಬಿಯಾ ಹಾಗೂ ರಷ್ಯಾ ನಡುವೆ ದರ ಸಮರ ಮುಂದುವರೆದಿದೆ.

ಸಿಂಗಪೂರ: ಏಷ್ಯಾ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆಯಲ್ಲಿ ಮತ್ತೆ ಶೇ 6 ರಷ್ಟು ಕಡಿತವಾಗಿದೆ. ಮಾರುಕಟ್ಟೆಯಲ್ಲಿ ಭಾರಿ ನಷ್ಟ ಉಂಟಾಗಿದ್ದು, ಸೌದಿ ಅರೇಬಿಯಾ ಹಾಗೂ ರಷ್ಯಾ ನಡುವೆ ದರ ಸಮರ ಮುಂದುವರೆದಿದೆ.

ಇಂದು ಕಚ್ಚಾತೈಲ ಬೆಲೆ ಬ್ಯಾರಲ್​ ವೊಂದಕ್ಕೆ 33 ಡಾಲರ್​ಗೆ ಕುಸಿದಿದೆ. ನಿನ್ನೆ 36 ಡಾಲರ್​​ ಇದ್ದ ಬೆಲೆ 33ಕ್ಕೆ ಇಳಿಕೆ ಕಂಡಿದೆ. 1991 ರ ಗಲ್ಫ್​ ವಾರ್​ ಬಳಿಕ ಇದೇ ಮೊದಲ ಬಾರಿಗೆ ಇಷ್ಟೊಂದು ಪ್ರಮಾಣದಲ್ಲಿ ತೈಲ ಬೆಲೆಯಲ್ಲಿ ಇಳಿಕೆ ಕಂಡು ಬಂದಿದೆ. ಒಪೆಕ್​ ಗ್ರೂಪ್​ ಕರೆದ ಸಭೆಯಲ್ಲಿ ಭಾಗವಹಿಸಲು ರಷ್ಯಾ ನಿರಾಕರಿಸಿದೆ.

ಕೊರೊನಾ ವೈರಸ್​ ಹಾವಳಿಯಿಂದ ಕಚ್ಚಾ ತೈಲ ಬೆಲೆಯಲ್ಲಿ ಈ ಇಳಿಕೆ ಕಂಡು ಬಂದಿದೆ. ಇನ್ನೊಂದೆಡೆ, ರಪ್ತು ಪ್ರಮಾಣದಲ್ಲಿ ಸಮತೋಲನ ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಸೌದಿ ಅರೆಬಿಯಾ ಉತ್ಪಾದನೆಯನ್ನ ಹೆಚ್ಚಿಸಿದೆ. ಹೀಗಾಗಿ ಬೆಲೆ ಇಳಿಕೆ ಸಮರ ಆರಂಭವಾಗಿದೆ.

ಇದೇ ಕಾರಣದಿಂದ ವಿಶ್ವದ ಷೇರುಮಾರುಕಟ್ಟೆಗಳು ನಡುಗುತ್ತಿವೆ. ಅಮೆರಿಕದ ಡಾ ಜೋನ್ಸ್​​ ಹಾಗೂ ಭಾರತದ ಮುಂಬೈ ಷೇರುಪೇಟೆಗಳು ನಿನ್ನೆ 2000 ಅಂಕಗಳ ನಷ್ಟ ಅನುಭವಿಸಿದ್ದವು.