ಮಹಾನದಿಯಲ್ಲಿ ಮುಳುಗಿದ್ದ 500 ವರ್ಷದ ಹಳೆಯ ದೇವಾಲಯ ಪತ್ತೆ

ಸುಮಾರು 150 ವರ್ಷಗಳ ಹಿಂದೆ ಮಹಾನದಿ ಪ್ರವಾಹದಲ್ಲಿ ಮುಳುಗಿ ಹೋಗಿದ್ದ, 500 ವರ್ಷಗಳ ಹಳೆಯದಾದ ಗೋಪಿನಾಥ್​ ದೇವಾಲಯ ಇದೀಗ ನದಿಯಲ್ಲಿ ಮತ್ತೆ ಕಾಣಿಸಿಕೊಳ್ಳುತ್ತಿದೆ.

ಒಡಿಶಾ: ಪದ್ಮಾವತಿ ಗ್ರಾಮದಲ್ಲಿರುವ ಸುಮಾರು 500 ವರ್ಷಗಳ ಹಳೆಯದಾದ ಗೋಪಿನಾಥ್​ ದೇವಾಲಯ ಮಹಾನದಿ ಪ್ರವಾಹದಲ್ಲಿ ಮುಳುಗಿ ಹೋಗಿತ್ತು. ಇದೀಗ ಈ ದೇವಾಲಯ ನದಿಯಲ್ಲಿ ಕಾಣುತ್ತಿದೆ.

ಸುಮಾರು 150 ವರ್ಷಗಳ ಹಿಂದೆ ಮಹಾನದಿ ಪ್ರವಾಹ ಬಂದಾಗ, ಈ ದೇವಾಲಯ ಮತ್ತು ಗ್ರಾಮಗಳು ನದಿಯಲ್ಲಿ ಮುಳುಗಿದ್ದವು ಎಂದು ಕಲೆ ಮತ್ತು ಸಾಂಸ್ಕೃತಿಕ ಪರಂಪರೆಯ ಭಾರತೀಯ ರಾಷ್ಟ್ರೀಯ ಟ್ರಸ್ಟ್‌ನ ಅನಿಲ್ ಕುಮಾರ್ ಧೀರ್ ಹೇಳುತ್ತಾರೆ.

ಸುಮಾರು 12 ವರ್ಷಗಳಿಂದ ದೇವಾಲಯದ ಅವಶೇಷಗಳು ಪತ್ತೆಯಾಗುತ್ತಿದ್ದವು. 7 ದಿನದಿಂದ ಸಂಶೋಧಕರು ಇಲ್ಲಿ ಸಂಶೋಧನೆ ನಡೆಸುತ್ತಿದ್ದಾರೆ. ಈ ದೇವಾಲಯವೂ 55 - 60 ಅಡಿ ಎತ್ತರವಿದ್ದು, ಕೇವಲ 8 ಅಡಿ ನೀರಿದೆ. ಈಗ ನದಿಯಲ್ಲಿ ನೀರು ಕಡಿಮೆಯಾಗಿರುವುದರಿಂದ ದೇವಾಲಯ ಕಾಣುತ್ತಿದೆ ಎಂದು ಅನಿಲ್ ಕುಮಾರ್ ಧೀರ್ ಹೇಳಿದ್ದಾರೆ