ನವದೆಹಲಿ:ಜೂನ್ ಮೊದಲ ವಾರದಲ್ಲಿ ಮುಂಗಾರು ಆಗಮನವಾಗಲಿದೆ ಎಂದಿದ್ದ ಹವಾಮಾನ ಇಲಾಖೆ ಮಾತು ಸುಳ್ಳಾಗಿತ್ತು. ಕೊಂಚ ತಡವಾಗಿಯೇ ದೇಶವನ್ನು ವ್ಯಾಪಿಸಿದ್ದ ಮಾನ್ಸೂನ್ ಇದೀಗ ತನ್ನ ಭೀಕರತೆಯನ್ನು ಪ್ರದರ್ಶಿಸಿದೆ.
ಈ ಬಾರಿ ಮುಂಗಾರು ಭರಪೂರ... ಈ ರಾಜ್ಯಗಳಿಗೆ ವರುಣನ ಅವಕೃಪೆ..!
ಜೂನ್ನಲ್ಲಿ ಮಳೆ ಕೊರತೆ ಅನುಭವಿಸಿದ್ದರೂ ದೇಶದಲ್ಲಿ ಪ್ರಸ್ತುತ ಮಾನ್ಸೂನ್ನಲ್ಲಿ ಯಾವುದೇ ಕೊರತೆ ಕಂಡುಬಂದಿಲ್ಲ ಎಂದು ಭಾರತೀಯ ಹವಾಮಾನ ಇಲಾಖೆ ಹೇಳಿದೆ.
ಮಳೆ
ಜೂನ್ನಲ್ಲಿ ಮಳೆ ಕೊರತೆ ಅನುಭವಿಸಿದ್ದರೂ ದೇಶದಲ್ಲಿ ಪ್ರಸ್ತುತ ಮಾನ್ಸೂನ್ನಲ್ಲಿ ಯಾವುದೇ ಕೊರತೆ ಕಂಡುಬಂದಿಲ್ಲ ಎಂದು ಭಾರತೀಯ ಹವಾಮಾನ ಇಲಾಖೆ ಹೇಳಿದೆ. ಜೂನ್ ಅಂತ್ಯಕ್ಕೆ ಶೇ.33ರಷ್ಟು ದೇಶದಲ್ಲಿ ಮಳೆಯ ಕೊರತೆಯಾಗಿತ್ತು. ಆದರೆ, ಆಗಸ್ಟ್ 10ರ ಅಂತ್ಯಕ್ಕೆ ಈ ಪ್ರಮಾಣ ಶೇ.0 ಆಗಿದೆ ಎಂದು ಹವಾಮಾನ ಇಲಾಖೆ ಹೇಳಿದೆ.
ಸದ್ಯ ಕರ್ನಾಟಕ, ಮಹಾರಾಷ್ಟ್ರ, ಗುಜರಾತ್ ಹಾಗೂ ಕೇರಳದಲ್ಲಿ ಮಳೆ ಅಬ್ಬರಿಸುತ್ತಿದ್ದು, ಮಾನ್ಸೂನ್ ಮೊದಲ ತಿಂಗಳಿನ ಕೊರತೆಯನ್ನು ನೀಗಿಸಿದೆ. ಮಹಾರಾಷ್ಟ್ರದಲ್ಲಿ ಶೇ.161, ತೆಲಂಗಾಣ ಶೇ.148, ಕರ್ನಾಟಕ ಶೇ.128 ಹಾಗೂ ಗುಜರಾತ್ನಲ್ಲಿ ಶೇ.112ರಷ್ಟು ಮಳೆ ಸುರಿದಿದ್ದರೆ, ದೆಹಲಿ ಶೇ.43, ತ್ರಿಪುರಾ ಶೇ.69, ಮೇಘಾಲಯ ಶೇ.60 ಹಾಗೂ ಪಶ್ಚಿಮ ಬಂಗಾಳ ಮತ್ತು ಜಾರ್ಖಂಡ್ ರಾಜ್ಯಗಳಲ್ಲಿ ಶೇ.42ರಷ್ಟು ಮಳೆ ಸುರಿದಿದ್ದು, ಈ ರಾಜ್ಯಗಳು ಮಾನ್ಸೂನ್ ಅವಕೃಪೆಗೆ ಒಳಗಾಗಿವೆ.