7 ದಿನದಿಂದ ಮರ್ಕಜ್​​​​​ಗೆ ಸಂಬಂಧಿಸಿದ ಪ್ರಕರಣ ಇಲ್ಲ.. ಬುಲೆಟಿನ್​ನಿಂದ ಆ ವರ್ಗ ಕೈಬಿಟ್ಟ ದೆಹಲಿ ಸರ್ಕಾರ

ಕಳೆದ ಏಳು ದಿನಗಳಲ್ಲಿ ನಿಜಾಮುದ್ದೀನ್ ಮರ್ಕಜ್​​​​​ ಗೆ ಸಂಬಂಧಿಸಿದ ಯಾರಲ್ಲೂ ಕೊರೊನಾ ಸೋಂಕು ಪತ್ತೆಯಾಗದಿರುವುದಕ್ಕೆ ಆರೋಗ್ಯ ಬುಲೆಟಿನ್​ನಲ್ಲಿ ಮರ್ಕಜ್​​​​ ವರ್ಗವನ್ನು ಕೈಬಿಡಲಾಗಿದೆ.

ನವದೆಹಲಿ:ಕಳೆದ 7 ದಿನಗಳಿಂದ ನಿಜಾಮುದ್ದೀನ್ ಮರ್ಕಜ್​​ನಿಂದ ಹಿಂದಿರುಗಿದವರಲ್ಲಿ ಕೊರೊನಾ ಸೋಂಕು ಕಂಡುಬರದ ಹಿನ್ನೆಲೆಯಲ್ಲಿ ಆರೋಗ್ಯ ಬುಲೆಟಿನ್​ನಲ್ಲಿ ನಿಜಾಮುದ್ದೀನ್ ಮರ್ಕಜ್​​​ ಅಡಿಯಲ್ಲಿ ಪ್ರಕರಣಗಳನ್ನು ಪ್ರಸ್ತಾಪಿಸುವ ಅಭ್ಯಾಸವನ್ನು ಕೈಬಿಡಲಾಗಿದೆ ಎಂದು ನವದೆಹಲಿ ಆರೋಗ್ಯ ಸಚಿವ ಸಂತ್ಯೇಂದರ್ ಜೈನ್ ಹೇಳಿದ್ದಾರೆ

ಕಳೆದ ಏಳು ದಿನಗಳಲ್ಲಿ ನಿಜಾಮುದ್ದೀನ್ ಮರ್ಕಜ್​​ಗೆ ಸಂಬಂಧಿಸಿದ ಯಾವುದೇ ಹೊಸ ಪ್ರಕರಣಗಳು ವರದಿಯಾಗಿಲ್ಲ, ಆದ್ದರಿಂದ ಖಾಲಿ ವರ್ಗದೊಂದಿಗೆ ಬುಲೆಟಿನ್ ಬಿಡುಗಡೆ ಮಾಡುವುದರಲ್ಲಿ ಯಾವುದೇ ಅರ್ಥವಿಲ್ಲ ಎಂದು ಈಟಿವಿ ಭಾರತಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ತಿಳಿಸಿದ್ದಾರೆ.

ಈ ಮೊದಲು ಬಿಡುಗಡೆ ಮಾಡಲಾಗುತ್ತಿದ್ದ ಬುಲೆಟಿನ್​ನಲ್ಲಿ ವಿಶೇಷ ವಿಭಾಗದ ಅಡಿಯಲ್ಲಿ ತಬ್ಲಿಘಿ ಜಮಾತ್ ಮರ್ಕಜ್​​​​​ನಲ್ಲಿ ಭಾಗಿಯಾಗಿದ್ದವರು ಎಂದು ನಮೂದಿಸಲಾಗುತ್ತಿತ್ತು. ಆದರೆ, ನವದೆಹಲಿ ಅಲ್ಪಸಂಖ್ಯಾತ ಆಯೋಗ ಮರ್ಕಜ್​​ ಎಂಬ ಬದಲು ಸ್ಪೆಷಲ್ ಆಪರೇಷನ್ ಎಂದು ನಮೋದಿಸುವಂತೆ ಕೇಳಿಕೊಂಡಿತ್ತು. ಸದ್ಯ ಒಂದು ವಾರದಿಂದ ಮರ್ಕಜ್​​ನಿಂದ ಬಂದವರಲ್ಲಿ ಸೋಂಕು ಪತ್ತೆಯಾಗದ ಹಿನ್ನೆಲೆಯಲ್ಲಿ ಈ ವರ್ಗವನ್ನು ಕೈಬಿಡಲಾಗಿದೆ.