ಇಂದು ವಿಸ್ತರಣೆಯಾಗಲಿದೆ ಬಿಹಾರ ಸಚಿವ ಸಂಪುಟ

ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ರಾಜ್ಯ ಸಚಿವ ಸಂಪುಟಕ್ಕೆ ಹೊಸ ಸದಸ್ಯರ ನೇಮಕಾತಿ ಮಾಡಿ, ಇಂದು ತಮ್ಮ ಸಂಪುಟವನ್ನು ವಿಸ್ತರಣೆ ಮಾಡಲಿದ್ದಾರೆ.

ಪಾಟ್ನಾ:ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಇಂದು ತಮ್ಮ ಸಂಪುಟವನ್ನು ವಿಸ್ತರಿಸಲಿದ್ದಾರೆ ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.

ರಾಜ್ಯ ಸಚಿವ ಸಂಪುಟಕ್ಕೆ ಹೊಸ ಸದಸ್ಯರ ನೇಮಕಾತಿಯಾದ ಕಾರಣ ಇಂದು ಮಧ್ಯಾಹ್ನ ರಾಜಭವನದಲ್ಲಿ ಪ್ರಮಾಣ ವಚನ ಸ್ವೀಕಾರ ಕಾರ್ಯಕ್ರಮ ನಡೆಯಲಿದ್ದು, ರಾಜ್ಯಪಾಲ ಫಾಗು ಚೌಹಾಣ್​ ಅವರು ಪ್ರಮಾಣ ವಚನ ಬೋಧಿಸಲಿದ್ದಾರೆ.

ಶಹನವಾಜ್ ಹುಸೇನ್, ರಾಣಾ ರಣಧೀರ್ ಸಿಂಗ್, ಸಂಜಯ್ ಸಿಂಗ್, ನಿತಿನ್ ನವೀನ್, ನೀರಜ್ ಕುಮಾರ್ ಬಾಬ್ಲೂ, ಎಂಎಲ್​ಸಿ ಸಾಮ್ರಾತ್ ಚೌಧರಿ, ಸಂಜೀವ್ ಚೌರೇಶಿಯಾ, ಸಂಜಯ್ ಸರವ್ಗಿ, ಕೃಷ್ಣ ಕುಮಾರ್ ರಿಷಿ, ಭಾಗೀರಥಿ ದೇವಿ, ಮತ್ತು ಪ್ರಮೋದ್ ಕುಮಾರ್ ಮುಂತಾದ ನಾಯಕರು ಮುಂಚೂಣಿಯಲ್ಲಿದ್ದಾರೆ.

ಸಚಿವರ ಪರಿಷತ್ತಿನಲ್ಲಿ ಸಮಾಜದ ಎಲ್ಲ ವರ್ಗದವರಿಗೆ ಸಮಾನ ಪ್ರಾತಿನಿಧ್ಯ ಸಿಗಬೇಕು ಎಂಬ ಒಮ್ಮತವಿದೆ. ಅನುಭವಿ ಹಾಗೂ ಯುವಕರಿಗೆ ಮಂತ್ರಿ ಸ್ಥಾನಗಳನ್ನು ನೀಡಲು ಪಕ್ಷ ಬಯಸಿದೆ, ಎಂದು ಬಿಜೆಪಿ ಮುಖಂಡರೊಬ್ಬರು ಹೇಳಿದ್ದಾರೆ.

ಇದನ್ನೂ ಓದಿ:ಗುಲಾಂ ನಬಿ ಆಜಾದ್​ಗೆ ಕಣ್ಣೀರಿನ ವಿದಾಯ ಹೇಳಿದ ಪ್ರಧಾನಿ ಮೋದಿ!

243 ಸದಸ್ಯ ಬಲದ ಬಿಹಾರ ವಿಧಾನಸಭೆಯಲ್ಲಿ ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಒಕ್ಕೂಟವು 125 ಸ್ಥಾನಗಳನ್ನು ಗೆದ್ದುಕೊಂಡಿತು. ಜೆಡಿ-ಯು (43), ಬಿಜೆಪಿ (74), ವಿಐಪಿ (4), ಮತ್ತು ಎಚ್‌ಎಎಂ (4). ಲೋನ್ ಬಿಎಸ್ಪಿ ಶಾಸಕ ಜಮಾ ಖಾನ್ ಮತ್ತು ಸ್ವತಂತ್ರ ಶಾಸಕ ಸುಮಿತ್ ಸಿಂಗ್ ಇತ್ತೀಚೆಗೆ ಜೆಡಿ-ಯುಗೆ ಸೇರಿದರು.