ಬಿಹಾರದ ಸಿಎಂ ಆಗಿ ನಿತೀಶ್​ ಕುಮಾರ್, ಡಿಸಿಎಂಗಳಾಗಿ ತಾರ್​ಕಿಶೋರ್, ರೇಣು ದೇವಿ ಪ್ರಮಾಣ

ಬಿಹಾರದ ಮುಖ್ಯಮಂತ್ರಿಯಾಗಿ ನಿತೀಶ್​ ಕುಮಾರ್​ ಪ್ರಮಾಣ ವಚನ ಸ್ವೀಕರಿಸಿದರು.

ಪಾಟ್ನಾ : ಸತತ ನಾಲ್ಕನೇ ಬಾರಿ ಬಿಹಾರದ ಮುಖ್ಯಮಂತ್ರಿಯಾಗಿ ನಿತೀಶ್​ ಕುಮಾರ್​ ಪ್ರಮಾಣ ವಚನ ಸ್ವೀಕರಿಸಿದರು. ವಿಶೇಷ ಎಂದರೆ ನಾಲ್ಕನೇ ಅವಧಿಯಲ್ಲಿ ನಿತೀಶ್ ಕುಮಾರ್​ 7ನೇ ಬಾರಿಗೆ ಸಿಎಂ ಆಗಿ ಪ್ರಮಾಣವಚನ ಸ್ವೀಕರಿಸಿದರು.

ತಾರ್​​ಕಿಶೋರ್​ ಪ್ರಸಾದ್ ಮತ್ತು ರೇಣು ದೇವಿ ಉಪಮುಖ್ಯಮಂತ್ರಿಗಳಾಗಿ ಪ್ರಮಾಣ ವಚನ ಸ್ವೀಕರಿಸಿದರು

ರಾಜ ಭವನದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಬಿಹಾರ ರಾಜ್ಯಪಾಲ ಫಾಗು ಚೌಹಾಣ್​ ಪ್ರಮಾಣ ವಚನ ಭೋದಿಸಿದರು. ನಿತೀಶ್​ ಕುಮಾರ್​ ಜೊತೆ, ಬಿಜೆಪಿ ನಾಯಕರಾದ ತಾರ್​ಕಿಶೋರ್​ ಪ್ರಸಾದ್ ಮತ್ತು ರೇಣು ದೇವಿ ಉಪಮುಖ್ಯಮಂತ್ರಿಗಳಾಗಿ ಅಧಿಕಾರ ಸ್ವೀಕರಿಸಿದರು.

ನಾಲ್ವರು ಶಾಸಕರು ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದರು

ಜೆಡಿಯು ನಾಯಕಾರದ ವಿಜಯ್​ ಕುಮಾರ್​ ಚೌದರಿ, ವಿಜೇಂದ್ರ ಪ್ರಸಾದ್​ ಯಾದವ್, ಅಶೋಕ್ ಚೌದರಿ ಮತ್ತು ಮಿವಾ ಲಾಲ್ ಚೌದರಿ ಸಂಪುಟ ಸಚಿವರಾಗಿ ಪ್ರಮಾಣ ವಚನ ಪಡೆದರು. ಕಾರ್ಯಕ್ರಮದಲ್ಲಿ ಬಿಜೆಪಿ ರಾಷ್ಟ್ರಾಧ್ಯಕ್ಷ ಜೆ ಪಿ ನಡ್ಡಾ, ಕೇಂದ್ರ ಗೃಹ ಸಚಿವ ಅಮಿತ್​ ಶಾ ಪಾಲ್ಗೊಂಡಿದ್ದಾರೆ.