ಕೊಲ್ಲಂನಲ್ಲಿ ಪಾಕ್​ ಉತ್ಪಾದಿತ ಸಜೀವ ಗುಂಡುಗಳು ಪತ್ತೆ: ರಾ, ಎನ್​ಐಎನಿಂದ ತನಿಖೆ ಚುರುಕು

ಕೇರಳದ ಕೊಲ್ಲಂ ಬಳಿ ಸಜೀವ ಗುಂಡುಗಳು ಪತ್ತೆಯಾಗಿವೆ. ಇವು ಸಶಸ್ತ್ರ ಪಡೆಗಳು ಬಳಸಿದ ಗುಂಡುಗಳಾಗಿವೆ ಎಂಬ ಅನುಮಾನವನ್ನು ಪೊಲೀಸರು ವ್ಯಕ್ತಪಡಿಸಿದ್ದಾರೆ. ಈ ಗುಂಡುಗಳು ತಮಿಳುನಾಡಿನ ಅರಣ್ಯದ ಗಡಿಯಲ್ಲಿರುವ ಕುಳತುಪುಜದಲ್ಲಿ ಶನಿವಾರ ಮಧ್ಯಾಹ್ನ 3.30ರ ಸುಮಾರಿಗೆ ಪತ್ತೆಯಾಗಿದ್ದವು.

ಕೊಲ್ಲಂ(ಕೇರಳ): ಕೊಲ್ಲಂನ ಕುಳತುಪುಜದಲ್ಲಿ ಪತ್ತೆಯಾದ ಪಾಕಿಸ್ತಾನ ತಯಾರಿಸಿದವು ಎನ್ನಲಾದ 14 ಗುಂಡುಗಳ ಬಗ್ಗೆ ಮಿಲಿಟರಿ ಇಂಟೆಲಿಜೆನ್ಸ್, ರಾ(raw) ಮತ್ತು ಎನ್​ಐಎ ಮಾಹಿತಿ ಕಲೆಹಾಕಲು ಮುಂದಾಗಿವೆ.

ಈ ಬುಲೆಟ್​ಗಳನ್ನು ಪ್ಲಾಸ್ಟಿಕ್​ ಚೀಲದಲ್ಲಿ ಇರಿಸಿ ಮಲಯಾಳಂ ಪತ್ರಿಕೆಯೊಂದರಲ್ಲಿ ಸುತ್ತಿ ಇಡಲಾಗಿತ್ತು. ಈ ಘಟನೆಯ ಬಗ್ಗೆ ಭಯೋತ್ಪಾದನಾ ನಿಗ್ರಹ ದಳವೂ ತನಿಖೆ ನಡೆಸಲಿದೆ ಎಂದು ರಾಜ್ಯ ಪೊಲೀಸ್ ಮುಖ್ಯಸ್ಥ ಲೋಕನಾಥ ಬೆಹ್ರಾ ಮಾಹಿತಿ ನೀಡಿದ್ದಾರೆ.

ಇವು ಸಶಸ್ತ್ರ ಪಡೆಗಳು ಬಳಸಿದ ಗುಂಡುಗಳಾಗಿವೆ ಎಂಬ ಅನುಮಾನವನ್ನು ಪೊಲೀಸರು ವ್ಯಕ್ತಪಡಿಸಿದ್ದು, ಈ ಗುಂಡುಗಳು ಕೊಲ್ಲಂನ ಗಡಿಭಾಗದ ಅರಣ್ಯದಲ್ಲಿರುವ ಕುಳತುಪುಜದಲ್ಲಿ ಶನಿವಾರ ಮಧ್ಯಾಹ್ನ ಪತ್ತೆಯಾಗಿದ್ದವು.