ಹವಾಲಾ ಭಯೋತ್ಪಾದಕ ನಿಧಿ ತನಿಖೆಗೆ ಮುಂದಾದ ಎನ್​ಐಎ

ಹವಾಲಾ ಭಯೋತ್ಪಾದಕ ನಿಧಿಯ ಬಗ್ಗೆ ತನಿಖೆ ನಡೆಸಲು ಮುಂದಾದ ಎನ್​ಐಎ ಅಧಿಕಾರಿಗಳು ಶ್ರೀನಗರದ ಅನೇಕ ಭಾಗಗಳಲ್ಲಿ ದಾಳಿ ನಡೆಸಿದ್ದಾರೆ.

ಶ್ರೀನಗರ: ಹವಾಲಾ ಭಯೋತ್ಪಾದಕ ನಿಧಿ ಬಗ್ಗೆ ತನಿಖೆ ನಡೆಸಲು ಮುಂದಾದ ರಾಷ್ಟ್ರೀಯ ತನಿಖಾ ಸಂಸ್ಥೆ ಇಂದು ಶ್ರೀನಗರದ ಅನೇಕ ಸ್ಥಳಗಳಲ್ಲಿ ದಾಳಿ ನಡೆಸಿದೆ.

ಶ್ರೀನಗರದ ಪ್ರೆಸ್ ಎನ್‌ಕ್ಲೇವ್‌ನಲ್ಲಿರುವ ಗ್ರೇಟರ್ ಕಾಶ್ಮೀರ ಪತ್ರಿಕೆ, ಸೋನ್‌ವಾರ್‌ನಲ್ಲಿರುವ ಮಾನವ ಹಕ್ಕುಗಳ ಕಾರ್ಯಕರ್ತ ಖುರ್ರಾಮ್ ಪರ್ವೇಜ್​​ ಅವರ ನಿವಾಸ, ಅಥ್ರೌಟ್ ಎಂಬ ಎನ್‌ಜಿಒ ಮತ್ತು ದಾಲ್ ಸರೋವರದ ಎಚ್‌ಬಿ ಹಿಲ್ಟನ್ ಹೌಸ್‌ಬೋಟ್ ಕಚೇರಿಗಳ ಮೇಲೆ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ ಎಂದು ತಿಳಿದು ಬಂದಿದೆ.

ಇಂದು ದಾಲ್ ಸರೋವರದ ಹಿಲ್ಟನ್ ಹೌಸ್​ ಬೋಟ್​ ಸೇರಿದಂತೆ ಅನೇಕ ಸ್ಥಳಗಳಲ್ಲಿ ದಾಳಿ ನಡೆಸಲಾಗಿದೆ. ಹೌಸ್​ಬೋಟ್​ ಮಹಮ್ಮದ್ ಅಮೀನ್ ದಂಗೋಲಾ ಅವರಿಗೆ ಸೇರಿದ್ದು, ಎಂದು ಮೂಲಗಳು ತಿಳಿಸಿವೆ.

ಅಧಿಕಾರಿಗಳು ಇನ್ನಷ್ಟು ಕಡೆಗಳಲ್ಲಿ ದಾಳಿ ನಡೆಸಿ ತನಿಖೆ ನಡೆಸುವ ಸಾಧ್ಯತೆಗಳಿವೆ.