ಹೈದರಾಬಾದ್:ತೆಲಂಗಾಣದ ಹೈದರಾಬಾದ್ನಲ್ಲಿ ಭಾರಿ ಕಳ್ಳತನ ನಡೆದಿದೆ. ನೇಪಾಳ ಕಳ್ಳರ ಗ್ಯಾಂಗ್ವೊಂದು ಮನೆ ಮಾಲೀಕರಿಗೆ ಮತ್ತು ಭರಿಸುವ ಔಷಧ ನೀಡಿ ಮನೆ ದೋಚಿರುವ ಘಟನೆ ಇಲ್ಲಿನ ರಾಯದುರ್ಗ್ ನಗರದಲ್ಲಿ ನಡೆದಿದೆ.
ಚಪಾತಿಯಲ್ಲಿ ಮತ್ತು ಬರಿಸುವ ಔಷಧ ಕಲಿಸಿ 15 ಲಕ್ಷ, ಬಂಗಾರ ದೋಚಿದ ಕಳ್ಳರು
ಡಿಎನ್‌ಆರ್ ಹಿಲ್ಸ್‌ನಲ್ಲಿ ವಾಸಿಸುತ್ತಿರುವ ಮಧುಸೂದನ್ ರೆಡ್ಡಿ ಮನೆಯಲ್ಲಿ ಕೆಲವು ತಿಂಗಳಿನಿಂದಲೂ ನೇಪಾಳದ ನಿವಾಸಿಗಳು ಮನೆಯ ಕೆಲಸ ಸೇರಿದಂತೆ ಅಡುಗೆ ಸಹ ಮಾಡುತ್ತಿದ್ದರು. ಇವರು ಮಾಲೀಕ ಮಧುಸೂದನ್ ರೆಡ್ಡಿಯ ನಂಬಿಕೆ ಗಳಿಸಿದ್ದರು. ಕಾಂಟ್ರಾಕ್ಟರ್ ಆಗಿದ್ದ ಮಧುಸೂದನ್ ನಗದು, ಬಂಗಾರ ಎಲ್ಲೆಲ್ಲಿ ಇಟ್ಟಿದ್ದರು ಎಂಬುದನ್ನು ನೇಪಾಳ ಗ್ಯಾಂಗ್ನ ರಾಜೇಂದರ್, ಆತನ ಸೊಸೆಯರಾದ ಸೀತಾ, ಜಾನಕಿ ಮತ್ತು ಮನೋಜ್ ಚೆನ್ನಾಗಿಯೇ ಅರಿತಿದ್ದರು.