ಮುಂಬೈ: ಬಾಲಿವುಡ್ ಖ್ಯಾತ ಹಿನ್ನೆಲೆ ಗಾಯಕಿ ನೇಹಾ ಕಕ್ಕರ್ ತಮ್ಮ ಪ್ರೀತಿಯ ವಿಷಯವನ್ನು ಬಹಿರಂಗಗೊಳಿಸಿದ್ದಾರೆ. ಬಿಟೌನ್ ಅಂಗಳದಲ್ಲಿ ಇಷ್ಟು ದಿನಗಳ ಕಾಲ ಹರಿದಾಡುತ್ತಿದ್ದ ತಮ್ಮ ವಿವಾಹದ ವದಂತಿಗಳಿಗೆ ಈ ಮೂಲಕ ತೆರೆ ಎಳೆದಿದ್ದಾರೆ.
ಪ್ರೀತಿಯ ಹುಡುಗನನ್ನು ಪರಿಚಯ ಮಾಡಿಕೊಟ್ಟ ಬಾಲಿವುಡ್ನ ಖ್ಯಾತ ಗಾಯಕಿ ನೇಹಾ ಕಕ್ಕರ್! ಯಾರೀತ?
ಯುವ ಗಾಯಕನೋರ್ವನಿಗೆ ಮನಸು ಕೊಟ್ಟಿರುವ ಬಾಲಿವುಡ್ನ ಖ್ಯಾತ ಗಾಯಕಿ ನೇಹಾ ಕಕ್ಕರ್ ಶೀಘ್ರದಲ್ಲೇ ಹೊಸ ಜೀವನ ಪ್ರಾರಂಭಿಸಲಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ತಮ್ಮಿಷ್ಟದ ಹುಡುಗನ ಫೋಟೋವನ್ನು ಶೇರ್ ಮಾಡುವ ಮೂಲಕ ಇನ್ನು ಮುಂದೆ ತಾವು ಸಿಂಗಲ್ ಅಲ್ಲ ಎಂದು ಸಾರಿ ಹೇಳಿದ್ದಾರೆ.
ನೇಹಾ ಕಕ್ಕರ್ ಹಾಗೂ ರೋಹನ್‌ಪ್ರೀತ್ ಸಿಂಗ್
ಸಾಮಾಜಿಕ ಜಾಲತಾಣದಲ್ಲಿ ತಮ್ಮಿಷ್ಟದ ಹುಡುಗನ ಫೋಟೋವನ್ನು ಶೇರ್ ಮಾಡಿರುವ ನೇಹಾ ಕಕ್ಕರ್, ಇನ್ನು ಮೇಲೆ ತಾವು ಸಿಂಗಲ್ ಅಲ್ಲ ಅಂತ ಸಾರಿ ಹೇಳಿದ್ದಾರೆ. ರೋಹನ್‌ಪ್ರೀತ್ ಸಿಂಗ್ ಎಂಬ ಗಾಯಕನ ಪ್ರೀತಿಯ ಬಲೆಗೆ ಬಿದ್ದಿರುವುದನ್ನು ಖಚಿಪಡಿಸಿರುವ ನೇಹಾ ಕಕ್ಕರ್, ಪ್ರೀತಿಯ ದ್ಯೋತಕವಾಗಿ ಮನದಾಳದ ಮಾತನ್ನು ಪೋಸ್ಟ್ ಮಾಡುವ ಮೂಲಕ ಹೊರ ಹಾಕಿದ್ದಾರೆ. ಈ ಪೋಸ್ಟ್ಗೆ ಗಾಯಕ ರೋಹನ್‌ಪ್ರೀತ್ ಸಿಂಗ್ ಈಕೆಯೇ ನನ್ನ ಜೀವನ ಎಂದು ಬರೆದುಕೊಂಡಿದ್ದಾರೆ. ರೋಹನ್‌ಪ್ರೀತ್ ಸಿಂಗ್ ಅವರೊಂದಿಗಿನ ಸಂಬಂಧ ದೃಢಪಡಿಸುತ್ತಿದ್ದಂತೆ ಬಾಲಿವುಡ್ನ ಹಲವು ಸೆಲೆಬ್ರಿಟಿಗಳು ಶುಭ ಹಾರೈಸಿದ್ದಾರೆ.
ಇಬ್ಬರೂ ಗಾಯಕರಾಗಿದ್ದು, ತಮ್ಮ ಮನದಲ್ಲಿ ಮೊಳಕೆ ಒಡೆದ ಪ್ರೀತಿಯ ವಿಷಯವನ್ನು ಬಹಿರಂಗ ಮಾಡುವ ಮೂಲಕ ಕೆಲವರಿಗೆ ಶಾಕ್ ಕೊಟ್ಟಿದ್ದಾರೆ. ಅ. 24 ರಂದು ಈ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎಂಬ ಮಾತು ಜೋರಾಗಿದೆ. ಇದಕ್ಕೂ ಮುನ್ನ ನೇಹಾ ಕಕ್ಕರ್ ಹಾಗೂ ರೋಹನ್‌ಪ್ರೀತ್ ಸಿಂಗ್ ಇಬ್ಬರೂ ಒಟ್ಟೊಟ್ಟಿಗೆ ಕಾಣಿಸಿಕೊಂಡಿದ್ದ ಹಲವು ಪೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದವು. ಈಗ ತಮ್ಮೊಲವಿನ ಹುಡುಗನನ್ನು ಪರಿಚಯ ಮಾಡುತ್ತಿದ್ದಂತೆ ನೇಹಾ ಕಕ್ಕರ್ ರೆಕ್ಕೆ ಪುಕ್ಕ ಕಟ್ಟಿದ್ದ ವಿವಾಹದ ವದಂತಿಗಳಿಗೆ ಫುಲ್ ಸ್ಟಾಪ್ ಇಟ್ಟಿದ್ದಾರೆ.
Last Updated : Oct 9, 2020, 10:51 PM IST