ಸೋನಿಯಾ ಗಾಂಧಿಯವರೇ ಆರೋಗ್ಯ ಕಾಳಜಿವಹಿಸಿ.. ಬಿಜೆಪಿ ಅಧ್ಯಕ್ಷ ಜೆ ಪಿ ನಡ್ಡಾ ಟ್ಟೀಟ್​​​​..

ರಾಷ್ಟ್ರವನ್ನು ಉದ್ದೇಶಿಸಿ ಭಾಷಣ ಮಾಡುವ ಕೆಲವೇ ಗಂಟೆಗಳ ಮೊದಲು ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರು ವಿಡಿಯೋ ಸಂದೇಶದವೊಂದನ್ನು ಹರಿಬಿಟ್ಟಿದ್ದು ಈ ಕುರಿತು ಪ್ರತಿಕ್ರಿಯಿಸಿ ಟ್ಟೀಟ್​​ ಮಾಡಿರುವ ಬಿಜೆಪಿ ಅಧ್ಯಕ್ಷ ಜೆ. ಪಿ ನಡ್ಡಾ ಸೋನಿಯಾ ಗಾಂಧಿ ಅವರಿಗೆ ಅರೋಗ್ಯ ಕಾಳಜಿ ವಹಿಸಿ ಎಂದು ಪ್ರತಿಕ್ರಿಯಿಸಿ ಟ್ವೀಟ್​ ಮಾಡಿದ್ದಾರೆ.

ನವದೆಹಲಿ :ಪ್ರಧಾನಿ ನರೇಂದ್ರ ಮೋದಿಯವರು ಲಾಕ್‌ಡೌನ್ ಕುರಿತು ರಾಷ್ಟ್ರವನ್ನು ಉದ್ದೇಶಿಸಿ ಭಾಷಣ ಮಾಡುವ ಕೆಲವೇ ಗಂಟೆಗಳ ಮೊದಲು ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರು ವಿಡಿಯೋ ಸಂದೇಶವೊಂದನ್ನು ಹರಿಬಿಟ್ಟಿದ್ದು ಈ ಕುರಿತು ಪ್ರತಿಕ್ರಿಯಿಸಿ ಟ್ಟೀಟ್​​ ಮಾಡಿರುವ ಬಿಜೆಪಿ ಅಧ್ಯಕ್ಷ ಜೆ ಪಿ ನಡ್ಡಾ, ಸೋನಿಯಾ ಗಾಂಧಿ ಅವರಿಗೆ ಅರೋಗ್ಯ ಕಾಳಜಿ ವಹಿಸುವಂತೆ ಕೇಳಿಕೊಂಡಿದ್ದಾರೆ.

ಸೋನಿಯಾ ಗಾಂಧಿ ಅವರು ವಿಡಿಯೋ ಸಂದೇಶದಲ್ಲಿ, ''ದೇಶದಲ್ಲಿ ಕೊಲಾಹಲ ಹುಟ್ಟಿಸಿರುವ ಕೋವಿಡ್​-19 ನಾಶಕ್ಕೆ ಅಧಿಕಾರ ಇದ್ದರೂ, ಇಲ್ಲದಿದ್ದರೂ ಜನರೊಂದಿಗೆ ಸದಾ ಇರುವುದಾಗಿ ಮತ್ತು ಪಕ್ಷವು ಜನರಿಗೆ ಸಹಾಯಕವಾಗಿರುತ್ತದೆ'' ಎಂದು ಹೇಳಿದ್ದಾರೆ.

ಅಲ್ಲದೆ ''ಇದು ಏಕಾಂಗಿಯಾಗಿ ಹೋರಾಟ ಮಾಡುವ ಸಮಯವಲ್ಲ, ಇಲ್ಲಿ ಎಲ್ಲರ ಸಹಕಾರ ಅವಶ್ಯಕ. ಲಾಕ್​ಡೌನ್​ ಪ್ರಕಾರ ಸುರಕ್ಷಿತವಾಗಿ ಮನೆಯಲ್ಲಿರುವ ಮೂಲಕ ನಿಯಮ ಪಾಲನೆ ಮಾಡಿ'' ಎಂದು ಕೇಳಿಕೊಂಡಿದ್ದಾರೆ.

ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಜೆ ಪಿ ನಡ್ಡಾ ಧನ್ಯವಾದಗಳು ಸೋನಿಯಾ ಜೀ, ನಿಮ್ಮ ಆರೋಗ್ಯ ಕಾಪಾಡಿಕೋಳ್ಳಿ ಎಂದು ಟ್ವೀಟ್​ ಮಾಡಿದ್ದಾರೆ. ಆದರೆ, ರಾಜಕೀಯ ವಲಯದಲ್ಲಿ ಸೋನಿಯಾ ಗಾಂಧಿ, ಪ್ರಧಾನ ಮಂತ್ರಿಗಳ ಭಾಷಣಕ್ಕೂ ಮುಂಚೆ ವಿಡಿಯೋ ಬಿಡುಗಡೆ ಮಾಡಬಾರದಿತ್ತು ಎಂಬ ಮಾತು ಕೇಳಿ ಬಂದಿದೆ.