JNU ಹಿಂಸಾಚಾರ ಖಂಡಿಸಿ ಗೇಟ್​​ವೇ ಆಫ್​​ ಇಂಡಿಯಾ ಎದುರು ಪ್ರತಿಭಟನೆ

ಜೆ.ಎನ್​.ಯು ವಿಶ್ವವಿದ್ಯಾಲಯದಲ್ಲಿ ಭಾನುವಾರ ನಡೆದ ಹಿಂಸಾಚಾರ ಖಂಡಿಸಿ ವಿವಿದ ಕಾಲೇಜು ವಿದ್ಯಾರ್ಥಿಗಳು ಗೇಟ್​​ವೇ ಆಫ್​​ ಇಂಡಿಯಾ ಬಳಿ ಪ್ರತಿಭಟನೆ ಕೈಗೊಂಡರು

ಮುಂಬೈ(ಮಹಾರಾಷ್ಟ್ರ): ಜವಾಹರಲಾಲ್ ನೆಹರು ವಿಶ್ವವಿದ್ಯಾಲಯದಲ್ಲಿ ನಿನ್ನೆ ನಡೆದ ಹಿಂಸಾಚಾರವನ್ನು ಖಂಡಿಸಿ, ವಿವಿಧ ಕಾಲೇಜುಗಳ ವಿದ್ಯಾರ್ಥಿಗಳು ಗೇಟ್​​ವೇ ಆಫ್​​ ಇಂಡಿಯಾ ಬಳಿ ಪ್ರತಿಭಟನೆ ನಡೆಸುತ್ತಿದ್ದಾರೆ.

ಭಾನುವಾರ ರಾತ್ರಿ ವಿಶ್ವವಿದ್ಯಾಲಯದಲ್ಲಿ ಹಿಂಸಾಚಾರ ಭುಗಿಲೆದ್ದಿದ್ದು, ಮಾಸ್ಕ್​ ಧರಿಸಿದ್ದ ದುಷ್ಕರ್ಮಿಗಳ ಗುಂಪೊಂದು ಉಪನ್ಯಾಸಕರು ಹಾಗೂ ವಿದ್ಯಾರ್ಥಿಗಳ ಮೇಲೆ ಹಲ್ಲೆ ನಡೆಸಿ ಕಾಲೇಜಿನ ಆಸ್ತಿ ಪಾಸ್ತಿಗಳೆಲ್ಲವನ್ನೂ ಹಾಳು ಮಾಡಿದ್ದರು. ಈ ಹಿಂಸಾಚಾರದಲ್ಲಿ 25ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ.

ಈ ಗಲಬೆಯಲ್ಲಿ ಜೆ.ಎನ್​.ಯು ವಿದ್ಯಾರ್ಥಿಗಳು ಹಾಗೂ ವಿದ್ಯಾರ್ಥಿ ಸಂಘದ ಅಧ್ಯಕ್ಷ ಐಷೆ ಘೋಷ್​​ ಗಾಯಗೊಂಡಿದ್ದು, ಈ ಕೃತ್ಯ ನಡೆಸಿದವರು ಅಪರಿಚಿತ ಎಬಿವಿಪಿಯ ಗೂಂಡಾಗಳು ಎಂದು ಕಿಡಿಕಾರಿದ್ದಾರೆ.