ಭೋಪಾಲ್: ಬಿಜೆಪಿ ಶಾಸಕರ ವಿಶ್ವಾಸ ಮತಯಾಚನೆ ಒತ್ತಾಯದ ನಡುವೆಯೂ ಮಧ್ಯಪ್ರದೇಶ ವಿಧಾನಸಭೆ ಅಧಿವೇಶನವನ್ನು ಮಾರ್ಚ್ 26ರ ವರೆಗೆ ಮುಂದೂಡಲಾಗಿದೆ.
ಕೊರೊನಾದಿಂದಾಗಿ ಬೀಸುವ ದೊಣ್ಣೆಯಿಂದ ತಪ್ಪಿಸಿಕೊಂಡ ಕಮಲ್ನಾಥ್ ಸರ್ಕಾರ - ಮಧ್ಯಪ್ರದೇಶ ವಿಧಾನಸಭೆ ಅಧಿವೇಶನ ಮುಂದೂಡಿಕೆ
ಮಧ್ಯಪ್ರದೇಶ ವಿಧಾನಸಭೆಯಲ್ಲಿ ಮುಖ್ಯಮಂತ್ರಿ ಕಮಲ್ ನಾಥ್ ವಿಶ್ವಾಸ ಮತಯಾಚನೆ ನಡೆಸುತ್ತಾರೆ ಎಂದೇ ಎಲ್ಲರು ತಿಳಿದಿದ್ದರು. ಆದರೆ ಕೊರೊನಾ ಸೋಂಕಿನ ಭೀತಿಯಿಂದ ಸದನವನ್ನು ಮಾರ್ಚ್ 26ರ ವರೆಗೆ ಮುಂದೂಡಲಾಗಿದೆ.
ಕೊರೊನಾ ಭೀತಿಯಿಂದ ಸದನ ಮೂಂದೂಡಿಕೆ
ರಾಜ್ಯಪಾಲ ಲಾಲ್ಜಿ ಟಂಡನ್ ಅವರ ಸಂಕ್ಷಿಪ್ತ ಭಾಷಣದ ನಂತರ, ಬಿಜೆಪಿಯ ಶಾಸಕರು ವಿಶ್ವಾಸ ಮತಯಾಚನೆ ಬೇಡಿಕೆಯನ್ನು ಎತ್ತಿದರು. ಇದರಿಂದ ಸದನದಲ್ಲಿ ಕೋಲಾಹಲ ಉಂಟಾಯಿತು.
ಈ ವೇಳೆ ಸಂಸದೀಯ ವ್ಯವಹಾರಗಳ ಸಚಿವ ಗೋವಿಂದ್ ಸಿಂಗ್ ಅವರು ದೇಶದಲ್ಲಿ ಹರಡಿರುವ ಕೊರೊನಾ ವೈರಸ್ ಭೀತಿಯನ್ನು ಪ್ರಸ್ತಾಪಿಸಿ ಕೇಂದ್ರದ ಸಲಹೆಯನ್ನು ಸದನಕ್ಕೆ ತಿಳಿಸಿದರು. ಗೋವಿಂದ್ ಸಿಂಗ್ ಅವರ ಮನವಿಗೆ ಸಮ್ಮತಿಸಿದ ಸ್ಪೀಕರ್ ಸದನವನ್ನು ಮಾರ್ಚ್ 26ರ ವರೆಗೆ ಮುಂದೂಡಿದರು.
Last Updated : Mar 16, 2020, 6:57 PM IST