ನವದೆಹಲಿ: ಇಂದಿನಿಂದ ಮದರ್ ಡೈರಿ ಲೀಟರ್ ಹಾಲಿನ ಬೆಲೆ ಎರಡು ರೂ ಏರಿಕೆಯಾಗಿದ್ದು,ನೂತನ ದರ ಇಂದಿನಿಂದಲೇ ಜಾರಿಯಾಗಿರುವುದರಿಂದ ಬಳಕೆದಾರರ ಜೇಬಿಗೆ ಮತ್ತಷ್ಟು ಕತ್ತರಿ ಬೀಳಲಿದೆ.
ಮದರ್ ಡೈರಿ ಲೀಟರ್ ಹಾಲಿನ ಬೆಲೆ ಎರಡು ರೂ ಏರಿಕೆ... ಇಂದಿನಿಂದ ಪರಿಷ್ಕೃತ ದರ ಜಾರಿ!
ದೇಶದ ಪ್ರಮುಖ ಹಾಲು ಉತ್ಪನ್ನ ಮದರ್ ಡೈರಿ ತನ್ನ ಹಾಲಿನ ದರದಲ್ಲಿ ಎರಡು ರೂಪಾಯಿ ಏರಿಕೆ ಮಾಡಿದ್ದು, ನೂತನ ದರ ಇಂದಿನಿಂದಲೇ ಜಾರಿಯಾಗಿದೆ.
ಮದರ್ ಡೈರಿ ಹಾಲು
ರೈತರಿಂದ ಹಾಲು ಪಡೆದುಕೊಳ್ಳಲು ಹೆಚ್ಚಿನ ಹಣ ನೀಡುತ್ತಿರುವ ಕಾರಣ, ಈ ದರ ಏರಿಕೆ ಮಾಡಲಾಗಿದೆ ಎಂದು ಮದರ್ ಡೈರಿಯ ವಕ್ತಾರರು ತಿಳಿಸಿದ್ದು, ಹೀಗಾಗಿ ಲೀಟರ್ ಹಾಲಿನ ಬೆಲೆ 44ರೂ ಆಗಲಿದೆ. ಈ ದರ ದೆಹಲಿ ಹಾಗೂ ಎನ್ಸಿಆರ್ಗಳಲ್ಲಿ ಜಾರಿಯಾಗಿದೆ.
ಮದರ್ ಡೈರಿ ಪ್ರತಿದಿನ 30 ಲಕ್ಷ ಲೀಟರ್ ಹಾಲು ಗ್ರಾಹಕರಿಗೆ ರವಾನೆ ಮಾಡ್ತಿದ್ದು, 8ಲಕ್ಷ ಜನರು ಇದರ ಬಳಕೆ ಮಾಡ್ತಿದ್ದಾರೆ. ದರ ಏರಿಕೆಯಾಗಿರುವುದರಿಂದ ಅರ್ಧ ಲೀಟರ್ ಹಾಲಿಗೆ 23ರೂ ಹಾಗೂ ಒಂದು ಲೀಟರ್ ಹಾಲಿಗೆ 44ರೂ ನೀಡಬೇಕಾಗಿದೆ.ಈಗಾಗಲೇ ಅಮೂಲ್ ಹಾಗೂ ಪಾರ್ಗಾ ಹಾಲು ತಮ್ಮ ಉತ್ಪನ್ನಗಳ ದರ ಏರಿಕೆ ಮಾಡಿದ್ದು, ಇದೀಗ ಮದರ್ ಡೈರಿ ಈ ನಿರ್ಧಾರ ಕೈಗೊಂಡಿದೆ.