ಮಿರ್ಜಾಪುರ: ಪ್ರಧಾನಿ ನರೇಂದ್ರ ಮೋದಿ ಓರ್ವ ನಟ. ಅಮಿತಾಬ್ ಬಚ್ಚನ್ ಅವರು ಪ್ರಧಾನಿ ಹುದ್ದೆಗೆ ಉತ್ತಮ ಆಯ್ಕೆಯಾಗಬಹುದು ಎಂದು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವ್ಯಂಗ್ಯವಾಡಿದ್ದಾರೆ.
ಮಿರ್ಜಾಪುರದಲ್ಲಿ ಚುನಾವಣೆ ಸಮಾವೇಶದಲ್ಲಿ, ಪ್ರಧಾನಿ ಮೋದಿ ಅವರು ಬಾಲಿವುಡ್ನ 'ಶೋಲೆ' ಸಿನಿಮಾದ ಅಸ್ರಾನಿ (ಅಮಿತಾಬ್ ಬಚ್ಚನ್) ಅವರಂತೆ ನಟಿಸುತ್ತಾರೆ ಎಂದು ಅಣುಕಿಸಿದ್ದಾರೆ.
'ಪ್ರಧಾನಿ ಮೋದಿ ರಾಜಕೀಯ ನಾಯಕನಲ್ಲ. ಅವರು ಓರ್ವ ನಟ. ಅಮಿತಾಬ್ ಬಚ್ಚನ್ ಅವರನ್ನು ಪ್ರಧಾನಿಯಾಗಿ ಮಾಡಿದ್ದರೆ ಉತ್ತಮವಾಗಿ ಇರುತ್ತಿತ್ತು ಎಂದು ಮಿರ್ಜಾಪುರ ರೋಡ್ ಶೋನಲ್ಲಿ ಹೇಳಿದ್ದಾರೆ.
ಬಳಿಕ ಗೋರಖ್ಪುರ ಸಮಾವೇಶದಲ್ಲಿ ನೆರೆದವರನ್ನು ಉದ್ದೇಶಿಸಿ, ''ನೀವು ಶೋಲೆ ಚಿತ್ರದಲ್ಲಿನ ಅಸ್ರಾನಿ ಪಾತ್ರದ ನಟನೆ ನೋಡಿದ್ದಿರಾ? ಅದರಲ್ಲಿ ಅವರು 'ಆಂಗ್ರೆಜೋನ್ ಕೆ ಝಮಾನೆ ಮೇ' (ಬ್ರಿಟಿಷರ ಆಡಳಿತ ಕಾಲದಲ್ಲಿ) ಎಂದು ಪದೇ- ಪದೇ ಹೇಳುತ್ತಿರುತ್ತಾರೆ. ಅದೇ ರೀತಿ ಮೋದಿ ಕೂಡ ಜವಹಾರಲಾಲ್ ನೆಹರು, ಇಂದಿರಾ ಗಾಂಧಿ ಮತ್ತು ರಾಜೀವ್ ಗಾಂಧಿ ಅವರ ಕಾರ್ಯವೈಖರಿಗಳ ಕುರಿತು ಮಾತನಾಡುತ್ತಾರೆ. ಕಳೆದ ಐದು ವರ್ಷಗಳ ತಮ್ಮ ಕೆಲಸದ ಕುರಿತು ಯಾಕೆ ಮಾತನಾಡುತ್ತಿಲ್ಲ' ಎಂದು ವ್ಯಂಗ್ಯವಾಗಿ ಪ್ರಶ್ನಿಸಿದರು.