ಒಂದೇ ದಿನ ಗ್ಯಾಂಗ್​ರೇಪ್​ ಮೇಲೆ ಗ್ಯಾಂಗ್​ರೇಪ್​... ನರಕಯಾತನೆ ಅನುಭವಿಸಿದ ಬಾಲಕಿ!

ಗ್ಯಾಂಗ್​ರೇಪ್​ ನಡೆದು ಕೆಲಹೊತ್ತಿನ ಬಳಿಕ ಅದೇ ಬಾಲಕಿ ಮೇಲೆ ಮತ್ತೆ ಗ್ಯಾಂಗ್​ರೇಪ್​ ನಡೆದಿರುವ ಘಟನೆ ಹರಿಯಾಣದಲ್ಲಿ ನಡೆದಿದೆ.

ನುಹಾ( ಹರಿಯಾಣ):ಬಾಲಕಿ ಮೇಲೆ ಗ್ಯಾಂಗ್​ರೇಪ್​ ನಡೆದ ಕೆಲವೇ ಗಂಟೆಗಳಲ್ಲಿ ಮತ್ತೆ ಗ್ಯಾಂಗ್​ರೇಪ್​ ನಡೆದಿರುವ ಘಟನೆ ಜುಲೈ 30ಕ್ಕೆ ದೆಹಲಿಯಲ್ಲಿ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.

ನುಹಾ ಜಿಲ್ಲೆ ಪುನ್ಹಾನ ವ್ಯಾಪ್ತಿಯ 15 ವರ್ಷದ ಬಾಲಕಿಯನ್ನು ಸ್ಥಳೀಯ ನಿವಾಸಿಯ ಐವರು ಯುವಕರು ಅಪಹರಿಸಿ ನಿರ್ಜನ ಪ್ರದೇಶಕ್ಕೆ ಕರೆದೊಯ್ದಿದ್ದಾರೆ. ಐವರು ಕಿರಾತಕರು ಬಾಲಕಿ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆಸಿ ಯಾರಿಗೂ ಹೇಳದಂತೆ ಗನ್​ ತೋರಿಸಿ ಬೆದರಿಕೆಯೊಡ್ಡಿ ಪರಾರಿಯಾಗಿದ್ದಾರೆ.

ನಿಶಕ್ತಿಯಾಗಿದ್ದ ಬಾಲಕಿ ಎದುರುಗಡೆಯಿಂದ ಬಂದು ಕಾರು ನಿಲ್ಲಿಸಿ ಮನೆ ಹತ್ತಿರ ಬಿಡುವಂತೆ ಮನವಿ ಮಾಡಿಕೊಂಡಿದ್ದಾಳೆ. ಡ್ರಾಪ್​ ನೆಪದಲ್ಲಿ ಕಾರಿನಲ್ಲಿ ಹತ್ತಿಸಿಕೊಂಡು ಬಾಲಕಿ ಮೇಲೆ ಇಬ್ಬರು ಸಾಮೂಹಿಕ ಅತ್ಯಾಚಾರ ಎಸಗಿ ಮನೆ ಬಳಿ ಬಿಟ್ಟಿದ್ದಾರೆ.

ಇನ್ನು ಈ ಸಂಗತಿ ಪೋಷಕರಿಗೆ ತಿಳಿದಿದೆ. ಕೂಡಲೇ ಬಾಲಕಿ ಪೋಷಕರು ಪೊಲೀಸ್​ ಠಾಣೆಯಲ್ಲಿ ದೂರು ಸಲ್ಲಿಸಿದ್ದು, ಪೊಲೀಸರು ಆರೋಪಿಗಳ ಪತ್ತೆಗೆ ಜಾಲ ಬೀಸಿದ್ದಾರೆ.