ಪಾಕಿಸ್ತಾನದಲ್ಲಿ ಕಾರ್ಯಕ್ರಮ ನೀಡಿದ್ದಕ್ಕೆ ಕ್ಷಮೆ ಕೋರಿದ ಗಾಯಕ ಮಿಖಾ ಸಿಂಗ್​

ಪಾಕಿಸ್ತಾನದಲ್ಲಿ ಸಂಗೀತ ಕಾರ್ಯಕ್ರಮ ನೀಡಿದ ಕಾರಣ ವಿವಾದಕ್ಕೆ ಗುರಿಯಾಗಿರುವ ಗಾಯಕ ಮಿಖಾ ಸಿಂಗ್​ ಅವರು ಸಾರ್ವಜನಿಕವಾಗಿ ಕ್ಷಮೆ ಯಾಚಿಸಿದ್ದಾರೆ. ಉದ್ದೇಶಪೂರ್ವಕವಾಗಿ ನಾನು ಈ ಕೃತ್ಯ ಎಸಗಿಲ್ಲ. ನಾನು ಇಡೀ ಭಾರತೀಯರ ಕ್ಷಮೆ ಯಾಚಿಸುತ್ತಿದ್ದೇನೆ ಎಂದು ಮಿಖಾ ಅವರು ತೆರೆದ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ನವದೆಹಲಿ: ಪಾಕಿಸ್ತಾನದಲ್ಲಿ ಸಂಗೀತ ಕಾರ್ಯಕ್ರಮ ನೀಡಿದ ಕಾರಣ ವಿವಾದಕ್ಕೆ ಗುರಿಯಾಗಿರುವ ಗಾಯಕ ಮಿಖಾ ಸಿಂಗ್​ ಅವರು ಸಾರ್ವಜನಿಕವಾಗಿ ಕ್ಷಮೆ ಯಾಚಿಸಿದ್ದಾರೆ.

ಈ ಸಂಬಂಧ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು ವಿಧಿ 370 ರದ್ದು ಮಾಡಿದ್ದು ಹಾಗೂ ನಾನು ಪಾಕಿಸ್ತಾನದಲ್ಲಿ ಸಂಗೀತ ಕಾರ್ಯಕ್ರಮ ನೀಡಿದ್ದು ಒಂದೇ ಸಮಯ ವಾಗಿರುವುದು ಕಾಕತಾಳೀಯ.

ಉದ್ದೇಶಪೂರ್ವಕವಾಗಿ ನಾನು ಈ ಕೃತ್ಯ ಎಸಗಿಲ್ಲ. ನಾನು ಇಡೀ ಭಾರತೀಯರ ಕ್ಷಮೆ ಯಾಚಿಸುತ್ತಿದ್ದೇನೆ ಎಂದು ಮಿಖಾ ಅವರು ತೆರೆದ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಮಿಖಾ ಸಿಂಗ್​ ಅವರು ಪಾಕಿಸ್ತಾನದಲ್ಲಿ ಸಂಗೀತ ಕಾರ್ಯಕ್ರಮ ನೀಡಿದ ಹಿನ್ನೆಲೆಯಲ್ಲಿ ಅವರ ಜೊತೆ ಯಾವ ಸಿನಿಮಾ ತಂಡವೂ ಕೆಲಸ ಮಾಡದಂತೆ ಭಾರತೀಯ ಸಿನಿ ಕಾರ್ಮಿಕರ ಸಂಘವು ಈಚೆಗೆ ಆದೇಶ ಹೊರಡಿಸಿತ್ತು. ಬಾಲಿವುಡ್​ ನಟ ಸಲ್ಮಾನ್​ ಖಾನ್ ಅವರೊಂದಿಗೆ ಮಿಖಾ ಅವರು ಕಾರ್ಯಕ್ರಮ ನೀಡಬೇಕಿತ್ತು. ಆದರೆ, ಸಂಘವು ಅದಕ್ಕೂ ಒಪ್ಪದೆ, ಸಲ್ಲು ಅವರನ್ನೂ ಸಿನಿಮಾ ರಂಗದಿಂದ ಬ್ಯಾನ್​ ಮಾಡುವುದಾಗಿ ಖಡಕ್​ ವಾರ್ನಿಂಗ್​ ನೀಡಿತ್ತು.