ಕೊರೊನಾ ನಿರ್ಬಂಧಿತ ಕುಟುಂಬಗಳಿಗೆ ಸಹಾಯ : ಸೋಂಕು​ ಹರಡಲು ಇಲ್ಲ ಅವಕಾಶ

ಮೇಘಾಲಯದ ಪೂರ್ವ ಖಾಸಿ ಹಿಲ್ಸ್ ಜಿಲ್ಲೆಯ ಹಳ್ಳಿಯೊಂದರ ನಿವಾಸಿ ಕೋವಿಡ್​-19 ರೋಗಿಯ ಸಂಪರ್ಕಕ್ಕೆ ಬಂದ ನಂತರ ಕ್ವಾರಂಟೈನ್​​ ​ಗೊಳಗಾದವರ ನೆರವಿಗೆ ಇತರ ಗ್ರಾಮಸ್ಥರು ಬರುವ ಮೂಲಕ ಮುಖ್ಯಮಂತ್ರಿ ಸಂಗ್ಮಾ ಅವರ ಪ್ರಶಂಸೆಗೆ ಪಾತ್ರರಾಗಿದ್ದಾರೆ.

ಶಿಲ್ಲಾಂಗ್​​​ (ಮೆಘಾಲಯ) :ಇಲ್ಲಿನ ಪೂರ್ವ ಕಾಸಿ ಹಿಲ್ಸ್ ಜಿಲ್ಲೆಯ ಹಳ್ಳಿಯೊಂದರ ನಿವಾಸಿಗಳು ಕೋವಿಡ್​-19 ರೋಗಿಯ ಸಂಪರ್ಕಕ್ಕೆ ಬಂದ ನಂತರ ಸ್ಥಳೀಯ ಆಡಳಿತದ ಆದೇಶದ ಮೇರೆಗೆ ಸ್ವ ನಿರ್ಬಂಧ ಹಾಕಿಕೊಂಡಿದ್ದಾರೆ.

70 ಮನೆಗಳಿರುವ ಮಾವಥಾರಿಯಾ ಎಂಬ ಗ್ರಾಮದ ಯುವತಿಯೊಬ್ಬಳಿಗೆ ಈ ಸೋಂಕು ಕಾಣಿಸಿಕೊಂಡಿದ್ದು, ಈಕೆ ಮೇಘಾಲಯದಲ್ಲಿ ಕೊರೊನಾದಿಂದ ಸಾವಿಗೀಡಾದ ಒಬ್ಬನೇ ವ್ಯಕ್ತಿ ಡಾ. ಜಾನ್ ಸೈಲೊ ರೈಂಟಾಥಿಯಾಂಗ್‌ಗೆ ಮನೆಯಲ್ಲಿ ಸಹಾಯಕಿಯಾಗಿ ಕೆಲಸ ಮಾಡುತ್ತಿದ್ದಳು. ಆ ಸಂದರ್ಭದಲ್ಲಿ ರೋಗಿಯ ಸಂಪರ್ಕಕ್ಕೆ ಬಂದ ಯುವತಿಗೆ ಕೊರೊನಾ ಆವರಿಸಿದೆ.

ಮಹಿಳೆಯನ್ನು ಶಿಲ್ಲಾಂಗ್‌ನ ಕೋವಿಡ್​ -19 ಆಸ್ಪತ್ರೆಗೆ ಕಳುಹಿಸಲಾಗಿದ್ದು, ಆಕೆಯ ಕುಟುಂಬ ಸದಸ್ಯರು ಸೇರಿದಂತೆ 18 ಮನೆಯ 35 ಮಂದಿಯನ್ನು ಹೋಮ್​ ಕ್ವಾರಂಟೈನ್​ನಲ್ಲಿಡಲಾಗಿದೆ. ಈಗಾಗಲೇ ಅವರಿಗೆ ಕೊರೊನಾ ಟೆಸ್ಟ್​ ಮಾಡಲಾಗಿದ್ದು, ಅವರ ಮಾದರಿಗಳು ನೆಗೆಟಿವ್​ ಬಂದಿವೆ ಎಂದು ಗ್ರಾಮದ ಮುಖ್ಯಸ್ಥ ಬಿ. ಸುಟಿಂಗ್ ಹೇಳಿದ್ದಾರೆ.

ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳುವ ಮೂಲಕ ನಿರ್ಬಂಧಿತ ಕುಟುಂಬಗಳಿಗೆ ಆಹಾರ, ನೀರು ಮತ್ತು ಇತರ ಅಗತ್ಯ ಸರಕುಗಳನ್ನು 'ದೋರ್ಬಾರ್' ಅಥವಾ ಗ್ರಾಮ ಸಮಿತಿಯ ಮೂಲಕ ಮನೆಗಳಿಗೆ ತಲುಪಿಸಲಾಗುತ್ತಿದೆ ಎಂದರು.

ಅವರ ಮುನ್ನೆಚ್ಚರಿಕಾ ಕ್ರಮಗಳಿಗೆ ಪ್ರಶಂಸೆ ವ್ಯಕ್ತಪಡಿಸಿದ ಮುಖ್ಯಮಂತ್ರಿ ಕಾನ್ರಾಡ್ ಕೆ ಸಂಗ್ಮಾ :

ಸುದ್ದಿ ಸಂಸ್ಥೆಗೆ ಮಾಹಿತಿ ನೀಡಿದ ಸೂಟಿಂಗ್​, ನಮ್ಮ ಹಳ್ಳಿಯಲ್ಲಿ ಕೋವಿಡ್​-19 ರೋಗಿ ಇದ್ದಾರೆ ಎಂದು ಕೇಳಿದ ನಂತರ ನಮಗೆ ಒಂದು ಹೊಸ ಜವಾಬ್ದಾರಿ ಬಂದಿದೆ. ಮೊದಲಿಗೆ ರೋಗಿ ಜೊತೆ ಸಂಪರ್ಕದಲ್ಲಿದ್ದ 18 ಕುಟುಂಬಗಳನ್ನು ಪ್ರತ್ಯೇಕಗೊಳಿಸಲಾಗಿದೆ ಎಂದರು.

ಗ್ರಾಮದ ಮುಖ್ಯಸ್ಥರು ತುರ್ತು ಸಹಾಯವಾಣಿ ಸಂಖ್ಯೆಗೆ ಕರೆ ಮಾಡಿ ಬ್ಲಾಕ್ ಅಭಿವೃದ್ಧಿ ಕಚೇರಿಗೆ ಮಾಹಿತಿ ನೀಡಿದ್ದಾರೆ. ನಂತರ, ಆರೋಗ್ಯ ಅಧಿಕಾರಿಗಳು ಮತ್ತು ಮೈಲಿಯಮ್ ಬ್ಲಾಕ್ ಡೆವಲಪ್ಮೆಂಟ್ ಆಫೀಸರ್ (ಬಿಡಿಒ) ಪೀಟರ್ ಪಾಷಾ ಅವರ ತ್ವರಿತ ಗತಿಯ ಕೆಲಸದಿಂದಾಗಿ ಅಪಾಯಕಾರಿ ಪರಿಸ್ಥಿತಿಯನ್ನು ತಪ್ಪಿಸಲು ಸಹಾಯವಾಗಿದೆ. ಹಳ್ಳಿಯ ಒಬ್ಬ ಕೊರೊನಾ ರೋಗಿಯು ಚೇತರಿಸಿಕೊಳ್ಳುತ್ತಾನೆ ಎಂಬ ವಿಶ್ವಾಸವಿದೆ ಎಂದು ಸೂಟಿಂಗ್ ವಿಶ್ವಾಸ ವ್ಯಕ್ತಪಡಿಸಿದರು.

ಮಹಿಳಾ ಕಲ್ಯಾಣ ಸಂಘಟನೆಯ ಕಾ ಸೆಂಗ್ಭಾಲಂಗ್ ಕಿ ಕಿಂಥೆಯ ಎಂ ಕುರ್ಕಲಾಂಗ್ ಅವರು ಪರಿಸ್ಥಿತಿಯನ್ನು ಪರಿಣಾಮಕಾರಿಯಾಗಿ ನಿಭಾಯಿಸಿದ ಗ್ರಾಮ ಸಮಿತಿಯನ್ನು ಇದೇ ವೇಳೆ, ಅವರು ಶ್ಲಾಘಿಸಿದರು.