ನವದೆಹಲಿ:ಕೇಂದ್ರ ಸಚಿವೆ ಮೇನಕಾ ಗಾಂಧಿ ಬಿಎಸ್ಪಿ ಮುಖ್ಯಸ್ಥೆ ಮಾಯಾವತಿ ವಿರುದ್ಧ ವಾಗ್ದಾಳಿ ನಡೆಸಿದ್ದು ಮಾಯಾವತಿ, ಪಾರ್ಟಿ ಟಿಕೆಟ್ ಅನ್ನು ಹಣಕ್ಕಾಗಿ ಮಾರುತ್ತಿದ್ದಾರೆ ಎಂದು ಆರೋಪ ಮಾಡಿದ್ದಾರೆ.
ಮಾಯಾವತಿ ಲೋಕಸಭಾ ಚುನಾವಣೆಯಲ್ಲಿ ಪಕ್ಷದ ಪ್ರತಿ ಟಿಕೆಟ್ ಅನ್ನು ಬರೋಬ್ಬರಿ 15 ಕೋಟಿಗೆ ಮಾರಾಟ ಮಾಡಿದ್ದಾರೆ ಎಂದು ಬಿಜೆಪಿ ನಾಯಕಿ ಹಾಗೂ ಕೇಂದ್ರ ಸಚಿವೆ ಮನೇಕಾ ಗಾಂಧಿ ಗಂಭೀರ ಆರೋಪ ಮಾಡಿದ್ದಾರೆ.
ಮಾಯಾವತಿ ಟಿಕೆಟ್ ಅನ್ನು ಮಾರಾಟ ಮಾಡೋದು ಎಲ್ಲರಿಗೂ ತಿಳಿದಿರುವ ವಿಚಾರ. ಬಿಎಸ್ಪಿ ಮುಖ್ಯಸ್ಥೆ 77 ಮನೆಯನ್ನು ಹೊಂದಿದ್ದಾರೆ. ಟಿಕೆಟ್ಗೆ ಪ್ರತಿಯಾಗಿ ಮಾಯಾವತಿ ಹಣದ ಹೊರತಾಗಿ ವಜ್ರವನ್ನು ಪಡೆಯುತ್ತಾರೆ ಎನ್ನುವುದನ್ನು ಮನೆಯವರೂ ಒಪ್ಪಿಕೊಂಡಿದ್ದಾರೆ ಎಂದು ಸುಲ್ತಾನ್ಪುರದಲ್ಲಿ ಮೇನಕಾ ಗಾಂಧಿ ಹೇಳಿದ್ದಾರೆ.
ಉಚಿತವಾಗಿ ಟಿಕೆಟ್ ಅನ್ನು ಮಾಯಾವತಿ ನೀಡೋದೇ ಇಲ್ಲ. 15 ಕೋಟಿ ನೀಡಿದರೆ ಮಾತ್ರ ದೊರೆಯುತ್ತದೆ. ಆದರೆ 15 ಕೋಟಿಯನ್ನು ಹೇಗೆ ಸಂಪಾದಿಸೋದು ಎನ್ನುವುದನ್ನು ಮನೇಕಾ ಗಾಂಧಿ ಪ್ರಶ್ನೆ ಮಾಡಿದ್ದಾರೆ.
