ಇಂದೋರ್:ಬಾಂಗ್ಲಾದೇಶದ ವಿರುದ್ಧ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಆರಂಭಿಕ ಆಟಗಾರ ಮಯಾಂಕ್ ಅಗರ್ವಾಲ್ ಅದ್ಭುತ ಪ್ರದರ್ಶನ ನೀಡಿದ್ದು, ಬರೋಬ್ಬರಿ 243 ರನ್‌ ಗಳಿಸಿ ಮನ ಗೆದ್ದಿದ್ದಾರೆ.
ನಿನ್ನೆ ಪಂದ್ಯ ಮುಕ್ತಾಯಗೊಳ್ಳುತ್ತಿದ್ದಂತೆ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ್ದ ಮಯಾಂಕ್‌ಗೆ ಪತ್ರಕರ್ತನೋರ್ವ ವಿಭಿನ್ನವಾದ ಪ್ರಶ್ನೆ ಕೇಳಿದ್ದು, ಅದಕ್ಕವರು ಅಷ್ಟೇ ಜಾಣತನದ ಉತ್ತರ ನೀಡಿದ್ದಾರೆ.
ಪತ್ರಕರ್ತ, ಇದು ನಿಮಗೆ ವಿಶೇಷ ದಿನ. ಸಂಜೆ ಹೋಟೆಲ್ಗೆ ತೆರಳಿ ಏನು ಮಾಡ್ತಿರಾ? ನೀವೂ ಕ್ರಿಕೆಟ್ ಆಡಿರುವ ಇನ್ನಿಂಗ್ಸ್ ಹೈಲೈಟ್ಸ್ ನೋಡ್ತೀರಾ? ಸಿನಿಮಾ ನೋಡ್ತಿರಾ ಅಥವಾ ನೆಟ್‌ಫ್ಲಿಕ್ಸ್‌ ನೋಡ್ತಿರಾ ಏನು ಮಾಡುವೀರಿ? ಎಂದು ಕುತೂಹಲಕಾರಿ ಪ್ರಶ್ನೆ ಕೇಳಿದ್ರು.
ಇದಕ್ಕೆ ಮಯಾಂಕ್ ಅಗರ್ವಾಲ್, ನಗುಮುಖದಿಂದ ಪಬ್ಜೀ ಗೇಮ್ ಆಡುವುದಾಗಿ ಹೇಳಿದ್ರು. ಈ ಉತ್ತರ ಸುದ್ದಿಗೋಷ್ಟಿಯಲ್ಲಿ ಸೇರಿದ್ದವರನ್ನು ನಗೆಗಡಲಲ್ಲಿ ತೇಲಿಸಿತು.