ಮಾಸ್ಕ್​ ತಯಾರಿಸಿ ಅವಶ್ಯಕತೆ ಇದ್ದವರಿಗೆ ವಿತರಿಸುತ್ತಿದ್ದಾನೆ ಈ ಬಾಲಕ

ಕೇರಳದ ಎಂಟು ವರ್ಷದ ಬಾಲಕನೊಬ್ಬ ಮುಖಗವಸು ತಯಾರಿಸಿ ಕೋವಿಡ್​ ಸಮಯದಲ್ಲಿ ಅವಶ್ಯಕತೆ ಇರುವವರಿಗೆ ಮಾಸ್ಕ್ ವಿತರಿಸಿ ಮಾದರಿಯಾಗಿದ್ದಾನೆ. ​

ಕಣ್ಣೂರು(ಕೇರಳ): ಜಿಲ್ಲೆಯ ತ್ರಿಚಂಬರಂ ತಾಲಿಪರಂಬಾ ಮೂಲದ ಎಂಟು ವರ್ಷದ ಬಾಲಕ ಸಿದ್ಧಾರ್ಥ್ ಪಿ ವರಿಯಾರ್ ಸ್ವತಃ ಮಾಸ್ಕ್​ ತಯಾರಿಸುವ ಮೂಲಕ ಇತರರಿಗೆ ಮಾದರಿಯಾಗಿದ್ದಾನೆ.

ಲಾಕ್‌ಡೌನ್ ಸಮಯದಲ್ಲಿ ತಾನು ಕಲಿತ ಹೊಸ ಕೌಶಲವನ್ನ ಸಂಪೂರ್ಣವಾಗಿ ಬಳಸಿಕೊಂಡು ಮಾಸ್ಕ್​​ ತಯಾರಿಸಿ ಇತರರಿಗೆ ಸಹಾಯ ಮಾಡಲು ಮುಂದಾಗಿದ್ದಾನೆ. ಸಿದ್ಧಾರ್ಥ್ ತನ್ನ ಅಜ್ಜ ಅಚ್ಯುತ್​ ವಾರಿಯರ್ ಹಾದಿಯಲ್ಲಿ ಮುಂದುವರೆಯುತ್ತಿದ್ದು, ಇವರು ಶ್ರೀಕೃಷ್ಣ ದೇವಸ್ಥಾನ ಉತ್ಸವಕ್ಕಾಗಿ ಕೊಡಿಕ್ಕೂರ (ದೇವಾಲಯದ ಹಬ್ಬದ ಧ್ವಜ) ತಯಾರಿಸಲು ಹೆಸರುವಾಸಿಯಾಗಿದ್ದಾರೆ. ತ್ರಿಚಂಬರಂನ ಪೂಕ್ಕೋಥ್ ನಾಡಾದ ಮುಂಭಾಗದಲ್ಲಿರುವ ಅಚ್ಯುತ್​ ವಾರಿಯರ್ ಟೈಲರಿಂಗ್ ಅಂಗಡಿ ಸಾಕಷ್ಟು ಪ್ರಸಿದ್ಧಿ ಪಡೆದಿದೆ.

ಅಜ್ಜನ ಕೆಲಸವನ್ನು ಗಮನಿಸಿದ ಬಾಲಕ ಸಿದ್ಧಾರ್ಥ್ ತಾನೂ ಸಹ ಬಟ್ಟೆ ಹೊಲೆಯುವುದನ್ನ ಕಲಿತಿದ್ದ. ಸಿದ್ಧಾರ್ಥ್ ಎರಡು ಲೇಯರ್ಡ್ ಮತ್ತು ಮೂರು ಲೇಯರ್ಡ್ ಮಾಸ್ಕ್​ಗಳನ್ನ ದಿನಕ್ಕೆ ಐದರಂತೆ ತಯಾರಿಸಿದ್ದಾನೆ. ಸಿದ್ಧಾರ್ಥ್​ ತಾತಾ ಸಹ ಮೊಮ್ಮಗನ ಕಾರ್ಯಕ್ಕೆ ಸಹಾಯ ಮಾಡುತ್ತಿದ್ದಾರೆ.