ಆಕೆ ಜತೆ ಮದುವೆ, ಇನ್ನೊಬ್ಬಾಕೆ ಜತೆ ಚೆಲ್ಲಾಟ... ಇದು ಬೆಂಗಳೂರು ಗ್ರಾಫಿಕ್ಸ್​ ಡಿಸೈನರ್​ ಪುರಾಣ!

ಈ ವ್ಯಕ್ತಿ ಯುವತಿಯೊಬ್ಬಳನ್ನು ಮದುವೆಯಾಗಿ ಮತ್ತೊಬ್ಬಳ ಜತೆ ಸಹಜೀವನ ನಡೆಸುತ್ತ ಎಂಟು ವರ್ಷ ದೂಡಿದ ಬಳಿಕ ಸಿಕ್ಕಿಹಾಕಿಕೊಂಡಿರುವ ಘಟನೆ ತೆಲಂಗಾಣದಲ್ಲಿ ನಡೆದಿದೆ.

ಹೈದರಾಬಾದ್​:ಒಬ್ಬಾಕೆ ಜೊತೆ ಮದುವೆಯಾಗಿ ಮತ್ತೊಬ್ಬಾಕೆ ಜೊತೆ ಸಹಜೀವನ ನಡೆಸುತ್ತಿದ್ದ ವ್ಯಕ್ತಿ ಕೊನೆಗೂ ಬಲೆಗೆ ಬಿದ್ದಿದ್ದಾನೆ. ಈ ಘಟನೆ ಹೈದರಾಬಾದ್​ನ ಜೂಬ್ಲಿಹಿಲ್ಸ್​ನಲ್ಲಿ ನಡೆದಿದೆ.

ಇಲ್ಲಿನ ಪೆದ್ದಪಲ್ಲಿಯ ನಿವಾಸಿ ಆಕುದಾರಿ ಕಾರ್ತಿಕ್​ (29) ಬೆಂಗಳೂರಿನಲ್ಲಿ ಗ್ರಾಫಿಕ್ಸ್​ ಡಿಸೈನರ್​ ಆಗಿ ಕೆಲಸ ಮಾಡುತ್ತಿದ್ದಾನೆ. ಯೂಸಫ್​ಗೂಡ್​ ಬಸ್ತಿಯಲ್ಲಿ ಇರುವಾಗ ಖಾಸಗಿ ಕಂಪನಿಯ ಮಹಿಳಾ ಉದ್ಯೋಗಿಯೊಂದಿಗೆ ಪರಿಚಯವಾಗಿದೆ. ಪ್ರೀತಿಸಿ, ಸಹಜೀವನ ನಡೆಸಿದ ಬಳಿಕ ಇಬ್ಬರು ಮದುವೆಯಾದರು. ಆದ್ರೆ ಕಾರ್ತಿಕ್​ಗೆ ಇದಕ್ಕೂ ಮುನ್ನ ಮತ್ತೊಬ್ಬಳ ಜೊತೆ ಸಹಜೀವನ ನಡೆಸುತ್ತಿದ್ದನು.

ಹೌದು, ಮದುವೆಗೂ ಮುನ್ನ ಕಾರ್ತಿಕ್​ ಮತ್ತೊಬ್ಬಳ ಜತೆ ಸಹಜೀವನ ನಡೆಸುತ್ತಿದ್ದ. ಆಕೆಗೆ ಮದುವೆಯಾಗ್ತಿನಿ ಅಂತಾ ನಂಬಿಸಿದ್ದ. ಕಾರ್ತಿಕ್​ ಬೇರೆ ಯುವತಿಯೊಂದಿಗೆ ಮದುವೆಯಾಗಿದ್ರೂ ಸಹ ಮತ್ತೊಬ್ಬಾಕೆ ಜೊತೆ ಎಂಟು ವರ್ಷಗಳ ಸಹಜೀವನ ನಡೆಸುತ್ತಲ್ಲೇ ಬಂದನು. ಈ ವಿಷಯ ಯುವತಿಯರಿಬ್ಬರಿಗೂ ತಿಳಿದಿದೆ. ಇಬ್ಬರೂ ಆತನ ವಿರುದ್ಧ ತಿರುಗಿ ಬಿದ್ದಿದ್ದು, ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಮದುವೆಯಾಗಿರುವ ಯುವತಿ ಗಂಡ ಕಾರ್ತಿಕ್​ ಮತ್ತು ಆತನ ಕುಟುಂಬಸ್ಥರ ವಿರುದ್ಧ ದೂರು ದಾಖಲಿಸಿದ್ದಾರೆ. ​ಸಹಜೀವನ ನಡೆಸುತ್ತಿದ್ದ ಯುವತಿ ಕಾರ್ತಿಕ್​ ವಿರುದ್ಧ ಮದುವೆಯಾಗುವುದಾಗಿ ನಂಬಿಸಿ ಮೋಸ ಮಾಡಿದ್ದಾನೆ ಎಂದು ದೂರು ದಾಖಲಿಸಿದ್ದಾರೆ. ಇನ್ನು ಪೊಲೀಸರು ಕಾರ್ತಿಕ್​ ಮತ್ತು ಆತನ ಕುಟುಂಬಸ್ಥರನ್ನು ಭರವಸೆ (ಕೌನ್ಸೆ​ಲಿಂಗ್​) ಕೇಂದ್ರಕ್ಕೆ ಕರೆದು ಬುದ್ದಿ ಹೇಳಿದ್ದರು. ಎರಡು ದಿನಗಳ ಕಾಲಾವಕಾಶ ಕೋರಿ ಕಾರ್ತಿಕ್​ ಪರಾರಿಯಾಗಿದ್ದಾನೆ.

ಈ ಘಟನೆ ಕುರಿತು ಕಾರ್ತಿಕ್​ ಮೇಲೆ ಪೊಲೀಸರು ವಿವಿಧ ಪ್ರಕರಣಗಳನ್ನ ದಾಖಲಿಸಿ ಮುಂದಿನ ಕ್ರಮಕೈಗೊಂಡಿದ್ದಾರೆ.