ಮೆಟ್ರೋ ಸ್ಟೇಷನ್​ನಲ್ಲಿ ಯುವಕ ಆತ್ಮಹತ್ಯೆ: ದುರ್ಬಲ ಹೃದಯಿಗಳು ವಿಡಿಯೋ ನೋಡಬೇಡಿ!

ದೆಹಲಿಯ ಮೆಟ್ರೋ ಸ್ಟೇಷನ್​ನಲ್ಲಿ ಯುವಕ ಆತ್ಮಹತ್ಯೆಗೆ ಶರಣಾಗಿದ್ದು, ಸಿಸಿಟಿವಿಯಲ್ಲಿ ಸೆರೆಯಾಗಿರುವ ವಿಡಿಯೋ ನೋಡಲು ಭಯಾನಕವಾಗಿದೆ.

ನವದೆಹಲಿ:ರಾಷ್ಟ್ರ ರಾಜಧಾನಿ ದೆಹಲಿಯ ಟಾಗೋರ್ ಗಾರ್ಡನ್ ಮೆಟ್ರೋ ರೈಲ್ವೆ ನಿಲ್ದಾಣದಲ್ಲಿ ಯುವಕ ಆತ್ಮಹತ್ಯೆಗೆ ಶರಣಾಗಿದ್ದು, ಸಿಸಿಟಿವಿ ವಿಡಿಯೋ ಭಯಾನಕವಾಗಿದೆ.

ಪಶ್ಚಿಮ ದೆಹಲಿಯ ಟಾಗೋರ್​ ಗಾರ್ಡನ್​​ನ ರೈಲ್ವೆ ನಿಲ್ದಾಣದಲ್ಲಿ ಶುಕ್ರವಾರ ತಡರಾತ್ರಿ ಈ ಘಟನೆ ನಡೆದಿದೆ. ಮೆಟ್ರೋ ​​ ನಿಲ್ದಾಣದ ಬ್ಲೂಲೈನ್​​ ಮುಂದೆ ಏಕಾಏಕಿ ರೈಲಿಗೆ ತಲೆಕೊಟ್ಟು ಮಲಗಿದ್ದಾನೆ. ಈ ವೇಳೆ ಪ್ಲಾಟ್‌ಫಾರ್ಮ್‌ ಕಡೆಗೆ ವೇಗವಾಗಿ ಧಾವಿಸಿದ ರೈಲಿಗೆ ಸಿಲುಕಿದ ಆತನ ತಲೆ ಹಾಗು ದೇಹಭಾಗ ಚೂರು ಚೂರಾಗಿದೆ.

ಮೃತ ದುರ್ದೈವಿಯನ್ನು 27 ವರ್ಷದ ರಾಹುಲ್​ ಎಂದು ಗುರುತಿಸಲಾಗಿದೆ.

ಈತ ನಿರುದ್ಯೋಗಿಯಾಗಿದ್ದು, ಮನನೊಂದು ಈ ನಿರ್ಧಾರ ಕೈಗೊಂಡಿದ್ದಾನೆಂದು ತಿಳಿದು ಬಂದಿದೆ.

ಘಟನೆ ನಡೆದ ನಾಲ್ಕು ದಿನಗಳ ಬಳಿಕ ಸಿಸಿಟಿವಿ ದೃಶ್ಯಾವಳಿ ವೈರಲ್​ ಆಗಿದೆ. ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿ, ಕುಟುಂಬಸ್ಥರಿಗೆ ಒಪ್ಪಿಸಲಾಗಿದೆ.