ಗುರುಗ್ರಾಮ್ : ಆಸ್ಪತ್ರೆಯ ಆವರಣದೊಳಗೆ ಪಿಕಪ್ ಟ್ರಕ್ ನುಗ್ಗಿಸಿದ ವ್ಯಕ್ತಿ

ವಿಷಯ ತಿಳಿದ ಪೊಲೀಸರು ತಕ್ಷಣ ಸ್ಥಳಕ್ಕೆ ಧಾವಿಸಿದ್ದಾರೆ. ಆದರೆ, ಆರೋಪಿ ಅಲ್ಲಿಂದ ತಪ್ಪಿಸಿಕೊಂಡಿದ್ದು, ತನಿಖೆ ಮುಂದುವರೆದಿದೆ..

ಗುರುಗ್ರಾಮ್​ :ವ್ಯಕ್ತಿಯೋರ್ವ ಪಿಕಪ್ ಟ್ರಕ್ ವಾಹನವನ್ನು ಆಸ್ಪತ್ರೆಯ ಆವರಣದೊಳಗೆ ನುಗ್ಗಿಸಿರುವ ಆಘಾತಕಾರಿ ಘಟನೆ ಬಸಾಯಿ ಚೌಕ್‌ನ ಬಾಲಾಜಿ ಆಸ್ಪತ್ರೆಯಲ್ಲಿ ನಡೆದಿದೆ.

ಘಟನೆಯಲ್ಲಿ ಓರ್ವ ಗಾಯಗೊಂಡಿದ್ದಾನೆ. ಇಬ್ಬರು ವೃದ್ಧ ರೋಗಿಗಳ ಚಿಕಿತ್ಸೆಗೆ ಸಂಬಂಧಿಸಿದಂತೆ ಕುಟುಂಬ ಸದಸ್ಯರ ನಡುವಿನ ಜಗಳ ಈ ಘಟನೆಗೆ ಕಾರಣ ಎನ್ನಲಾಗ್ತಿದೆ. ಚಾಲಕ ಇಬ್ಬರು ರೋಗಿಗಳ ಸಂಬಂಧಿಯಾಗಿದ್ದು, ಅವರು ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಮೆಡಿಕಲ್​ ಶಾಪ್‌ ಸೇರಿದಂತೆ 10 ರಿಂದ 15 ವಾಹನಗಳು ಹಾನಿಗೊಂಡಿವೆ ಎಂದು ಬಾಲಾಜಿ ಆಸ್ಪತ್ರೆಯ ನಿರ್ದೇಶಕ ಡಾ.ಬಲ್ವಾನ್ ಸಿಂಗ್ ಹೇಳಿದ್ದಾರೆ. ವಿಷಯ ತಿಳಿದ ಪೊಲೀಸರು ತಕ್ಷಣ ಸ್ಥಳಕ್ಕೆ ಧಾವಿಸಿದ್ದಾರೆ. ಆದರೆ, ಆರೋಪಿ ಅಲ್ಲಿಂದ ತಪ್ಪಿಸಿಕೊಂಡಿದ್ದು, ತನಿಖೆ ಮುಂದುವರೆದಿದೆ.