ಸಗಣಿಯಿಂದಲೇ ಸ್ನಾನ, ಗೋಮೂತ್ರ ಸೇವನೆ: ಇದು ಈ ವ್ಯಕ್ತಿಯ ಆರೋಗ್ಯದ ಗುಟ್ಟಂತೆ!

ಸರ್ಕಾರಿ ನೌಕರನಾಗಿ ಕೆಲಸ ಮಾಡುತ್ತಿರುವ ವ್ಯಕ್ತಿಯೋರ್ವ ಕಳೆದ ಕೆಲ ವರ್ಷಗಳಿಂದ ಸಗಣಿ ಹಚ್ಚಿಕೊಂಡು ಸ್ನಾನ ಮಾಡ್ತಿದ್ದು, ಗೋಮೂತ್ರ ಸೇವನೆ ಮಾಡುತ್ತಿದ್ದಾರೆ.

ಸೋನಾಬದ್ರ(ಯುಪಿ): ಹಸುವಿನ ಮೂತ್ರ ಸೇವನೆಯಿಂದ ಅನೇಕ ರೋಗಗಳು ಗುಣಮುಖವಾಗುತ್ತವೆ ಅನ್ನೋದು ಜನರ ನಂಬಿಕೆ.

ಸಗಣಿಯಿಂದಲೇ ಸ್ನಾನ, ಗೋಮೂತ್ರ ಸೇವನೆ

ಉತ್ತರಪ್ರದೇಶದ ಸೋಬಾಬದ್ರದ ಬಿಚ್ಚಿ ಗ್ರಾಮದಲ್ಲಿ ವಾಸವಾಗಿರುವ ವ್ಯಕ್ತಿ ಘನಶ್ಯಾಮ್​ ಸರ್ಕಾರಿ ನೌಕರನಾಗಿದ್ದು ಕಳೆದ ಅನೇಕ ವರ್ಷಗಳಿಂದ ಹಸುವಿನ ಸಗಣಿಯಿಂದಲೇ ಸ್ನಾನ ಮಾಡ್ತಿದ್ದಾರೆ. ಜೊತೆಗೆ ನಿರಂತರ ಗೋಮೂತ್ರ ಸೇವನೆಯನ್ನೂ ಮಾಡುತ್ತಿದ್ದಾರೆ. ಹೀಗಾಗಿ ಕಳೆದ ಅನೇಕ ವರ್ಷಗಳಿಂದ ಯಾವುದೇ ರೀತಿಯ ಅನಾರೋಗ್ಯಕ್ಕೊಳಗಾಗಿಲ್ಲ ಎಂದು ತಿಳಿಸಿದ್ದಾರೆ. ಜತೆಗೆ ಜನರು ಕೂಡ ಈ ರೀತಿಯಾಗಿ ನಡೆದುಕೊಳ್ಳುವಂತೆ ಅವರು ಮನವಿ ಮಾಡಿದ್ದಾರೆ.

2016-17ರಿಂದಲೂ ತಾವು ಈ ರೀತಿಯಾಗಿ ಮಾಡುತ್ತಿದ್ದು, ದೇಹದ ತುಂಬ ಹಸುವಿನ ಸಗಣಿ ಹಚ್ಚಿಕೊಂಡ ಬಳಿಕ ಸುಮಾರು 10 ನಿಮಿಷಗಳ ಕಾಲ ಬಿಟ್ಟು ಸ್ನಾನ ಮಾಡುವುದರಿಂದ ಯಾವುದೇ ಚರ್ಮ ರೋಗ ಬರುವುದಿಲ್ಲ. ತಾವು ಹಾಲು ಸೇವನೆ ಮಾಡುವುದಕ್ಕಿಂತಲೂ ಹೆಚ್ಚಿನ ರೀತಿಯಲ್ಲಿ ಗೋಮೂತ್ರ ಸೇವಿಸುವುದಾಗಿ ತಿಳಿಸಿದ್ದಾರೆ.