ಮನೆ ಮೇಲೆ ಪಾಕ್​ ಧ್ವಜ ಹಾರಿಸಿದ ಭೂಪ... ಪೊಲೀಸರಿಂದ ಅರೆಸ್ಟ್​​

ಮನೆಯ ಮೇಲೆ ಪಾಕ್​ ಧ್ವಜ ಹಾರಿಸಿರುವ ಆರೋಪದ ಮೇಲೆ ಪೊಲೀಸರು ವ್ಯಕ್ತಿಯೋರ್ವನ ಬಂಧನ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.

ದೇವಾಸ್​(ಮಧ್ಯಪ್ರದೇಶ):ವ್ಯಕ್ತಿಯೋರ್ವ ಮನೆಯ ಮೇಲೆ ಪಾಕಿಸ್ತಾನದ ರಾಷ್ಟ್ರೀಯ ಧ್ವಜ ಹಾರಿಸಿರುವ ಆರೋಪ ಎದುರಿಸುತ್ತಿದ್ದು, ಇದೀಗ ಆತನ ಬಂಧನ ಮಾಡುವಲ್ಲಿ ಮಧ್ಯಪ್ರದೇಶ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಮಧ್ಯಪ್ರದೇಶದ ದೇವಾಸ್​​​ ಪ್ರದೇಶದ ವ್ಯಕ್ತಿ ತನ್ನ ಮನೆಯ ಮೇಲೆ ಪಾಕ್​ ಧ್ವಜ ಹಾರಿಸಿದ್ದಾನೆ ಎಂಬ ಆರೋಪ ಎದುರಿಸುತ್ತಿದ್ದಾನೆ. ಈಗಾಗಲೇ ಆತನ ಬಂಧನ ಮಾಡಲಾಗಿದೆ. ಪಾಕ್​ ಧ್ವಜ ಆತನಿಗೆ ಎಲ್ಲಿಂದ ಸಿಕ್ತು ಎಂಬ ಮಾಹಿತಿ ಇಲ್ಲಿಯವರೆಗೆ ತಿಳಿದು ಬಂದಿಲ್ಲ. ಇದರ ವಿಡಿಯೋ ವೈರಲ್​​ ಆಗುತ್ತಿದ್ದಂತೆ ಎಚ್ಚೆತ್ತುಕೊಂಡ ಪೊಲೀಸರು ಅರೆಸ್ಟ್​​​ ಮಾಡಿದ್ದಾರೆ. ಜತೆಗೆ ಮನೆಯಿಂದ ಪಾಕ್​ ಧ್ವಜ ವಶಪಡಿಸಿಕೊಂಡಿದ್ದಾರೆ.

ಫಾರೂಖ್​ ಖಾನ್​ ಬಂಧಿಸಿರುವ ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ. ಜತೆಗೆ ಆತನ ಮೇಲೆ ಐಪಿಸಿ ಸೆಕ್ಷನ್​​​ 153A ಅಡಿ ದೂರು ದಾಖಲು ಮಾಡಿಕೊಂಡಿದ್ದಾಗಿ ಪೊಲೀಸ್​​ ವರಿಷ್ಠಾಧಿಕಾರಿ ಕಿರಣ್​ ಶರ್ಮಾ ತಿಳಿಸಿದ್ದಾರೆ.

ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಮಾತನಾಡಿರುವ ಫಾರೂಖ್​ ಖಾನ್​, ಆತನ 12 ವರ್ಷದ ಮಗ ಧ್ವಜ ತೆಗೆದುಕೊಂಡು ಬಂದು ಮನೆಯ ಮೇಲೆ ಹಾರಿಸಿದ್ದಾನೆ. ನನ್ನ ಗಮನಕ್ಕೆ ಬರುತ್ತಿದ್ದಂತೆ ಅದನ್ನ ತೆಗೆದು ಹಾಕಿದ್ದಾಗಿ ತಿಳಿಸಿದ್ದಾನೆ.