ವಿಜಯನಗರ ಸಾಮ್ರಾಜ್ಯದ ರಾಮ, ಸೀತೆ, ಲಕ್ಷ್ಮಣರ ವಿಗ್ರಹ ಭಾರತಕ್ಕೆ ನೀಡಿದ​ ಲಂಡನ್​!

15ನೇ ಶತಮನಾದ ವಿಜಯನಗರ ಸಾಮ್ರಾಜ್ಯದ ಮೂರು ವಿಗ್ರಹ ಇದೀಗ ಭಾರತಕ್ಕೆ ವಾಪಸ್​ ಆಗಿದ್ದು, ಲಂಡನ್ ಅಧಿಕಾರಿಗಳಿಗೆ ಕೇಂದ್ರ ಸಚಿವರು ಧನ್ಯವಾದ ಹೇಳಿದ್ದಾರೆ.

ಚೆನ್ನೈ:1978ರಲ್ಲಿ ತಮಿಳುನಾಡಿನ ನಾಗಪಟ್ಟಣಂನ ವಿಷ್ಣು ದೇವಸ್ಥಾನದಿಂದ ಕದ್ದ ವಿಜಯನಗರ ಕಾಲದ ಮೂರು ವಿಗ್ರಹ ಇದೀಗ ಭಾರತಕ್ಕೆ ವಾಪಸ್​ ಬಂದಿವೆ. ಕ್ರಿ.ಶಕೆ 15ನೇ ಶತಮಾನದ ಭಗವಾನ್​ ರಾಮ, ಸೀತೆ ಹಾಗೂ ಲಕ್ಷ್ಮಣ್​ರ ವಿಗ್ರಹಗಳು ಇವಾಗಿವೆ.

1978ರಲ್ಲಿ ದೇವಾಲಯದಿಂದ ಈ ವಿಗ್ರಹಗಳು ಕಳ್ಳತನವಾಗಿದ್ದವು. ಇದೀಗ ಭಾರತದ ಹೈಕಮಿಷನ್​, ಮೆಟ್ರೋಪಾಲಿಟನ್​ ಪೊಲೀಸರ ಸಹಾಯದೊಂದಿಗೆ ಕಾರ್ಯಾಚರಣೆ ನಡೆಸಲಾಗಿತ್ತು. 40 ವರ್ಷಗಳ ಬಳಿಕ ಈ ವಿಗ್ರಹಗಳು ಲಂಡನ್​​ನಿಂದ ಭಾರತಕ್ಕೆ ವಾಪಸ್​ ಮಾಡಲಾಗಿದೆ.

ಇದಕ್ಕೆ ಸಂಬಂಧಿಸಿದಂತೆ ಕೇಂದ್ರ ಸಂಸ್ಕೃತಿ ಮತ್ತು ಪ್ರವಾಸೋದ್ಯಮ ಸಚಿವ ಪ್ರಹ್ಲಾದ್ ಪಟೇಲ್ ಮಾತನಾಡಿದ್ದು, ಲಂಡನ್​​ ಅಧಿಕಾರಿಗಳು 15ನೇ ಶತಮಾನದ ಈ ವಿಗ್ರಹಗಳನ್ನ ವಾಪಸ್​ ನೀಡಿದ್ದಾರೆ ಎಂದಿದ್ದಾರೆ. ಈ ವಿಗ್ರಹಗಳು ಭಾರತಕ್ಕೆ ಸೇರಿದ್ದು, 1978ರಲ್ಲಿ ತಮಿಳುನಾಡಿನ ದೇವಾಲಯದಿಂದ ಕಳ್ಳತನ ಮಾಡಲಾಗಿತ್ತು ಎಂದಿದ್ದಾರೆ. ಕಳೆದ ಕೆಲ ದಿನಗಳ ಹಿಂದೆ ಯುಕೆ ಅಧಿಕಾರಿಗಳು ಭಾರತಕ್ಕೆ ಇದೇ ರೀತಿಯ ಎರಡು ವಿಗ್ರಹ ಹಸ್ತಾಂತರ ಮಾಡಿದ್ದರು.