TikTok ಕ್ರೇಜ್​ಗೆ ಜೀವ ಪಣಕ್ಕೆ... ಉಕ್ಕಿ ಹರಿಯುವ ನದಿಗೆ ಜಿಗಿಯುತ್ತಾರೆ ಈ ಯುವಕರು!

ಅಪಾಯದ ಮಟ್ಟವನ್ನು ಮೀರಿ ಹರಿಯುತ್ತಿರುವ ನದಿಯ ಪ್ರವಾಹವನ್ನು ಲೆಕ್ಕಿಸದೆ ಟಿಕ್​ಟಾಕ್​ ವಿಡಿಯೋ ಹವ್ಯಾಸಿ ಯುವಕರು ದರ್ಭಾಂಗನಲ್ಲಿ ನದಿಗೆ ಹಾರಿ ಮೋಜು- ಮಸ್ತಿ ಮಾಡುತ್ತಿದ್ದಾರೆ. ಸೇತುವೆ ಮೇಲಿನಿಂದ ಮೋಜಿನ ಟಿಕ್​ಟಾಕ್ ವಿಡಿಯೋ ಚಿತ್ರೀಕರಣಕ್ಕಾಗಿ ಮೇಲಿಂದ ಜಿಗಿದು ಹರಿವಿಗೆ ಎದುರಾಗಿ ಈಜುತ್ತಿದ್ದಾರೆ. ಇದು ಪ್ರಾಣಕ್ಕೆ ಅಪಾಯವೆಂದು ಬುದ್ಧಿವಾ ಹೇಳಿದರೂ ಇವ್ರು ಕಿವಿಗೆ ಹಾಕಿಕೊಳ್ಳದ ಮನಸ್ಥಿತಿಯಲ್ಲಿದ್ದಾರೆ.

ಪಾಟ್ನಾ: ಬಿಹಾರದಲ್ಲಿ ಭಾರಿ ಮಳೆಗೆ ನದಿಗಳು ಅಪಾಯ ಮಟ್ಟವನ್ನು ಮೀರಿ ಹರಿಯುತ್ತಿದ್ದು, ರಾಜ್ಯದ 9 ಜಿಲ್ಲೆಗಳು ಪ್ರವಾಹಕ್ಕೆ ತತ್ತರಿಸಿ ಹೋಗಿವೆ.

ಇಂತಹ ಅಪಾಯದ ಮಟ್ಟವನ್ನು ಮೀರಿ ಹರಿಯುತ್ತಿರುವ ನದಿಯ ಪ್ರವಾಹವನ್ನು ಲೆಕ್ಕಿಸದೆ ಟಿಕ್​ಟಾಕ್​ ವಿಡಿಯೋ ಹವ್ಯಾಸಿ ಯುವಕರು ದರ್ಭಾಂಗ್​ನಲ್ಲಿ ನದಿಗೆ ಹಾರಿ ಮೋಜು ಮಸ್ತಿ ಮಾಡುತ್ತಿದ್ದಾರೆ. ಸೇತುವೆ ಮೇಲಿಂದ ಮೋಜಿನ ಟಿಕ್​ಟಾಕ್ ವಿಡಿಯೋ ಚಿತ್ರೀಕರಣಕ್ಕಾಗಿ ಜಿಗಿದು ಹರಿವಿಗೆ ಎದುರಾಗಿ ಈಜುತ್ತಿದ್ದಾರೆ. ಹೀಗೆ ಪ್ರಾಣವನ್ನೇ ಪಣಕ್ಕಿಟ್ಟು ಅಪಾಯಕ್ಕೆ ಆಹ್ವಾನ ಕೊಡಬೇಡಿ ಎಂದು ಬುದ್ಧಿವಾದ ಹೇಳಿದರೂ ಯುವಕರು ಇದನ್ನು ಕಿವಿಗೆ ಹಾಕಿಕೊಳ್ಳದ ಮನಸ್ಥಿತಿಯಲ್ಲಿದ್ದಾರೆ.

ದರ್ಭಾಂಗ್​ ಡಿಎಂ ಮಾತನಾಡಿ, ಅಪಾಯದ ಮಟ್ಟ ಮೀರಿ ಹರಿಯುತ್ತಿರುವ ನದಿ ತೀರಗಳಲ್ಲಿ ಸೆಲ್ಫಿಗಳನ್ನು ತೆಗೆದುಕೊಳ್ಳುವ ಮತ್ತು ದೃಶ್ಯಾವಳಿಗಳನ್ನು ಚಿತ್ರೀಕರಿಸುವಂತಹ ಸಾಹಸಗಳಿಗೆ ಮುಂದಾಗದಂತೆ ಸ್ಥಳೀಯರಿಗೆ ಪದೇ ಪದೇ ಮನವಿ ಮಾಡಿದ್ದೇವೆ. ಆದರೆ, ಈ ಬಗ್ಗೆ ಯಾರೂ ಕಿವಿಗೂಡುತ್ತಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಈ ಮಧ್ಯೆ ಡೆಹ್ರಾಡೂನ್​ನ ಭಾರತೀಯ ಹವಾಮಾನ ಇಲಾಖೆಯು ನೈನಿತಾಲ್, ಚಂಪಾವತ್, ಪಿಥೋರಗರ್​, ಚಮೋಲಿ, ಹರಿದ್ವಾರ್, ಡೆಹ್ರಾಡೂನ್ ಮತ್ತು ಪೌರಿ ಜಿಲ್ಲೆಗಳಲ್ಲಿ ಮುಂದಿನ 24 ಗಂಟೆಗಳಲ್ಲಿ ಭಾರಿ ಮಳೆಯಾಗುವ ಸಾಧ್ಯತೆಯಿದೆ ಎಂದು ಎಚ್ಚರಿಸಿದೆ.