ಹವಾ ಸೃಷ್ಟಿಸಿದ್ದ ಎಲ್​ಜೆಪಿಗೆ ಒಂದೇ ಸ್ಥಾನ.. ಇತರೆ ಪಕ್ಷಗಳ ಸ್ಥಿತಿಯೇನು?

ಬಿಹಾರದ ಚುನಾವಣಾ ಪ್ರಚಾರದಲ್ಲಿ ಹವಾ ಸೃಷ್ಟಿಸಿದ್ದ ಎಲ್​ಜೆಪಿ ಕೇವಲ ಒಂದು ಸ್ಥಾನ ಪಡೆದುಕೊಂಡಿದೆ. ರಾಕೇಶ್ ರಂಜನ್ ಅಕಾ ಪಪ್ಪು ಯಾದವ್ ನೇತೃತ್ವದ ಜನ ಅಧಿಕಾರಿ ಪಕ್ಷ ಮತ್ತು ಮಾಜಿ ಕೇಂದ್ರ ಸಚಿವ ಉಪೇಂದ್ರ ಕುಶ್ವಾಹಾ ನೇತೃತ್ವದ ಆರ್‌ಎಲ್‌ಎಸ್‌ಪಿ ಸಾಕಷ್ಟು ಸದ್ದು ಮಾಡಿದರೂ, ಹೆಚ್ಚಿನ ಸ್ಥಾನ ಗಳಿಸುವಲ್ಲಿ ವಿಫಲವಾಗಿವೆ..

ಪಾಟ್ನಾ:ಬಿಹಾರ ಚುನಾವಣೆಯಲ್ಲಿ ಚಿರಾಗ್ ಪಾಸ್ವಾನ್ ನೇತೃತ್ವದ ಲೋಕ ಜನಶಕ್ತಿ ಪಕ್ಷ (ಎಲ್‌ಜೆಪಿ), ರಾಕೇಶ್ ರಂಜನ್ ಅಕಾ ಪಪ್ಪು ಯಾದವ್ ನೇತೃತ್ವದ ಜನ ಅಧಿಕಾರಿ ಪಕ್ಷ ಮತ್ತು ಮಾಜಿ ಕೇಂದ್ರ ಸಚಿವ ಉಪೇಂದ್ರ ಕುಶ್ವಾಹಾ ನೇತೃತ್ವದ ರಾಷ್ಟ್ರೀಯ ಲೋಕ ಸಮತಾ ಪಕ್ಷ (ಆರ್‌ಎಲ್‌ಎಸ್‌ಪಿ) ಸಾಕಷ್ಟು ಸದ್ದು ಮಾಡಿದರೂ, ಹೆಚ್ಚಿನ ಸ್ಥಾನ ಗಳಿಸುವಲ್ಲಿ ವಿಫಲವಾಗಿವೆ.

ಸಿಎಂ ನಿತೀಶ್ ಕುಮಾರ್ ಅವರನ್ನು ಗುರಿಯಾಗಿಸಿಕೊಂಡು, ಸ್ಥಾನ ಹಂಚಿಕೆ ವಿಚಾರದಲ್ಲಿ ಬಿಜೆಪಿಯೊಂದಿಗೆ ಸೆಣೆಸಿ, ಕೊನೆಗೆ ಎಲ್​ಜೆಪಿ ಏಕಾಂಗಿಯಾಗಿ ಸ್ಪರ್ಧಿಸಿತ್ತು. 137 ಸ್ಥಾನಗಳಲ್ಲಿ ಸ್ಪರ್ಧಿಸಿದ ಎಲ್​ಜೆಪಿ ಕೇವಲ ಒಂದು ಸ್ಥಾನ ಗೆದ್ದು, ತೀವ್ರ ಮುಖಭಂಗ ಅನುಭವಿಸಿದೆ. ಆದರೆ, ಶೇಕಡಾ 5.66 ರಷ್ಟು ಮತಗಳನ್ನು ಪಡೆಯುವ ಮೂಲಕ ಮತಗಳ ಪ್ರಮಾಣವನ್ನು ಹೆಚ್ಚಿಸಿಕೊಂಡಿದೆ.

ಸ್ಥಾನ ಹಂಚಿಕೆ ವಿಚಾರವಾಗಿ ಕುಶ್ವಾಹ ನೇತೃತ್ವದ ಆರ್‌ಎಲ್‌ಎಸ್‌ಪಿ, ಮೈತ್ರಿಯನ್ನು ತೊರೆದಿತ್ತು. ಜಿಡಿಎಸ್​ಎಫ್​​ನ ಮೂರನೇ ಭಾಗವಾಗಿ ಆರ್​ಎಸ್​ಎಲ್​ಪಿ ಸ್ಪರ್ಧಿಸಿತ್ತು. 104 ಸ್ಥಾನಗಳಲ್ಲಿ ಸ್ಪರ್ಧಿಸಿದ್ದ ಆರ್‌ಎಲ್‌ಎಸ್‌ಪಿಗೆ ಒಂದೇ ಒಂದು ಸ್ಥಾನವನ್ನೂ ಗೆಲ್ಲಲು ಸಾಧ್ಯವಾಗಲಿಲ್ಲ. ಆದಾಗ್ಯೂ, ಅಭ್ಯರ್ಥಿಗಳು ಹಲವು ಪ್ರದೇಶಗಳಲ್ಲಿ ಮತಗಳನ್ನು ಕಸಿದುಕೊಂಡರು.

2015 ರಲ್ಲಿ ಶೇಕಡಾ 3.6 ರಷ್ಟು ಮತ ಪಡೆದಿದ್ದ ಪಕ್ಷ ಈ ಚುನಾವಣೆಯಲ್ಲಿ ಶೇಕಡಾ 1.77 ಕ್ಕೆ ಇಳಿದಿದೆ. ಈ ಮಧ್ಯೆ ಬಿಎಸ್​ಪಿ ಒಂದು ಸ್ಥಾನ, ಎಐಎಂಐಎಂ ಐದು ಕ್ಷೇತ್ರಗಳಲ್ಲಿ ಜಯಭೇರಿ ಬಾರಿಸಿದೆ. ಬಿಎಸ್​ಪಿ 80 ಮತ್ತು ಎಐಎಂಐಎಂ 11 ಸ್ಥಾನಗಳಲ್ಲಿ ಸ್ಪರ್ಧಿಸಿದ್ದವು.

2015 ರ ವಿಧಾನಸಭಾ ಚುನಾವಣೆಗೆ ಮುಂಚಿತವಾಗಿ, ಜನವರಿ ಅಧಿಕಾರ ಪಕ್ಷ (ಜೆಎಪಿ) ಎಂಬ ತಮ್ಮದೇ ಪಕ್ಷ ರಚಿಸಿದ್ದ ರಾಕೇಶ್ ರಂಜನ್ ಅಲಿಯಾಸ್ ಪಪ್ಪು ಯಾದವ್ ಮತ್ತೊಮ್ಮೆ ಸೋತಿದ್ದಾರೆ. ಪಪ್ಪು ಯಾದವ್ ಅವರು ಮಾಧೇಪುರದ ಮಾಜಿ ಸಂಸದರಾಗಿದ್ದರು ಮತ್ತು ಪಕ್ಷ ವಿರೋಧಿ ಚಟುವಟಿಕೆಗಳಿಗಾಗಿ ಅವರನ್ನು ಆರ್‌ಜೆಡಿಯಿಂದ ಅಮಾನತುಗೊಳಿಸಲಾಗಿತ್ತು.

ಬಿಹಾರದಲ್ಲಿ ಮೂರು ಹಂತಗಳಲ್ಲಿ 243 ಕ್ಷೇತ್ರಗಳ ಚುನಾವಣೆ ನಡೆದಿದ್ದು, ಎನ್​ಡಿಎ ಮೈತ್ರಿ ಕೂಟ 125 ಸ್ಥಾನ ಪಡೆದು ಸರಳ ಬಹುಮತ ಪಡೆದುಕೊಂಡಿದೆ., ಆರ್​ಜೆಡಿ ನೇತೃತ್ವ ಮಹಾಘಟ್​ಬಂಧನ್ 111 ಸ್ಥಾನಗಳಲ್ಲಿ ಗೆದ್ದಿದೆ.