ಲೋಕ ಸಮರ: ಫೇಸ್​ಬುಕ್​, ಟ್ವಿಟರ್​ ಬಳಸುವ ಅಭ್ಯರ್ಥಿಗಳು ಇದನ್ನು ಕಡ್ಡಾಯವಾಗಿ ಪಾಲಿಸಬೇಕು

ಚುನಾವಣೆ ನೀತಿ ಸಂಹಿತೆ ಇರುವಾಗ ಅಭ್ಯರ್ಥಿಗಳ ಜಾಲತಾಣ ಬಳಕೆಗೆ ಇರುವ ಮಿತಿಗಳೇನು ಗೊತ್ತಾ

ಲೋಕಸಭಾ ಚುನಾವಣೆ ಹತ್ತಿರ ಬಂದಿದೆ. ರಾಜಕೀಯ ಪಕ್ಷಗಳ ಅಭ್ಯರ್ಥಿಗಳು ಸಾಮಾಜಿಕ ಜಾಲತಾಣಗಳನ್ನು ಬಳಸುವಾಗ ಮೈಯ್ಯೆಲ್ಲಾ ಕಣ್ಣಾಗಿರಬೇಕು. ನೀತಿ ಸಂಹಿತೆ ಜಾರಿ ಇರುವ ಈ ದಿನಗಳಲ್ಲಿ ಅಭ್ಯರ್ಥಿಗಳ ಜಾಲತಾಣ ಬಳಕೆಗೆ ಇರುವ ಮಿತಿಗಳೇನು ಇಲ್ಲಿದೆ ಫುಲ್​ ಡೀಟೇಲ್ಸ್​.

*ನಾಮಪತ್ರ ಸಲ್ಲಿಸುವಾಗ ಅಭ್ಯರ್ಥಿಗಳು ಅವರ ಫೇಸ್​ಬುಕ್​, ಟ್ವಿಟರ್​ ಖಾತೆಗಳ ವಿವರವನ್ನು ಚುನಾವಣಾ ಆಯೋಗಕ್ಕೆ ನೀಡಬೇಕು

* ಫೇಸ್​ಬುಕ್​, ಟ್ವಿಟರ್​ನಲ್ಲಿ ಪೋಸ್ಟ್​ ಮಾಡುವ ಜಾಹೀರಾತುಗಳಿಗೆ ಮುಂಚಿತವಾಗಿ ಇಸಿಯಿಂದ ಪ್ರಮಾಣೀಕೃತವಾಗಿರಬೇಕು.

* ಇಸಿ ಪ್ರಮಾಣೀಕೃತಗೊಳಿಸದ ಜಾಹೀರಾತುಗಳನ್ನು ಟ್ವಿಟರ್​, ಫೇಸ್​ಬುಕ್​, ಗೂಗಲ್​, ಯೂಟ್ಯೂಬ್​ನಲ್ಲಿ ಯಾರೂ ಪ್ರಕಟಿಸುವಂತಿಲ್ಲ.

* ಸಾಮಾಜಿಕ ಜಾಲತಾಣಗಳ ಜಾಹೀರಾತಿಗೆ ಮಾಡುತ್ತಿರುವ ಖರ್ಚನ್ನು ಚುನಾವಣಾ ಆಯೋಗಕ್ಕೆ ಲೆಕ್ಕ ಕೊಡಬೇಕು.

* ಚುನಾವಣಾ ಅಭ್ಯರ್ಥಿಗಳು ಭಾರತೀಯ ಸೇನೆಯ ಯಾರೊಬ್ಬರ ಫೋಟೊವನ್ನು ತಮ್ಮ ಖಾತೆಯಲ್ಲಿ ಹಂಚಿಕೊಳ್ಳುವಂತಿಲ್ಲ.

* ಜಾಲತಾಣಗಳ ನಿಯಮ ಮುರಿದರೆ, ತಕ್ಷಣವೇ ಇಸಿಯ ಸಾಮಾಜಿಕ ಜಾಲತಾಣ ವಿಭಾಗದ ಅಧಿಕಾರಿಗೆ ದೂರು ನೀಡಬೇಕು.

* ದ್ವೇಷ ಭಾಷಣ, ಸುಳ್ಳು ಸುದ್ದಿಯನ್ನು ಜಾಲತಾಣಗಳಲ್ಲಿ ಶೇರ್​ ಮಾಡುವಂತಿಲ್ಲ. ಟ್ವಿಟರ್​ ಈಗಾಗಲೇ ಇಂಥ ಸುದ್ದಿಗಳನ್ನು ಪ್ರಚಾರ ಮಾಡುವುದಿಲ್ಲ ಎಂದು ಭರವಸೆ ನೀಡಿದೆ.

* ವಾಟ್ಸ್​ಆ್ಯಪ್​ ಬಳಕೆ ಕುರಿತು ಈವರೆಗೆ ಯಾವುದೇ ಮಾರ್ಗದರ್ಶಿ ಸೂತ್ರಗಳನ್ನು ಇಸಿ ಬಿಡುಗಡೆ ಮಾಡಿಲ್ಲ.