ಉತ್ತರಾಖಂಡ್ :ಮಹಾ ಕುಂಭಮೇಳವು ವಿಶ್ವದ ಬೃಹತ್ ಧಾರ್ಮಿಕ ಸಮಾಗಮ ಎಂದೇ ಖ್ಯಾತಿಯಾಗಿದೆ. ಇದು ಜಗತ್ತಿನ ಅತಿದೊಡ್ಡ ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಮೇಳವಾಗಿದೆ. ಹಿಂದೂ ಧರ್ಮದಲ್ಲಿ ನಂಬಿಕೆ ಇರುವ ಪ್ರತಿಯೊಬ್ಬರೂ ಈ ಮಹಾಮೇಳದಲ್ಲಿ ಭಾಗಿಯಾಗಲು ಬಯಸುತ್ತಾರೆ.
ಆದರೆ, ಕೊರೊನಾದಿಂದ ಈ ಬಾರಿ ಎಲ್ಲರೂ ಮಹಾಕುಂಭ ಮೇಳದಲ್ಲಿ ಭಾಗಿಯಾಗಲು ಸಾಧ್ಯವಾಗುತ್ತಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಶಾಂತಿಕುಂಜದ ಗಾಯತ್ರಿ ಪರಿವಾರ ಆಶ್ರಮವು 'ನಿಮ್ಮ ಮನೆಗೆ ಹರಿದ್ವಾರ' ಎಂಬ ಅಭಿಯಾನ ಪ್ರಾರಂಭಿಸಿದೆ. ಹರಿದ್ವಾರದಲ್ಲಿ ಕುಂಭಮೇಳ ನಡೆಯುತ್ತಿದ್ದರೆ, ಇತ್ತ ಹರಿದ್ವಾರವೇ ನಿಮ್ಮ ಮನೆ ಬಾಗಿಲಿಗೆ ಬರಲಿದೆ.
ಹರಿದ್ವಾರದಲ್ಲಿ ಕುಂಭಮೇಳ, 'ನಿಮ್ಮ ಮನೆಗೆ ಹರಿದ್ವಾರ'
ಕುಂಭ ಮೇಳದ ಇತಿಹಾಸದಲ್ಲಿ ಈ ರೀತಿಯ ಅಭಿಯಾನವು ಮೊದಲ ಬಾರಿಗೆ ನಡೆಯುತ್ತಿದೆ. ಗಂಗಾ ನೀರು, ವೇದ ಮಾತಾ ಗಾಯತ್ರಿ ಅವರ ಚಿತ್ರ ಮತ್ತು ಯುಗ ಸಾಹಿತ್ಯವನ್ನು 10 ಲಕ್ಷಕ್ಕೂ ಹೆಚ್ಚು ಮನೆಗಳಿಗೆ ಕಳುಹಿಸುವ ಉದ್ದೇಶ ಹೊಂದಲಾಗಿದೆ.