ಬ್ರೇನ್​ ಡೆಡ್​ ಯುವಕನ ಅಂಗಾಂಗ ದಾನದಿಂದ ಬದುಕಿದ ಎರಡು ಜೀವ!

ಬ್ರೇನ್​ ಡೆಡ್​ನಿಂದ ಸಾವನ್ನಪ್ಪಿದ್ದ ಯುವಕನ ಅಂಗಾಂಗಳಿಂದ ಇಬ್ಬರು ಮತ್ತೆ ಜೀವ ಪಡೆದಿರುವ ಘಟನೆ ಪಶ್ಚಿಮ ಬಂಗಾಳದಲ್ಲಿ ನಡೆದಿದೆ.

ಕೋಲ್ಕತ್ತಾ: ಶ್ವಾಸಕೋಶದ ತೀವ್ರ ಸಮಸ್ಯೆ ಮತ್ತು ಹೃದಯ ರೋಗಿ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದ ರೋಗಿಗಳಿಬ್ಬರಿಗೆ ಮಿದುಳು ನಿಷ್ಕ್ರಿಯಗೊಂಡು ಮೃತಪಟ್ಟ ಯುವಕನೊಬ್ಬ ಇಬ್ಬರ ಬದುಕಿಗೆ ಹೊಸ ಜೀವ ನೀಡಿದ್ದಾರೆ.

ಮಿದುಳಿನೊಳಗೆ ರಕ್ತಸ್ರಾವದಿಂದಾಗಿ ಇಲ್ಲಿನ ರುಬಿ ಆಸ್ಪತ್ರೆಯಲ್ಲಿ ನವೆಂಬರ್​ 6ರಿಂದ 28 ವರ್ಷದ ಕೌಸ್ತವ್​ ರಾಯ್​ ಚಿಕಿತ್ಸೆ ಪಡೆಯುತ್ತಿದ್ದರು. ನರವಿಜ್ಞಾನಿ, ನರಶಸ್ತ್ರಚಿಕಿತ್ಸಕ, ನೆಫ್ರಾಲಜಿಸ್ಟ್, ಕ್ರಿಟಿಕಲ್ ಕೇರ್ ಸ್ಪೆಷಲಿಸ್ಟ್ ಮತ್ತು ಇತರರು ಸೇರಿದಂತೆ ಮಲ್ಟಿಸ್ಪೆಷಾಲಿಟಿ ತಂಡವು ಕೌಸ್ತವ್​ನನ್ನು ಉಳಿಸಲು ಪ್ರಯತ್ನಿಸಿದರು. ಆದ್ರೂ ಸಹ ಒಂದೊಂದಾಗಿ ಅಂಗಾಂಗಳು ವಿಫಲಗೊಳ್ಳಲು ಪ್ರಾರಂಭಿಸಿದವು. ಕೊನೆಯದಾಗಿ ಮಿದುಳು ನಿಷ್ಕ್ರಿಯಗೊಂಡಿದ್ದು, ಕೌಸ್ತವ್​ ಮೃತಪಟ್ಟಿದ್ದಾನೆ ಎಂದು ವೈದ್ಯರು ಆತನ ಕುಟುಂಬಸ್ಥರಿಗೆ ತಿಳಿಸಿದರು.

ಇಬ್ಬರು ರೋಗಿಗಳು ಅಂಗಾಂಗ ವೈಫಲ್ಯದಿಂದ ಬಳಲುತ್ತಿದ್ದಾರೆ. ನಿಮ್ಮ ಮಗನ ಅಂಗಾಂಗಗಳು ದಾನ ಮಾಡವ ಮೂಲಕ ಅವರ ಪ್ರಾಣ ಉಳಿಯುತ್ತದೆ ಎಂದು ವೈದ್ಯರು ಕೌಸ್ತವ್​ ಕುಟುಂಬಸ್ಥರಿಗೆ ತಿಳಿಸಿದ್ದಾರೆ. ಕೂಡಲೇ ಕೌಸ್ತವ್​ ಕುಟುಂಬಸ್ಥರು ಮಗನ ಅಂಗಾಂಗಗಳನ್ನು ದಾನ ಮಾಡಲು ಮುಂದಾದರು. ವೈದ್ಯರು ಕೌಸ್ತವ್ ಮೃತ ದೇಹದಿಂದ ಶ್ವಾಸಕೋಶ, ಹೃದಯ ಮತ್ತು ಚರ್ಮವನ್ನು ಪಡೆದರು.

ಮೃತ ಯುವಕನಿಂದ ಪಡೆದ ಅಂಗಗಳನ್ನು ಹೌರಾ ನಿವಾಸಿ 48 ವರ್ಷದ ವ್ಯಕ್ತಿಗೆ ಯಶಸ್ವಿಯಾಗಿ ಶ್ವಾಸಕೋಶ ಕಸಿ ಮಾಡಲಾಗಿದೆ. ಜಂಗಲ್​ಪಾರ್​ ನಿವಾಸಿ 55 ವರ್ಷದ ಮಹಿಳೆಗೆ ರೋಗಿಗೆ ಹೃದಯ ಕಸಿ ಮಾಡಲಾಗಿದೆ ಎಂದು ಸರ್ಕಾರಿ ಸ್ವಾಮ್ಯದ ಸ್ನಾತಕೋತ್ತರ ಮತ್ತು ವೈದ್ಯಕೀಯ ಶಿಕ್ಷಣ ಸಂಸ್ಥೆಯ ವೈದ್ಯರು ತಿಳಿಸಿದರು.

ಒಟ್ಟಿನಲ್ಲಿ ಮೃತ ಯುವಕನ ಅಂಗಾಂಗಗಳ ದಾನದಿಂದ ಇಬ್ಬರು ಮರು ಜೀವ ಪಡೆದುಕೊಂಡಿದ್ದಾರೆ.