ಮೃತ ತಾಯಿ ಶವದ ಮೇಲೆ ಆಟವಾಡ್ತಿದ್ದ ಅನಾಥ ಮಗುವಿಗೆ ಶಾರುಖ್​ ಖಾನ್​ ಸಹಾಯ!

ಬಿಹಾರದ ಮುಜಾಫರ್​ಪುರ್​ ರೈಲ್ವೆ ನಿಲ್ದಾಣದಲ್ಲಿ ಮೃತ ತಾಯಿ ಶವದ ಮೇಲೆ ಆಟವಾಡ್ತಿದ್ದ ಮಗುವನ್ನ ಅಜ್ಜ-ಅಜ್ಜಿಯ ಬಳಿ ಸೇರಿಸುವಲ್ಲಿ ಬಾಲಿವುಡ್​ ನಟ ಶಾರುಖ್​ ಖಾನ್​ ಸಹಾಯ ಮಾಡಿದ್ದಾರೆ.

ಮುಂಬೈ: ಕಳೆದ ಕೆಲ ದಿನಗಳ ಹಿಂದೆ ಮುಜಾಫರ್​​ಪುರ್​​ ರೈಲ್ವೆ ನಿಲ್ದಾಣದಲ್ಲಿ ಮೃತ ತಾಯಿ ಶವದ ಮೇಲೆ ಆಟವಾಡುತ್ತಿದ್ದ ಮಗುವಿನ ಸಾಹಯಕ್ಕೆ ಬಾಲಿವುಟ್​ ನಟ ಶಾರುಖ್​ ಖಾನ್​ ಮುಂದಾಗಿದ್ದು, ಮಗುವನ್ನ ಅದರ ಕುಟುಂಬಸ್ಥರ ಬಳಿ ತಲುಪಿಸುವಲ್ಲಿ ಸಹಾಯ ಮಾಡಿದ್ದಾರೆ.

ಶಾರುಖ್​ ಖಾನ್​ ಮೀರ್​ ಸಂಸ್ಥೆ ಈ ಕೆಲಸ ಮಾಡಿದ್ದು, ಇದಕ್ಕೆ ಸಂಬಂಧಿಸಿದಂತೆ ಟ್ವೀಟ್​ ಕೂಡ ಮಾಡಿದ್ದಾರೆ. ಚಿಕ್ಕ ಮಗುವಿನೊಂದಿಗೆ ನಮ್ಮನ್ನು ಸಂಪರ್ಕಿಸಿದ್ದಕ್ಕಾಗಿ ಧನ್ಯವಾದಗಳು. ಪೋಷಕರನ್ನ ಕಳೆದುಕೊಂಡಿರುವ ಶಕ್ತಿಯಲ್ಲಿ ಭರಿಸುವ ಧೈರ್ಯ ಆ ಮಗುವಿನಲ್ಲಿ ನೀಡಲಿ ಎಂದಿರುವ ಅವರು,ಮಗುವಿನ ಒಳತಿಗಾಗಿ ನಾನು ಪ್ರಾರ್ಥಿಸುತ್ತೇನೆ ಎಂದು ಟ್ವೀಟ್ ಮಾಡಿದ್ದಾರೆ.

ಈ ಹಿಂದೆ ಕೂಡ ಅನೇಕ ಸಲ ಮೀರ್​ ಸಂಸ್ಥೆ ಅನೇಕ ಸಾಮಾಜಿಕ ಸೇವಾ ಕೆಲಸದಲ್ಲಿ ತೊಡಗಿದ್ದು, ಮಹಾರಾಷ್ಟ್ರದಲ್ಲಿ ಕೊರೊನಾ ವಿರುದ್ಧ ಹೋರಾಟ ನಡೆಸಿರುವ ವೈದ್ಯಕೀಯ ಸಿಬ್ಬಂದಿಗೆ 25 ಸಾವಿರ ಪಿಪಿಇ ಕಿಟ್​ ನೀಡಿತ್ತು.