ಹ್ಯಾಮಿಲ್ಟನ್:ಟೀಂ ಇಂಡಿಯಾ-ನ್ಯೂಜಿಲ್ಯಾಂಡ್ ನಡುವಿನ ಮೂರನೇ ಟಿ-20 ಪಂದ್ಯ ಬಹಳಷ್ಟು ರೋಚಕತೆ ಪಡೆದುಕೊಂಡಿದ್ದು, ಎಲ್ಲರಿಗೂ ತಿಳಿದ ಸಂಗತಿ. ಈ ವೇಳೆ ಪಂದ್ಯ ವೀಕ್ಷಣೆ ಮಾಡಲು ಬಂದಿದ್ದ ಕಿವೀಸ್ ಕ್ರೀಡಾಭಿಮಾನಿಯೊಬ್ಬ ಭಾರತ್ ಮಾತಾ ಕೀ ಜೈ ಎಂದು ಘೋಷಣೆ ಕೂಗಿ ಎಲ್ಲರ ಗಮನ ಸೆಳೆದಿದ್ದಾರೆ.
'ಭಾರತ್ ಮಾತಾ ಕೀ ಜೈ'... ಗಮನ ಸೆಳೆದ ಕಿವೀಸ್ ಅಭಿಮಾನಿ ಘೋಷಣೆ! - ನ್ಯೂಜಿಲೆಂಡ್ ಕ್ರೀಡಾಭಿಮಾನಿ
ಟೀಂ ಇಂಡಿಯಾ ಕ್ರಿಕೆಟ್ ಆಡಲು ಮೈದಾನಕ್ಕಿಳಿದ್ರೆ ಸಾಕು ತಂಡಕ್ಕೆ ಸಪೋರ್ಟ್ ಮಾಡಲು ಸಾವಿರಾರು ಜನರು ಮೈದಾನಕ್ಕೆ ತೆರಳುತ್ತಾರೆ. ಅಷ್ಟೇ ಅಲ್ಲದೇ ಎದುರಾಳಿ ತಂಡದ ಅಭಿಮಾನಿಗಳಲ್ಲೂ ಭಾರತಾಭಿಮಾನ ಹುಟ್ಟಿಸಿದ್ದಾರೆ.
ಕಿವೀಸ್ ಅಭಿಮಾನಿ
ನ್ಯೂಜಿಲ್ಯಾಂಡ್ ಕ್ರೀಡಾಭಿಮಾನಿ ಬಳಿ ಕುಳಿತುಕೊಂಡಿದ್ದ ಕೆಲ ಭಾರತೀಯರು ಭಾರತ್ ಮಾತಾ ಕೀ ಜೈ ಎಂದು ಘೋಷಣೆ ಕೂಗುವಂತೆ ಮನವಿ ಮಾಡಿಕೊಂಡಿದ್ದಾರೆ. ಈ ವೇಳೆ, ನ್ಯೂಜಿಲ್ಯಾಂಡ್ನ ಅಭಿಮಾನಿಯೊಬ್ಬ ಫುಲ್ ಜೋಶ್ನಿಂದ ಭಾರತ್ ಮಾತಾ ಕೀ ಜೈ ಎಂದು ಘೋಷಣೆ ಹಾಕಿದ್ದಾರೆ. ಇದೀಗ ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗಿದೆ. ಮೊದಲು ಭಾರತೀಯರು ಆತನಿಗೆ ಈ ರೀತಿಯಾಗಿ ಘೋಷಣೆ ಮಾಡುವಂತೆ ಮನವಿ ಮಾಡಿಕೊಂಡಿದ್ದು, ಅದಕ್ಕೆ ನ್ಯೂಜಿಲ್ಯಾಂಡ್ ಅಭಿಮಾನಿ ಧ್ವನಿಗೂಡಿಸಿ ಈ ರೀತಿಯಾಗಿ ಹೇಳಿದ್ದಾರೆ.
ಐದು ಟಿ-20 ಪಂದ್ಯಗಳ ಕ್ರಿಕೆಟ್ ಸರಣಿಯಲ್ಲಿ ಈಗಾಗಲೇ ಟೀಂ ಇಂಡಿಯಾ 3-0 ಅಂತರದಲ್ಲಿ ಸರಣಿ ಕೈವಶ ಮಾಡಿಕೊಂಡಿದ್ದು, ಮುಂದಿನ ಎರಡು ಪಂದ್ಯಗಳಲ್ಲೂ ಗೆಲುವು ಸಾಧಿಸಿ ಕ್ಲಿನ್ ಸ್ವೀಪ್ ಮಾಡುವ ತವಕದಲ್ಲಿದೆ.