ಟಿಎಸ್​​ಆರ್​​ಟಿಸಿ ಹೋರಾಟ ಅಂತ್ಯ.. ಇಂದಿನಿಂದಲೇ ಎಲ್ಲ ನೌಕರರು ಕೆಲಸಕ್ಕೆ ಹಾಜರ್​

ತೆಲಂಗಾಣ ರಸ್ತೆ ಸಾರಿಗೆ ಸಂಸ್ಥೆ ನೌಕರರ ಹೋರಾಟಕ್ಕೆ ಜಯ ಸಿಕ್ಕಿದ್ದು,ಇಂದಿನಿಂದಲೇ ಎಲ್ಲ ಪ್ರತಿಭಟನಾ ನಿರತ ಸಾರಿಗೆ ಸಂಸ್ಥೆ ಕೆಲಸಗಾರರು ಕೆಲಸಕ್ಕೆ ಹಾಜರಾಗಲಿದ್ದಾರೆ.

ಹೈದರಾಬಾದ್​:ಅಂತಿಮವಾಗಿ ತೆಲಂಗಾಣ ರಸ್ತೆ ಸಾರಿಗೆ ಸಂಸ್ಥೆ ನೌಕರರ ಹೋರಾಟಕ್ಕೆ ಜಯ ಸಿಕ್ಕಿದೆ. ಸಿಎಂ ನೌಕರರೊಂದಿಗೆ ಮಾತನಾಡಿದ್ದು,ಅಂತಿಮವಾಗಿ ಸಚಿವ ಸಂಪುಟ ಸಭೆ ನಡೆಸಿದ ಸಿಎಂ ಕೆ.ಚಂದ್ರಶೇಖರ್​ ರಾವ್​, ನೌಕರರು ಕೆಲಸಕ್ಕೆ ಹಾಜರಾಗಲು ಅನುಮತಿ ನೀಡಿದ್ದಾರೆ.

ಇಂದಿನಿಂದಲೇ ಎಲ್ಲ ಪ್ರತಿಭಟನಾ ನಿರತ ಸಾರಿಗೆ ಸಂಸ್ಥೆ ಕೆಲಸಗಾರರು ಕೆಲಸಕ್ಕೆ ಹಾಜರಾಗಲಿದ್ದಾರೆ. ನಿನ್ನೆ ಸಚಿವ ಸಂಪುಟ ಸಭೆ ನಡೆಸಿದ ಸಿಎಂ ಚಂದ್ರಶೇಖರ್​ ರಾವ್​, ಸಂಸ್ಥೆಯ ಆರ್ಥಿಕ ಪರಿಸ್ಥಿತಿ ಸರಿದಾರಿಗೆ ತರಲು ಹಲವು ಕ್ರಮಗಳನ್ನ ಪ್ರಕಟಿಸಿದರು.

ಸಚಿವ ಸಂಪುಟದ ತೀರ್ಮಾನಗಳನ್ನು ನೋಡುವುದಾದರೆ:

• ಹಲವು ದಿನಗಳಿಂದ ಪ್ರತಿಭಟನಾ ನಿರತ ನೌಕರರು ಕೆಲಸಕ್ಕೆ ಹಾಜರಾಗಲು ಯಾವುದೇ ಷರತ್ತು ವಿಧಿಸಿಲ್ಲ
• ಸಂಸ್ಥೆ ಕಾರ್ಯನಿರ್ವಹಣೆಗೆ ತಕ್ಷಣಕ್ಕೆ 100 ಕೋಟಿ ರೂ.ಸಹಾಯಧನ ಘೋಷಣೆ
• ಮುಂದಿನ ಸೋಮವಾರದಿಂದ ಕಿ.ಮೀಗೆ 20 ಪೈಸೆ ಬಸ್​ ದರ ಹೆಚ್ಚಳ ಮಾಡಲು ಸಾರಿಗೆ ಸಂಸ್ಥೆಗೆ ಅನುಮತಿ.
• ಹೋರಾಟದ ಸಮಯದಲ್ಲಿ ಪ್ರಾಣ ಕಳೆದುಕೊಂಡ ಕುಟುಂಬಸ್ಥರಿಗೆ ಕೆಲಸ ನೀಡಲು ನಿರ್ಧಾರ.
• ಸರ್ಕಾರ ನೌಕರರ ಹಿತರಕ್ಷಣಾ ಸಮಿತಿ ರಚಿಸುವ ತೀರ್ಮಾನ ಕೈಗೊಂಡಿದೆ.

ಅಕ್ಟೋಬರ್​ 5 ರಿಂದ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಒತ್ತಾಯಿಸಿ 50 ಸಾವಿರ ನೌಕರರು ಪ್ರತಿಭಟನೆ ಹಾಗೂ ಮುಷ್ಕರ ಆರಂಭಿಸಿದ್ದರು.