ಮುಂಬೈ: ಬಾಲಿವುಡ್ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ನಡೆಸಿಕೊಡುವ ಕೌನ್ ಬನೇಗಾ ಕರೋಡ್ ಪತಿ ರಿಯಾಲಿಟಿ ಶೋನಲ್ಲಿ ಭಾರತೀಯ ರೆಲ್ವೆಯ ಸ್ಟೇಶನ್ ಇಂಜಿನಿಯರೊಬ್ಬರು ಒಂದು ಕೋಟಿ ರೂ. ಗೆದ್ದು ನಗೆ ಬೀರಿದ್ದಾರೆ.
ಕರೋಡ್ ಪತಿಯಲ್ಲಿ ಕೋಟಿ ಗೆದ್ದ ಇಂಜನಿಯರ್... ಬಡ ಹೆಣ್ಮಕ್ಕಳ 'ಕಲ್ಯಾಣ'ಕ್ಕಾಗಿ ಬಳಕೆ!
ಕೌನ್ ಬನೇಗಾ ಕರೋಡ್ ಪತಿ ಪಾಪುಲರ್ ರಿಯಾಲಿಟಿ ಶೋನಲ್ಲಿ ಭಾರತೀಯ ರೆಲ್ವೆಯ ಸ್ಟೇಶನ್ ಇಂಜನಿಯರೊಬ್ಬರು ಒಂದು ಕೋಟಿ ಹಣ ಗೆದ್ದಿದ್ದಾರೆ. ಈ ಹಣವನ್ನು ಬಡ ಹೆಣ್ಣು ಮಕ್ಕಳ ಕಲ್ಯಾಣಕ್ಕಾಗಿ ಉಪಯೋಗಿಸುವುದಾಗಿ ಅವರು ತಿಳಿಸಿದ್ದಾರೆ.
ಕರೋಡ್ ಪತಿಯಲ್ಲಿ ಕೋಟಿ ಗೆದ್ದ ಇಂಜನೀಯರ್
ಬಿಹಾರದ ನಿವಾಸಿ ಗೌತಮ್ಕುಮಾರ್ ಈಗ ಪಶ್ಚಿಮಬಂಗಾಳದಲ್ಲಿ ಸ್ಟೇಶನ್ ಇಂಜನಿಯರ್ಆಗಿ ಕೆಲಸ ಮಾಡುತ್ತಿದ್ದು, ತಮ್ಮ ಪತ್ನಿಯೊಂದಿಗೆ ವಾಸಿಸುತ್ತಿದ್ದಾರೆ. ಈ ಗೆಲುವಿನ ಬಗ್ಗೆ ಸಂತಸ ಹಂಚಿಕೊಂಡ ಅವರು, ನನಗೆ ಬಹಳ ಸಂತೋಷವಾಗಿದೆ. ನಾನು ಇಲ್ಲಿ ಬಂದು ಕೋಟಿ ಹಣ ಗೆಲ್ಲುತ್ತೇನೆಂದು ಯೋಚಿಸಿಲ್ಲ.
ಈ ಬಂದ ಹಣದಿಂದ ನಾನು ಪಾಟ್ನಾದಲ್ಲಿ ಮನೆ ಖರೀದಿಸುವೆ. ನಮ್ಮ ಊರಿನಲ್ಲಿರುವ ಬಡ ಹೆಣ್ಣು ಮಕ್ಕಳ ವಿವಾಹ ಮತ್ತು ಓದುವುದಕ್ಕೆ ಸಹಾಯ ಮಾಡುವುದಾಗಿ ತಿಳಿಸಿದ್ದಾರೆ.