ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರಕ್ಕೆ ಪ್ರತ್ಯೇಕ ಪ್ರಾತಿನಿಧ್ಯ ನೀಡುವ 35(ಎ) ಕಲಂ ಏನಾದರೂ ರದ್ದಾದರೆ ಕಾಶ್ಮೀರ ಭಾರತದ ಭಾಗವಾಗಿರಲ್ಲ ಎಂದು ಮಾಜಿ ಸಿಎಂ ಮೆಹಬೂಬ್ ಮುಫ್ತಿ ಎಚ್ಚರಿಕೆ ನೀಡಿದ್ದಾರೆ.
ಅನಂತನಾಗ್ ಕ್ಷೇತ್ರದಲ್ಲಿ ನಾಮಪತ್ರ ಸಲ್ಲಿಕೆ ಮಾಡಿ ಮಾತನಾಡಿದ ಅವರು, 2020ಕ್ಕೆ ಜಮ್ಮು ಮತ್ತು ಕಾಶ್ಮೀರದ 35(ಎ) ಕಲಂ ರದ್ದಾಗಲಿದೆ ಎಂಬ ಅಮಿತ್ ಶಾ ಹೇಳಿಕೆಗೆ ತಿರುಗೇಟು ನೀಡಿದರು.
ಒಂದು ವೇಳೆ ಅವರು 2020ಕ್ಕೆ ಈ ಕೆಲಸ ಮಾಡಲು ಸಿದ್ಧರಾದರೆ ಖಂಡಿತಾ ಕಾಶ್ಮೀರ ಭಾರತದ ಭಾಗವಾಗಿರಲ್ಲ. ಆನಂತರ ಅವರು ದೊಡ್ಡ ಸಂಗ್ರಾಮಕ್ಕೆ ಸಿದ್ಧರಾಗಬೇಕಾಗುತ್ತದೆ. ನಾನೇ ಆ ಸಂಗ್ರಾಮದ ಮುಂಚೂಣಿಯಲ್ಲಿರುತ್ತೇನೆ. 2020 ಜಮ್ಮು ಮತ್ತು ಕಾಶ್ಮೀರದ ಡೆಡ್ಲೈನ್ ಸಹ ಆಗಿರುತ್ತೆ ಎಂದರು.
370 ಕಲಂ ರಕ್ಷಣೆಗಾಗಿ ತಾನು ಏನುಬೇಕಾದರೂ ಮಾಡುತ್ತೇನೆ. ಇಡೀ ರಾಜ್ಯ ಇದಕ್ಕಾಗಿ ಒಂದಾಗಿದೆ ಎಂದೂ ಹೇಳಿದರು.
ಇದಾದ ನಂತರ ಟ್ವೀಟ್ ಮಾಡಿದ ಅವರು, ನನ್ನ ತಂದೆಯ ಮಾರ್ಗದರ್ಶನ ಹಾಗೂ ಬೆಂಬಲವಿಲ್ಲದೆ ಮೊದಲ ಬಾರಿ ಚುನಾವಣೆಗೆ ಸ್ಪರ್ಧಿಸುತ್ತಿದ್ದೇನೆ. ಆದರೆ, ಜನತೆ ಪಿಡಿಪಿ ಮೇಲೆ ನಂಬಿಕೆ ಹೊಂದಿದ್ದಾರೆಂದು ನನಗೆ ಗೊತ್ತು. ಜನರಿಗಾಗಿ ಹೋರಾಡುವುದು ನನಗೆ ಹೆಮ್ಮ ಎಂದಿದ್ದಾರೆ.
