ಕರ್ತಾರ್‌ಪುರ ಕಾರಿಡಾರ್ ಉದ್ಘಾಟನಾ ಸಮಾರಂಭ: ಇಮ್ರಾನ್​ ಖಾನ್​ ಆಹ್ವಾನಕ್ಕೆ ತಲೆದೂಗಿದ ಸಿಧು!

ಕರ್ತಾರ್‌ಪುರ ಕಾರಿಡಾರ್ ಉದ್ಘಾಟನಾ ಸಮಾರಂಭಕ್ಕೆ ನವಜೋತ್​ ಸಿಂಗ್​ ಸಿಧುಗೆ ಇಮ್ರಾನ್​ ಖಾನ್​ ಆಹ್ವಾನಿಸಿದ್ದರು. ಪಾಕ್​ ಅಧ್ಯಕ್ಷರ ಆಹ್ವಾನವನ್ನು ಮಾಜಿ ಕ್ರಿಕೆಟರ್​ ಮತ್ತು ಕಾಂಗ್ರೆಸ್​ ನಾಯಕ ಸಿಧು ಸ್ವೀಕಾರ ಮಾಡಿದ್ದಾರೆ.

ನವದೆಹಲಿ: ಕರ್ತಾರ್‌ಪುರ ಕಾರಿಡಾರ್ ಉದ್ಘಾಟನಾ ಸಮಾರಂಭಕ್ಕೆ ಪಾಕ್​ ಪ್ರಧಾನಿ ನವಜೋತ್​ ಸಿಂಗ್​ ಸಿಧುಗೆ ಆಹ್ವಾನಿಸಿದ್ದು, ಇದಕ್ಕೆ ಮಾಜಿ ಕ್ರಿಕೆಟರ್​ ಗ್ರೀನ್​ ಸಿಗ್ನಲ್​ ನೀಡಿದ್ದಾರೆ.

ಹೌದು, ನವೆಂಬರ್​ 9 ರಂದು ಐತಿಹಾಸಿಕ ಕರ್ತಾರ್​ಪುರ ಕಾರಿಡಾರ್​ ಉದ್ಘಾಟನಾ ಸಮಾರಂಭ ನಡೆಯಲಿದೆ. ಐತಿಹಾಸಿಕ ಸಮಾರಂಭಕ್ಕೆ ಪಾಕ್​ ಪ್ರಧಾನಿ ಇಮ್ರಾನ್​ ಖಾನ್ ಅವರು​ ಪ್ರಧಾನಿ ಮೋದಿ ಸೇರಿದಂತೆ ಕಾಂಗ್ರೆಸ್​ ನಾಯಕ ನವಜೋತ್​ ಸಿಂಗ್​ ಸಿಧುಗೆ ಆಹ್ವಾನಿಸಿದ್ದಾರೆ.

ಇನ್ನು ಇಮ್ರಾನ್​ ಖಾನ್​ ಆಹ್ವಾನವನ್ನು ನವಜೋತ್​ ಸಿಂಗ್​ ಸಿಧು ಅಂಗೀಕರಿಸಿದ್ದಾರೆ. ನವೆಂಬರ್​ 9ರಂದು ನಡೆಯಲಿರುವ ಕರ್ತಾರ್​ಪುರ ಕಾರಿಡಾರ್​ ಉದ್ಘಾಟನಾ ಸಮಾರಂಭದಲ್ಲಿ ಸಿಧು ಭಾಗಿಯಾಗಲಿದ್ದಾರೆ ಎಂದು ಪಾಕ್​ ಪತ್ರಿಕಾ ಪ್ರಕಟಣೆ ಮೂಲಕ ಮಾಹಿತಿ ನೀಡಿದೆ.