ಬಾಲಿವುಡ್​​ ತಾರೆಯರ ಶೀತಲ ಸಮರಕ್ಕೆ ಕಾರಣವಾದ ರಿಹಾನ್ನಾ ಟ್ವೀಟ್‌

ರೈತರ ಪ್ರತಿಭಟನೆಗೆ ಬೆಂಬಲ ಸೂಚಿಸಿ ಟ್ವೀಟ್​ ಮಾಡಿದ್ದ, ಪಾಪ್ ಗಾಯಕಿ ರಿಹಾನ್ನಾ ಅವರನ್ನು ಕಂಗನಾ ಟ್ರೋಲ್​ ಮಾಡಿದ್ದರು. ಈ​ ವಿಚಾರವೀಗ ಬಾಲಿವುಡ್‌ ತಾರೆಗಳಾದ ತಾಪ್ಸಿ ಪನ್ನು ಮತ್ತು ಕಂಗನಾ ನಡುವಿನ ಜಗಳಕ್ಕೆ ಕಾರಣವಾಗಿದೆ.

ಮುಂಬೈ:ಬಾಲಿವುಡ್ ನಟಿಯರಾದ ಕಂಗನಾ ರಣಾವತ್​ ಮತ್ತು ತಾಪ್ಸಿ ಪನ್ನು ನಡುವಿನ ಶೀತಲ ಸಮರ ಗುರುವಾರ ಮತ್ತೆ ಮುನ್ನೆಲೆಗೆ ಬಂದಿದ್ದು, ಇಬ್ಬರೂ ಸೋಷಿಯಲ್ ಮೀಡಿಯಾದಲ್ಲಿ ಪರಸ್ಪರ ಜಗಳಕ್ಕೆ ಇಳಿದಿದ್ದಾರೆ.

ನಾವು ಇತರರಿಗೆ 'ಪ್ರಚಾರದ ಶಿಕ್ಷಕರಾಗುವುದಿಲ್ಲ'. ಕೇವಲ ಒಂದು ಟ್ವೀಟ್​, ಒಂದು ಜೋಕ್​ ಅಥವಾ ಕಾರ್ಯಕ್ರಮದಿಂದ ನಿಮ್ಮ ಒಗ್ಗಟ್ಟು, ನಂಬಿಕೆ ಮತ್ತು ಧಾರ್ಮಿಕ ಶ್ರದ್ಧೆ ಅಲುಗಾಡುತ್ತದೆ ಎಂದಾದರೆ. ಮೊದಲು ನಿಮ್ಮ ಮೌಲ್ಯವನ್ನು ಗಟ್ಟಿಗೊಳಿಸುವ ಕೆಲಸ ಮಾಡಿ. ಅದನ್ನು ಬಿಟ್ಟು ಬೇರೆಯವರಿಗೆ ಪ್ರಚಾರದ ಪಾಠ ಕಲಿಸಲು ಬರಬೇಡಿ ಎಂದು ಹೆಸರನ್ನು ಉಲ್ಲೇಖಿಸದೇ ತಾಪ್ಸಿ ಟ್ವೀಟ್​ ಮಾಡಿದ್ದಾರೆ.

ಕಂಗನಾ ಟ್ವೀಟ್​

ಭಾರತದಲ್ಲಿ ನಡೆಯುತ್ತಿರುವ ರೈತರ ಪ್ರತಿಭಟನೆಯ ಬಗ್ಗೆ ಪ್ರತಿಕ್ರಿಯಿಸಿದ್ದಕ್ಕಾಗಿ ಕಂಗನಾ ಅಂತಾರಾಷ್ಟ್ರೀಯ ಪಾಪ್ ತಾರೆ ರಿಹಾನ್ನಾ ಅವರನ್ನು ಟ್ರೋಲ್ ಮಾಡಿದ ಒಂದು ದಿನದ ನಂತರ ಈ ಪ್ರತಿಕ್ರಿಯೆ ಬಂದಿದೆ.

ಕಂಗನಾ ಟ್ವೀಟ್​

ತಾಪ್ಸಿ ಹೆಸರನ್ನು ಬಳಸದೇ ಕಂಗನಾ ಸಹಾ ಟ್ವೀಟ್ ಮಾಡಿದ್ದಾರೆ. "ಬಿ-ಗ್ರೇಡ್ ವ್ಯಕ್ತಿ", "ಡಂಬೊ" ಮತ್ತು "ಫ್ರೀಲೋಡರ್" ನಂತಹ ವಿಶೇಷಣಗಳನ್ನು ಬಳಸಿಕೊಂಡು ಕಂಗನಾ ಪ್ರತಿಕ್ರಿಯಿಸಿದ್ದಾರೆ.