ನವದೆಹಲಿ:ಜೆಎನ್ಯು ವಿದ್ಯಾರ್ಥಿಯೊಬ್ಬ ವಿಶ್ವವಿದ್ಯಾಲಯದ ಭದ್ರತಾ ಸಿಬ್ಬಂದಿಗೆ ಕೊರೊನಾ ಸೋಂಕು ಹರಡುವುದಾಗಿ ಬೆದರಿಕೆ ಹಾಕಿದ ಘಟನೆ ನವದೆಹಲಿಯಲ್ಲಿ ನಡೆದಿದೆ.
ಲಾಕ್ಡೌನ್ ಉಲ್ಲಂಘಿಸಿದ್ದಕ್ಕೆ ತಡೆದ ಭದ್ರತಾ ಸಿಬ್ಬಂದಿ: ಕೆಮ್ಮಿ, ಕೊರೊನಾ ಹಬ್ಬಿಸ್ತೀನಿ ಎಂದ ಜೆಎನ್ಯು ವಿದ್ಯಾರ್ಥಿ - ದೆಹಲಿ ಜೆಎನ್ಯು
ಲಾಕ್ಡೌನ್ ಉಲ್ಲಂಘಿಸುತ್ತಿದ್ದನ್ನು ಭದ್ರತಾ ಸಿಬ್ಬಂದಿ ತಡೆದಿದ್ದಕ್ಕೆ ಕೊರೊನಾ ಹರಡಿಸುವುದಾಗಿ ಜೆಎನ್ಯೂ ವಿದ್ಯಾರ್ಥಿ ಬೆದರಿಕೆ ಹಾಕಿದ ಘಟನೆ ಜೆಎನ್ಯು ಕ್ಯಾಂಪಸ್ನಲ್ಲಿ ನಡೆದಿದೆ.
ಜೆಎನ್ಯು
ಪ್ರಣವ್ ಮೆನನ್ ಕೊರೊನಾ ಸೋಂಕು ಹರಡುವುದಾಗಿ ಬೆದರಿಕೆ ಹಾಕಿದ ವಿದ್ಯಾರ್ಥಿಯಾಗಿದ್ದು, ಗುರುವಾರ ಸಂಜೆ ಜೆಎನ್ಯು ವಿವಿಯ ಕ್ಯಾಂಪಸ್ನಿಂದ ಹೊರಬರಲು ಯತ್ನಿಸಿದ್ದನು. ಇದಕ್ಕಾಗಿ ಯೂನಿವರ್ಸಿಟಿಯ ಉತ್ತರ ದ್ವಾರದ ಬಳಿ ಬಂದಿದ್ದ ಆತನನ್ನು ಭದ್ರತಾ ಸಿಬ್ಬಂದಿ ತಡೆದಿದ್ದಾರೆ. ಲಾಕ್ ಡೌನ್ ಘೋಷಣೆಯಾಗಿದ್ದ ಕಾರಣದಿಂದ ಆತನನ್ನು ಕ್ಯಾಂಪಸ್ನಿಂದ ಹೊರಹೋಗದಂತೆ ಸೂಚಿಸಿದ್ದಾರೆ.
ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಪ್ರಣವ್ ಮೆನನ್ ಕೆಮ್ಮಿ, ಕೊರೊನಾ ಸೋಂಕನ್ನು ಹರಡುವುದಾಗಿ ಭದ್ರತಾ ಸಿಬ್ಬಂದಿಗೆ ಬೆದರಿಕೆ ಹಾಕಿದ್ದಾನೆ. ಇದರ ಜೊತೆಗೆ ಹೈಡ್ರಾಮಾ ಸೃಷ್ಟಿಸಿದ ಈತ ಮಾಸ್ಕ್ ತೆಗೆದು ಭದ್ರತಾ ಸಿಬ್ಬಂದಿಗೆ ಧಮ್ಕಿ ಹಾಕಿದ್ದಾನೆ. ಈ ವೇಳೆ ಆತನನ್ನು ವಶಕ್ಕೆ ಪಡೆದ ಪೊಲೀಸರು, ಎಫ್ಐಆರ್ ದಾಖಲಿಸಿ ಕ್ರಮ ಕೈಗೊಂಡಿದ್ದಾರೆ.