ಬುರ್ಖಾ ಧರಿಸಿ ಬಂದರೆ ದಂಡ: ವಿದ್ಯಾರ್ಥಿಗಳಿಗೆ ಮಹಿಳಾ ಕಾಲೇಜು ಸೂಚನೆ

ವಿದ್ಯಾರ್ಥಿಗಳು ಶನಿವಾರ ಹೊರತುಪಡಿಸಿ ಪ್ರತಿನಿತ್ಯ ಕಾಲೇಜು ನಿಗದಿಪಡಿಸಿರುವ ಡ್ರೆಸ್​ ಕೋಡ್​ ಪಾಲಿಸಿ ಕಾಲೇಜಿಗೆ ಬರಬೇಕು. ಬುರ್ಖಾ ಧರಿಸಿ ಕಾಲೇಜಿಗೆ ಬರುವಂತಿಲ್ಲ ಎಂದು ಬಿಹಾರ ರಾಜ್ಯದ ಪಾಟ್ನಾದಲ್ಲಿರುವ ಜೆ.ಡಿ ಮಹಿಳಾ ಕಾಲೇಜು ನಿರ್ದೇಶನ ನೀಡಿದೆ.

ಪಾಟ್ನಾ: ಕಾಲೇಜಿಗೆ ಬುರ್ಖಾ ಧರಿಸಿ ಬರುವಂತಿಲ್ಲ ಎಂದು ಬಿಹಾರ ರಾಜ್ಯದ ಪಾಟ್ನಾದಲ್ಲಿರುವ ಜೆ.ಡಿ ಮಹಿಳಾ ಕಾಲೇಜು ವಿದ್ಯಾರ್ಥಿಗಳಿಗೆ ನಿರ್ದೇಶನ ನೀಡಿದೆ.

ಪಾಟ್ನಾದ ಜೆ.ಡಿ ಮಹಿಳಾ ಕಾಲೇಜು ಈ ಬಗ್ಗೆ ಸುತ್ತೋಲೆ ಹೊರಡಿಸಿದ್ದು, ವಿದ್ಯಾರ್ಥಿಗಳು ಶನಿವಾರ ಹೊರತುಪಡಿಸಿ ಪ್ರತಿನಿತ್ಯ ಕಾಲೇಜು ನಿಗದಿಪಡಿಸಿರುವ ಡ್ರೆಸ್​ ಕೋಡ್​ ಪಾಲಿಸಿ ಕಾಲೇಜಿಗೆ ಬರಬೇಕು. ಜೊತೆಗೆ ವಿದ್ಯಾರ್ಥಿನಿಯರು ಬುರ್ಖಾ ಧರಿಸಿ ಬರುವಂತಿಲ್ಲ. ಈ ನಿಯಮಗಳನ್ನು ಉಲ್ಲಂಘಿಸಿದರೆ 250 ರೂ. ದಂಡ ವಿಧಿಸಲಾಗುವುದು ಎಂದು ಸೂಚನೆ ನೀಡಿದೆ.