ರೊನಾಲ್ಡ್‌ ರೇಗನ್‌, ಬಿಲ್‌ ಕ್ಲಿಂಟನ್‌ ಮನಗೆದ್ದ ಗಿಟಾರ್ ವಾದಕ ಕೊರೊನಾದಿಂದ ನಿಧನ

ಕೊರೊನಾ ವೈರಸ್ ಪಾಸಿಟಿವ್ ಬಂದಿದ್ದ ಖ್ಯಾತ ಗಿಟಾರಿಸ್ಟ್ ಬಕ್ಕಿ ಫಿಜ್ಜರೆಲ್ಲಿ ಇಂದು ತಮ್ಮ ನಿವಾಸದಲ್ಲಿ ಕೊನೆಯುಸಿರೆಳೆದಿದ್ದಾರೆ.

ವಾಷಿಂಗ್ಟನ್​​: ನ್ಯೂಜೆರ್ಸಿಯಲ್ಲಿ ಹಾಲ್​ಆಫ್​ ಫೇಮ್​ ಗೌರವ ಪಡೆದಿದ್ದ ಖ್ಯಾತ ಗಿಟಾರ್ ಕಲಾವಿದ ಬಕ್ಕಿ ಫಿಜ್ಜರೆಲ್ಲಿ ತಮ್ಮ 94ನೇ ವಯಸ್ಸಿನಲ್ಲಿ ಮೃತಪಟ್ಟಿದ್ದಾರೆ.

ಸಾಯುವುದಕ್ಕೂ ಮೊದಲು ಇವರಿಗೆ ಕೊರೊನಾ ವೈರಸ್ ಪರೀಕ್ಷೆಯಲ್ಲಿ ಪಾಸಿಟಿವ್​ ಎಂದು ತಿಳಿದುಬಂದಿತ್ತು. ಈ ಸಂಗೀತ ಕಲಾವಿದ ತಮ್ಮ ವೃತ್ತಿ ಜೀವನದಲ್ಲಿ ಶ್ವೇತಭವನದಲ್ಲೂ ಅಧ್ಯಕ್ಷರ ಪರವಾಗಿ ಗಿಟಾರ್ ನುಡಿಸಿ ಪ್ರಖ್ಯಾತರಾಗಿದ್ದರು. ಇದೀಗ ತಮ್ಮ 94ನೇ ವಯಸ್ಸಿನಲ್ಲಿ ಇಲ್ಲಿನ ಸ್ಯಾಡಲ್​ ನದಿ ತೀರದಲ್ಲಿರುವ ನಿವಾಸದಲ್ಲಿ ಮೃತಪಟ್ಟಿದ್ದಾರೆ.

ನ್ಯೂಜೆರ್ಸಿಯ ಪ್ಯಾಟರ್ಸನ್​​​​ನಲ್ಲಿ ಜನಿಸಿದ ಫಿಜ್ಜರೆಲ್ಲಿ 8 ದಶಕಗಳ ಕಾಲ ವೃತ್ತಿ ಜೀವನದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದರು.

ಅಮೆರಿಕಾದ ಮಾಜಿ ಅಧ್ಯಕ್ಷರುಗಳಾದ ರೊನಾಲ್ಡ್​​​ ರೇಗನ್​ ಮತ್ತು ಬಿಲ್ ಕ್ಲಿಂಟನ್​​ ಸೇರಿದಂತೆ ಹಲವು ಮಾಜಿ ಅಧ್ಯಕ್ಷರಿಗೆ ತಮ್ಮ ಸಂಗೀತದ ಕಂಪನ್ನು ತೋರಿಸಿದ್ದರು. ಅಲ್ಲದೆ ಸಂಗೀತ ವಿದ್ವಾಂಸರು ಎಂದೇ ಹೆಸರು ಗಳಿಸಿದ್ದ ಫ್ರಾಂಕ್ ಸಿನಾತ್ರಾ ಅವರೊಂದಿಗೆ ಸಂಗೀತ ಕಚೇರಿಗಳಲ್ಲೂ ಭಾಗಿಯಾಗಿದ್ದರು.