ಜಾರ್ಖಂಡ್​​​ ಅಸೆಂಬ್ಲಿ ಎಲೆಕ್ಷನ್​​​ನಲ್ಲಿ ಗುಂಡಿನ ಮೊರೆತ: ಒಬ್ಬನ ಹತ್ಯೆ

ಜಾರ್ಖಂಡ್​​ನಲ್ಲಿ ಎರಡನೇ ಹಂತದ ಚುನಾವಣೆ ವೇಳೆ ಫೈರಿಂಗ್​​ ನಡೆದಿದ್ದ ಓರ್ವ ವ್ಯಕ್ತಿ ಮೃತಪಟ್ಟಿದ್ದಾನೆ.

ರಾಂಚಿ:ಜಾರ್ಖಂಡ್​​ನಲ್ಲಿ ಎರಡನೇ ಹಂತದ ಚುನಾವಣೆಗೆ ಇಂದು ಮತದಾನ ನಡೆಯುತ್ತಿದೆ. ಇಂದು 20 ಸ್ಥಾನಗಳಿಗೆ ಜನ ತಮ್ಮ ಹಕ್ಕು ಚಲಾವಣೆ ಮಾಡುತ್ತಿದ್ದಾರೆ.

ಈ ನಡುವೆ ಗುಮ್ಲಾ ವಿಧಾನಸಭಾ ಕ್ಷೇತ್ರದಲ್ಲಿ ಗುಂಡಿನ ಸದ್ದು ಕೇಳಿ ಬಂದಿದೆ. ದುಷ್ಕರ್ಮಿಗಳು ಹಾರಿಸಿದ ಗುಂಡಿಗೆ ಒಬ್ಬ ಬಲಿಯಾಗಿದ್ದಾನೆ. ಬ್ಲಾಕ್​ ಡೆವೆಲಪ್​​ಮೆಂಟ್​ ಅಧಿಕಾರಿಯ ವಾಹನ ಗುರಿಯಾಗಿಸಿಕೊಂಡು ಈ ದಾಳಿ ನಡೆದಿದೆ ಎನ್ನಲಾಗಿದೆ.

ಬಂಗಿಯ ಬೂತ್​​ ನಂಬರ್​ 36 ರಲ್ಲಿ ಈ ಘಟನೆ ನಡೆದಿದೆ. ಘಟನಾ ಸ್ಥಳಕ್ಕೆ ರೈಲ್ವೆ ಸುರಕ್ಷತಾ ದಳ (ಆರ್​ಪಿಎಫ್​​) ದೌಡಾಯಿಸಿದೆ. ಈ ಸಂಬಂಧ ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗುತ್ತಿದೆ.

ಒಟ್ಟು ಐದು ಹಂತಗಳಲ್ಲಿ ಆಯೋಗ ಚುನಾವಣೆ ನಡೆಸುತ್ತಿದೆ. ಮೊದಲ ಹಂತದ ಮತದಾನ ಪೂರ್ಣಗೊಂಡು ಇಂದು ಎರಡನೇ ಹಂತದ ಮತದಾನ ನಡೆಯುತ್ತಿದೆ.ಡಿಸೆಂಬರ್​ 12, 16 ಮತ್ತು 20 ರಂದು ಉಳಿದ ಹಂತದ ಮತದಾನ ನಡೆಯಲಿದ್ದು, ಇದೇ ತಿಂಗಳ 23 ರಂದು ಫಲಿತಾಂಶ ಪ್ರಕಟವಾಗಲಿದೆ.